Dự anr paz kêiz muôs grêix ngaz tuk sinh học đros trâu chos tâuz đas chiê paz hlôngr yiêz tsơưr pưr trâu pêx xênhv”đros trâu Tsaz yênhx “Tsik yuôr yêiz pluôs” tưz tâu kriz uô ntơưv ntâu thax tsav qơư txov nhêv nhoz tỉnh Lai Châu txix shông 2019. Tsaz yênhx tsêx trung paz trâu chor ziv chuôz zis muôx nhuôs zâu tsik tâu muôx 2 shông, pox niêv tsênhv xênhz nhuôs hâur chêr thiêz chor chuôz zis pluôs, zuôr xar pluôs. Txix dự anr li têx paz, pêx xênhv tưz huôv tsar uô tâu ntâu zav txix kôngz nuv, jux juk gra siêz phênhv sâu, hlôngr yiêz luz nênhx. Zơưv Nguyễn Duy Sơn, Chi cục trưởng Chi cục Huôv tsar jêx jok tox siêz, Sở Kôngz nuv thiêz Huôv tsar jêx jok tox siêz tỉnh Lai Châu puz pâuz: “Hâur ntu zuôr txos, chiê uô tâu jông tsaz yênhx no, pêz zuôr tror hêik pâuz trâu cxuô cấp, cxuô nganhx chiê kriz uô cxix cxuô têx tsưr ziv; chiê paz trâu pêx xênhv sir zôngv têx kỹ thuật yiêz jông lok trâu uô nox. Iz chas co, đrâuv gra siêz pêx xênhv li jênhv pâuz thôngz đhâu chor jiês cơưv, yax kriê, pêz zuôr huiz tôngv têx pênhr jos chiê kriz uô cov tâu truôx jông đuô”./.

Khắc Kiên-Kik Thox cxêik nhênhv

Huyện Mường Ảng, tỉnh Điện Biên muôx 100 ntâu lênhx txir ndâux txir luk zos tsôngv box heir nênhs tsơưs. Chor txir ndâux txir luk muôx pưs txux zov chênhr hâur luz nênhx xênhz huôx, lar heik zos yax kriê, vênhv tôngv pêx xênhv uô trơưk Đảng, têz qơưk têx chei; huôv tsar kinh tế-xã hội, cxuz cêr yeiz pluôs, tsưx phưv truôx têz qơưk; tuôr jông chiê têx txux chi cêr nênhx vênhx huôv. Chiê cxiv tsa thiêz uô jông têx txir ndâux txir luk li pưs txux uô ntêx nyuôs kriê tsôngv niêv txir cưr tix nênhx tsa sơưr đơưk cêr uô nênhx, niêx shông Ủy ban huyện Mường Ảng chox kriê Phongx mênhx cxưx qênhz shuôs, xeir tsov, cxaz nzir têx lênhx txir ndâux txir luk muôx suôz bê hâur thax tsav huyện. Fuô uô lơưr têx chei paz trâu chor txir ndâux txir luk, hâur ntu 2017-2022, huyện tưz muôz xav hur si zuôr xar 300 tsov đeiv nhiêx trâu 600 ntâu lênhx txir ndâux txir luk./.

Báo Điện Biên-Riê Lâux cxeik nhênhv 

Hâur 3 luz hli hâur shôngk shông 2023, ntơưv Lào Cai tưz muôx yenhx puô lênhx nênhs trâus đêr, mir tov, khơưz tsuv tuôx cxax yuôx phax tar moz vưv. Muôx iz lênhx pox niêv trâus tuôs tiv trâus moz vưv đhâu 18 luz hli trâu chuôz zis chor đêr tov taz sik tsik cxax yuôx phax tar moz vưv. Uô ntêx hla trâu chêix ntux sor – zos chêix zôngx ziv trâu moz vưv huôv xênhz hênhr, Ủy ban tỉnh Lào Cai tưz muôx ntâuz ntơưr hêik têx nganhx, thax tsav qơư sir jos phax tar, sêiz kaz truôx jông thiêz txo grêk tsơưs qênhx sênhx trâus tuôs tiv moz vưv. Pos Phạm Thị Hoa, Phưv Chi cục Trưởng Chi cục Tu zus thiêz Thú y tỉnh Lào Cai puz pâuz: “Lok tsưr ziv, taz viv zuôr sik côngv đros cxuô thax tsav qơư tror sir jos kriz uô côngz xưv yax kriê, gra siêz jênhv pâuz trâu nênhs tu zus đêr,mir lok zuk li qênhx liv, txơưx jênhv thiêz jênhv vưv. Zos tiêk nênhs tu zus tsik cxax yuôx phax moz vưv trâu chor tsiêx mak zuôr tsuv muôx tsxơưx jênhv lơưr cêr chêi têz qơưk têx cui tênhv”./.

An Kiên-Lik Thox cxêik nhênhv

Iz lênhx pox niêv nhoz xã Long Hẹ, huyện Thuận Châu, tỉnh Sơn La tưz trâul cuz hnhiêz tuôs thâuv tsênhv taz tov muk hlơưr têz. Tsênhv tsênhz, thâuv 10 six tas cik hnuz xiêz 05/4, tus pox niêv heik sâuv 2 niêv txir nhoz jok Txôngx Maz, xã Co Mạ, huyện Thuận Châu, tỉnh Sơn La muk hlơưr đeiv têz ntiêr đrav jok Long Hẹ, xã Long Hẹ, tus txir jêk tơưk hlơưr đrav kaz tuôx, tus pox niêv mak hlơưr pêv luôs têz. Thâuv hlơưr têz co, tiv yar ntux cuz sor hênhr viv li hluôr tơưk tưz txeik chis cuz lox, pox niêv pov hluôr tơưk chis cuz li co, tưz zok nriêr cêr khiêr gâuv trâu pêv har jôngr luôs têz; taz sik khiêr tsi zênhx viv hluôr tơưk txeik chis cuz chênhr hênhr thiêx uô lênhx pox niêv co trâus tuôs. Nhiv no txuz nuv co tsênhv tâu cơ quan muôx vax huôv qênhz yuôx, uô tsênhz mênhx./.

Trấn Long-Riê Lâux cxeik nhênhv