Lok nas lox ntơưv Lào Cai đros trâu tsêr mêir đêx tênhv tso đêx uô trâu pêx xênhv ntâu luz tsêr thiêz tsoz chos trâus đêx ngaz. Lơưr chinhr quyền ntơưv qơư, muôx 12 luz tsêr ntơưv Bắc Hà, Si Ma Cai trâus phiv liv. Tiv zix, ntơưv xar Điện Quan, huyện Bảo Yên, muôx 25 luz tsêr nhoz trơưk ntus đêx Chảy trâus đêx ngaz, muôx têx qơư ngaz tok muôx iz thiêr. Đuô li, muôx 40 ntâu héc ta blêx, jâuz tâuv thiêz iz cxiê pak njêl trâus ngaz thiêz puôk tsuôx; txox cêr 4D thiêz 11 ntu cêr muk trâu têx huyện, xar trâus xưz poz, đêx ngaz uô phiv liv txos muk lok. Văn phòng Thường trực Ban Sêiz car phax tar ntux têz ruôr hiêv thiêz zok nriêr chơưv paz tỉnh Lào Cai tưz muôx ntâuz ntơưr hêik cxuô thax tsav qơư nhoz zar kaz đêx tsuv hêik trâu pêx xênhv pâuz chiê muôx tsưr ziv phax tar./.

An Kiên-Lik Thox cxêik nhênhv

Zar hnuz kêix 5/8, Ủy ban tỉnh Sơn La tưz cơưv đros têx sở, nganhx, thax tsav qơư thiêz doanh nghiệp chiê nriêr tsưr ziv uô trâu đêx ntưk tâu muk ntơưv têx qơưk trâus đêx ngaz truz ntêr, chiê paz trâu pêx xênhv, doanh nghiệp truôx tuk luz nênhx, uô nox. Đhâu xar muôx 2 ciêz trâus phiv liv tiv coz chuô sôr 2, côngz xưv khưx phưx trâus đêx ngaz cuôr sâuv thax tsav tỉnh Sơn La cux tsênhv njiz ntâu kror phiv liv… Ntơưv iz cxiê kror qơư li jok Phiêng Nghè, xar Chiềng Đen, TP Sơn La zuôr xar 40 luz tsêr tsênhv trâus đêx ngaz; vuôk har Bom Bay, xar Chiềng Xôm, thành phố Sơn La đêx tsênhv ngaz toz muôx yênhx châuv thiêr, ngaz tas pêx xênhv, doanh nghiệp têx tsoz chos. Zơưv Đặng Ngọc Hậu, Phưv Chủ tịch Ủy ban tỉnh Sơn La tsênhv chox kriê yênhx lix tôv côngz xưv chiê qênhz yuôx, ntâuk gri, tso tơưv têx tsưr ziv đơưk kho trâus đêx ngaz cov nzor tiv zix. Hâur co, zuôr njuôk xav tsưr ziv tuô, tsông poz jêz lok sik tho kror tsuô cát-tơ ntơưv vuôk har Bom Bay, xar Chiềng Xôm, TP Sơn La. Thâuv cuêz tênhv têx tsưr ziv uô cov đêx ntưk tâu muk, zuôr kriz uô têx tsưr ziv ngaz tuk trâu zar kaz đêx./.

Lê Hạnh-Lik Thox cxêik nhênhv