Ntux nas lox đêx ngaz cuôr hâur têx hnuz đhâu tưz uô hiêv ntâu txos têx tỉnh Tây Bắc. Thôngz sâu ntơưv tỉnh Sơn La, Lai Châu thiêz Yên Bái tưz muôx 8 lênhx nênhs tuôs, 3 lênhx nênhs trâus saz; yênhx puô luz tsêr tsuv txar qơư nhoz sêiz đrơưv; ntâu ntu cêr trâus xưz poz muk lok tsik tâu; trâus hiêv tas muôx yênhx puô tiv đêiv. Nhiv no cxuô thax tsav qơư tsênhv bax nênhs chiê khưx phưx têx trâus hiêv, txar pêx xênhv muk đhâu têx qơư phiv liv thiêz hêik pêx xênhv tsik tso siêz. Côngz xưv khưx phưx têx trâus hiêv tsênhv tâu têx tỉnh Tây Bắc sêi đrơưv kriz uô, tiv zix zos sir jos txar pêx xênhv muk đhâu têx qơư phiv liv, riêz nênhs; tsik chiê pêx xênhv nhoz pư ntơưv têx tsêr têz lok sik muk muôz tơưl, cxov njêl hâur têx đex thâuv muôx đêx huôv lox, thôngx cxix bax têx chuôz zenhx chiê thoz huk, kho đuô têx cêr cov muk lok tâu đhâu nzor tiv zix ntơưv têx qơư trâus cêv kuôk li huyện Mường Lan, tỉnh Sơn La; huyện Mù Cang Chải, tỉnh Yên Bái./.

TTTB-Lik Thox cxêik nhênhv

Ntơưv tỉnh Yên Bái, tưz tsik zos ruôr hiev txos vax tsêr, cxuô zav, đêx ngaz cuôr tsênhv uô tuôs oz lênhx nhuôs zâu nhoz huyện Mù Cang Chải. muôx 34 luz tsêr trâus hiêv, puôk tsuôx. Ntâu ntu cêr trâus xưz poz. Huyện Mù Cang Chải tưz paz 38 triệu đêiv trâu chuôz zis muôx nênhs trâus tuôs thiêz chuôz zis trâus hiêv tiv ar poz. Taz viv sêiz car, kho đuô tưz thoz huk thôngz iz cxiê qơư muôx ar poz. Njuôk xav cêr zuôr thôngz hâur 3 hnuz zuôr txos. Ntu cêr txix huyện Mù Cang Chải muk xar Hồ Bốn thiêz txix huyện Mù Cang Chải (Yên Bái) muk huyện Than Uyên, tỉnh Lai Châu muk lok tsik tâu. Ban Sêiz car phax tar ntux tez ruôr hiêv thiêz zok nriêr chơưv paz huyện Mù Cang Chải sir jos sêiz jor yênhx hnuz hmo, sêiz shuôk jông xor mông lok ntux yar ntux nas, hêik trâu têx jêx jok, chinhr quyền, pêx xênhv pâuz cov sêi, sir jos phax tar ntux têz ruôr hiêv./.

Tuấn Xuân-Lik Thox cxêik nhênhv

Ntơưv tỉnh Lai Châu, ntux lok nas uô 7 lênhx nênhs trâus tuôs nhoz huyện Than Uyên. Đrâuv co, ntux lok nas cux uô yênhx châuv qơư trâus tox poz sâuv têx cêr muk lok uô zaoz thôngz txix huyện Mường Tè (Lai Châu) muk tsi tâu trâu huyện Mường Nhé (Điện Biên); huyện Sìn Hồ muk tsi tâu TP Lai Châu. Chiê txu grês tsơưs tiv zix têx trâus ruôr hiêv tiv ntux nas, UB tỉnh Lai Châu nhiv kruôr tso tơưv côngz tênhv lok hâux lưv chuv tôngv phax tar ntux nas sâuv thax tsav tỉnh. Lơưr co, côngz tênhv heik Ban chỉ huiz phax tar ntux nas thiêz nriêr chơưv nanv têx tiv phaz chuv tôngv uô têx tsưr ziv phax tar. Thôngx cxix, heik CHủ tịch UB têx huyện, TP bax lưx lươngv seiz car têx qơư njuôs xav muôx tox poz, qênhz yuôx côngz xưv taz por trâu tsôngv box, taz por têx pas đêx njưk tar đêx sâuv thax tsav./.

K.Kiên-Txâur Vax cxeik nhênhv

Lơưr Ban chỉ huiz phax tar ntux nas thiêz nriêr chơưv nanv tỉnh Sơn La li thôngz sâu, txix hnuz 28/7 txos hnuz xiêz 7/8, ntux lok uô đêx ngaz tưz uô iz lênhx nênhs tuôs, zuôr xar 50 luz tsêr trâus ruôr hiêv, tsuv txar qơư nhoz yiêz trâu 30 ntâu ziv chuôz zis.

Ntux lok nas uô đêx ngaz lơưv 34 hecta blêx, 45 hecta tsoz chos cxuô zav; 20 qơư zaoz thôngz muk lok tsi tâu tiv tox poz, ntâu côngz tsinhx đêx liv trâus zênhr shar. Ruôr hiêv njuôs xav zuôr xar 5,5 tỷ đeiv. Ciês thâuv muôx ntux nas ruôr hiêv, têx tiv phaz tưz huiz tôngv lênhx nênhs, chuôz zênhx khưx phưx têx trâus ruôr hiêv lơưr tsưr ziv “4 ntơưv qơư”. Taz sik, côngz xưv khưx phưx njiz ntâu phêv liv tiv ntâu qơư tsênhv muôx ntux lok nas lox, đêx pur siêz. Zơưv Cầm Văn Huy, Phưv chủ tịch UB huyện Quỳnh Nhai, tỉnh Sơn La, iz hâur têx tiv phaz trâus zênhr shar hâur jiês ntux nas puz pâuz: “Chiê phax tar ntux nas, Ban chỉ huiz phax tar ntux nas thiêz nriêr chơưv nanv huyện chêx chôngk qênhz yuôx thax tsav tsôngv box nhoz buôk têx tuk đêx, thax tsav qơư kis chiê txar qơư nhoz trâu tsongv box. Tror seiz njôngr ntux nas chiê thôngz xor mông cxix cxuô txos tsôngv box, paz tsôngv box chuv tôngv phax tar ntux nas”./.

VOVTB-Txâur Vax cxeik nhênhv