Ủy ban tỉnh Sơn La nhiv kruôr no tưz muôx cuêz tênhv côngz jênhv thax tsav uô txir mo môngk sir zôngv công nghệ siêz ntơưv thị trấn Hát Lót thiêz chor xar Hát Lót, Chiềng Mung, huyện Mai Sơn, zos: hợp tác xã Ngọc Lan thiêz 612 ziv chuôz zis, tiz nênhs, tas nro thax tsav txir mo môngk cxaz chuôz sik côngv zuôr xar 400 héc ta đros Công ty Cổ phần zav nox muôs tơưv saz đrâuv têz qơưk Đồng Giao. Huyện Mai Sơn nhiv no muôx 11.500 héc ta ntông nox txir. Hâur co, thax tsav txir mo môngk xar muôx 3.500 héc ta, tsav muôx 30% thax tsav ntông nox txir tas nro huyện. Zav nôngz txir mo môngk sâuv thax tsav phênhv ntâu zos nôngz txir mo môngk Đài Loan (GL4); thax tsav cungz jênhv VietGAP, GlobalGAP, hữu cơ thiêz têx ploz tsênhr li co muôx 314 héc ta ntâu; thax tsav tâu cungz mã sôr thax tsav chos muôx 500 ntâu héc ta đros 21 mã muk trâu Trung Quốc, Mỹ, Úc, New Zealand. Huyện Mai Sơn tsik so sir jos uô jông, muôz têx zuz nôngz yiêz thiêz sir zôngv têx khoa học yiêz jông lok uô chor txir mo môngk, uô têx qơưk chos tsêx trung ntơưv thị trấn thiêz chor xar Hát Lót, Cò Nòi, Chiềng Mung. Đros co, sik côngv đros Công ty Cổ phần zav nox zuôr muôs tơưv saz đrâuv têz qơưk Đồng Giao (Doveco) uô jông têx tsưr ziv cêv kuôk, cxiv tsa thax tsav txir mo môngk lơưr tsưr ziv tsiv gri siêz./.

Thanh Thủy-Lik Thox cxêik nhênhv

Chiê cxiv tsa suôz bê têx xiv huv kôngz nuv ntơưv qơư, tỉnh Sơn La tưz fuô uô ntâu faz tsưr ziv chiê sir jos uô lơưr khoa học công nghệ, seiz car luôs hâux lưv tsiv uô, cxiz muôv muôs thiêz piêr kriê xiv huv, chiê Sơn la têx xiv huv ziv hnuz ziv muôs tâu trâu ntâu ciêz đrôngs đuô, khav tinhv qơư sơưr hâur têz qơưk thiêz sâuv ntiêx têz. Iz chas co, Sở Khoa học thiêz Công nghệ tỉnh Sơn La tưz fuô uô 36 luôs hâux lưv cxiv tsa thiêz huôv tsar suôz bê têx xiv huv chênhr hâur tỉnh. Tas nro tỉnh nhiv no muôx 29 xiv huv tâu muôz ntơưr côngk nhav por hưv. Lar heik zos têx xiv huv li: Cà phê Sơn La, yuôx zêx Shan tuyết Mộc Châu, mo môngk khênhx Yên Châu, yuôx zêx Tiêx Suôz Bắc Yên, jiz mur Sơn La, kok tsư ha Thuận Châu....thiêz 23 xiv huv kôngz nuv tâu por hưv suôz bê. Hâur co, yuôx zêx Shan tuyết Mộc Châu thiêz mo môngk khênhx Yênh Châu tưz tâu por hưv ntơưv Thái Lan thiêz châu Âu. Fuô uô thiêz cxiv tsa suôz bê têx xiv huv kôngz nuv tưz thiêz tsênhv uô tâu jông, ntâu zav kôngz nuv jux juk muôs tâu gri hâur ciêz đrôngs thiêz tâu lênhx nênhs sir zôngv hâur thiêz  đrâuv 2 chas têz qơưk pâuz txos đhâu thâuv tâu muôz ntơưr côngk nhav muôx suôz bê jông./.

Thanh Thủy-Riê Lâux cxeik nhênhv

Chêix pak đêx thị xar Mường Lay, tỉnh Điện Biên pur siêz zos chêix muôx ntâu shir phaz, thâuv txos pêx xênhv ntơưv thax tsav qơư chêix ntâuk cxov têx suôz njêl. Txix hli 10 shông uô ntêx txos hli 3 shông tov kaz, tas nro thax tsav pak đêx tênhv Sơn La ntơưv thị xar Mường Lay muôx ntâu fuôx gox thâux nênhs, hax huv thiêz chor jiês ntâuk cxov suôz njêl txix sơưr nzor txos tsâuk ntux hâur yênhx hnuz. Hâux lưv ntâuk cxov suôz njêl thâuv chêix đêx pur siêz paz muôx nzir phênhv sâu truôx tuk trâu ntâuk ziv chuôz zis. Chor nênhs uô lax luôv txix Điện Biên tuôx zuôr chor suôz njêl no ciês ntơưv ntus đêx. Chor suôz njêl tsik so tâu muôs gri 12.000 đêiv iz cir; zos sơưr đơưk muôz chor suôz njêl phêiz cov jông uô ntêx mak zuôr muôs tâu gri txix 14.000-15.000 đêiv iz cir. Xav iz têis cik, pêx xênhv zuôr cxov tâu txix 20-40 cir suôz njêl. Tiv zix, chor njêl nox jâuz, njêl pok nêiz lox zuôr muôs tâu gri siêz đuô 100.000 đêiv iz cir, paz trâu pêx xênhv muôx nzir phênhv sâu txoz cxơưx trâu luz nênhx./.

Vũ Lợi-Lik Thox cxêik nhênhv

Nhoz thax tsav tox siêz Sìn Hồ, tỉnh Lai Châu, tsas đêx Nậm Lúc ntưk hâur xuz jôngr uô trâu thax tsav qơư co ziv jông jav đuô, txơưv lênhx tưs tuôx seiz pov cux uô trâu sđ kruôs nxiês. Tsas đêx Nậm Lúc ntưk txix tus đêx Hải Hồ, xã Tả Ngảo lok đhâu trôngz, đhâu têx har jôngr lâul lok trâu jok Nậm Lúc 2, xã Phăng Xô Lin. Đêx ntưk txix têx tsas tsuô lok uô yênhx tsas đêx lok six jông, tsôngv kruô seiz pov lênhx tưs cux nhiêv. Ntu jông đuô hur si chiê sơưr đơưk tuôx ndis shuôs tsas đêx Nậm Lúc zos têx hnuz muôx yar ntux cuz sor, kruô siz zâuv tâu muk trơưk ntus đêx txos đrav tơư tsuô. Txos co, tsôngv kruô zuôr tâu seiz pov têx đrox tsuôs hâur thax tsav co njuôz jông, đros trâu yar ntux chi ziv uô tsas đêx jông jav đuô. Tsas đêx Nậm Lúc nhoz hâur xuz jôngr lâul, muôx ntâu zav đrox tsuôs uô tox trôngz câuv har seiz njiê kror tưs cux njuôz jông, lax nziês, cxơưz cxiz tâu tsôngv kruô chôngz lênhx kruô tuôx ndis shuôs uô si./.     

Khắc Kiên-Riê Lâux cxeik, nhênhv