Ntơưv Lào Cai hâur 3 hli đhâu tưz cungz ntơưr cungz jênhv đăngk cir yiêz trâu 165 doanh nghiệp, ndê 17% pir li six chênhz tsêiz no, tas nro pênhr đăngk cir muôx 1.000 tiv đêiv ntâu. Chor doanh nghiệp yiêz phênhv ntâu zos uô têx hâux lưv huôv tsar kôngz nuv sir zôngv công nghệ siêz, du lịch thiêz kriz uô khoangr yax. Kaz hli 3 nhiv kruôr đhâu, tỉnh Lào Cai cux tsưr tsix yênhx côngz jiês cơưv hêik pâuz qênhx shênhx huôx tôngv thương mại, zuôr muôs tơưv saz đrâuv têz qơưk, dịch vụ logistic ntơưv thax tsav qơư trâu têx doanh nghiệp. 11 kror jênhv đros đrêiv doanh nghiệp tâu kriz uô truôx jông, đros muôx ntâu kror liv lok nhiêx sê ntiêr ar, paz nhiêx kriz uô qơư… Côngz xưv hlôngr yiêz hành chinhr tâu tỉnh sir jos uô, paz zôngx ziv trâu chor tsưr tsix, tiz nênhs hâur đăngk cir kinhd oanh./.

An Kiên-Lik Thox cxêik nhênhv

Tưz xar đhâu chiv sâu đê txir dâu tây nhoz Sơn La, txir sâu tâu tsơưs đuô, qiv hơưv cuz sor txir zôngx ziv trâus liêv, đros co zos têx xor mông heik tsi jông lok txir dâu tây Sơn La ...uô trâu ntâu ziv chuôz zis chos txir dâu tây njiz ntâu phêv liv, suôv câuv chiv cheix nzor đuô njuôs xav. Chuôz zis niêv lâuk Hoàng Khánh Linh, nhoz tiêuv khu Huổi Dương, xã Cò Nòi, huyện Mai Sơn, tỉnh Sơn La muôx 3 cxênhz yiv ndis ar chos dâu tây. Ntu txir siêr ntâu tiv zix, chuôz zis niêv lâuk sâu tâu muôx nhos 200 cir iz hnuz. Taz sik têx hnuz kaz chiv cheix, sâu tâu muôx nhos 15-20 cir iz hnuz; đros co qiv hơưv tsi jông cux uô zênhr shar txos hâux lưv thâux xa trâu kruô, viv li chuôz zis njuôs xav suôv câuv chiv cheix trâu ciêz no: “Zos qiv hơưv lax khiêv li thâuv nox tsiêz, lok sik muôx nhos 25 tưv mak txir dâu tây khor đuô, thâuv xa trâu kruô tsi trâus liêv. Taz sik qiv hơưv cuz sor zuôr trâus liêv ntâu, tsơưr lươngv tsi jông, viv li suôv câuv chiv cheix nzor. Đros co, nhiêx txiêx ntiêr lênhx nênhs lox tôngv cux siêz, xa hax huv muk trâus liêv mak sâuv tsi tâu nhiêx liv tul tsi”./.

(Lê Hạnh-Txâur Vax cxeik nhênhv)

Zar hnuz kêix 6/4, ntơưv tiểu khu 1, xar Chiềng Ngần, thành phố Sơn La, tỉnh Sơn La tưz muôx yưv iz txuz hluôr tơưl chis txêik cuz iz luz tsêr lơưx đar xar muôx 80 thiêr ndis. Xor mông puz pâuz, thâuv co, pêx xênhv muk đhâu pov luz tsêr lơưx tsênhv chis cuz lox. Ciês txêik tâu xor mông, lưx lươngv muôx vax huôv tưz sêi đrơưv tuôx tuô hluôr tơưl. Taz sik tiv tsêr tâu uô txix têx shôngz ntông zôngx ziv chis cuz, viv li hâur iz ntu lur luz tsêr tưz cuz hnhiêz tas. Thâuv tsêr chis cuz tsik muôx nênhs nhoz hâur tsêr. Nhiv no tsênhv zos ntu kruôr gis, muôx yar ntux cuz sor zôngx ziv chis cuz uô ruôr hiêv txos lênhx nênhs thiêz cxuô zav, viv li sơưr đơưk tsuv uô jông sêiz shuôk, sir zôngv jông cxuô zav zôngx ziv zuôr uô chis cuz têx vax tsêr cxuô zav li: hluôr tơưl, tênhv…uô truôx jông lơưr têx cui tênhv lok phax cuz tuô cuz, txo grêk tsơưs tiv zix têx phiv liv muôx yưv hâur chêix ntux kruôr gis no./.

Trấn Long-Lik Thox cxêik nhênhv

Công an TP Điện Biên Phuv (tỉnh Điện Biên) nhiv kruôr ntês zơưv Nguyễn Mạnh Thắng, Phưv tsar phongx kinh têr nội chính, Pov tsir Điện Biên Phuv, Thắng liv zôngv 2 doanh nghiệp muôx têx uô cxâuv thiêz zuôv 2 doanh nghiệp co muôz nhiêx txiêx trâu Thắng đros chor nhiêx txiêx zos 100 tsov đeiv, Thắng thiêx tsi đăng xor mông 2 doanh nghiệp co têx uô cxâuv trâu sâuv pov tsir. Nhiv no chiz coaz cảnh sát qênhz yuôx, Công an TP Điện Biên Phuv tsênhv qênhz yuôx uô cov tsênhz mênhx chiê muôz zơưv Thắng tik cêr cxâuv cov đrêiv chêi têz qơưs cui tênhv./.

(Vũ Lợi-Lan dịch đọc)