Txos tas hli 6/2024, tas nro tỉnh Yên Bái tưz muôz têx nhiêx yưv pênhr côngz tax 1.611 tyv đeiv ntâu. Trơưk li Bộ Nhiêx txiêx thôngz sâu, tỉnh Yên Bái muôz tâu 40% pir li tsưr ziv Thủ tướng choz, ntâu đuô hâur tas nro têz qơưk, sơưr tiv 15 hâur 63 tỉnh thiêz sơưr tiv 4 thax tsav Trung du thiêz tox siêz faz Bắc. Zơưv Đoàn Hữu Phung, Giám đốc Sở tsưr ziv thiêz yưv pênhr tỉnh Yên Bái heik pâuz:

“Qênhz shuôs, cxiv kho pênhr têx dưv anr uô kênhz chiê cxaz nzir trâu chor dưv anr uô tâu hâux lưv jông, dưv anr xar cxaz nzir pênhr chiê cxiz sei fuô uô têx hâux lưv, dưv anr. Sir jos qênhz yuôx, seiz kaz; xưv bluô cov txos qơư têx lênhx tsưr cxiv tsa uô cxâuv têx cui tinhv hux thôngx tưz cir ntơưr chos luk”./.

          Đinh Tuấn-Riê Lâux cxeik, nhênhv

Nhiv kruôr no, Đại hôiv Đại biểu Mặt trận Têz qơưk Việt Nam tỉnh Lai Châu jiês tiv 13, ntu 2024-2029 tưz tâu kriz cơưv, muôx 250 đại biểu cxaz chuôz. Zơưv Hồ Xênhv Shôngx tror tâu chiê uô Chủ tịch Ủy ban Mặt trận Têz qơưk Việt Nam tỉnh Lai Châu khóa 13. Phưv Chủ tịch ủy ban Trung ương Mặt trận Têz qơưk Việt Nam Hoàng Công Thủy kruôk txos, sâu jênhv cxuô kror mak Ủy ban Mặt trận Têz qơưk Việt Nam tỉnh Lai Châu thiêz cxuô cấp sâuv thax tsav tưz uô tâu hâur six cxiv đhâu. Đros co zos hêik Mặt trận Têz qơưk Việt Nam tỉnh Lai Châu tsuv sir jos uô đuô Mặt trận têx hâux lưv cxiv tsa, uô truôx jông, chuôz cxaz thôngx niêv côngv siêz mênhx cxưx. Txix co uô ntêx hlo hâur hlôngr yiêz đuô siêz xar, tsưr ziv uô, hlôngr yiêz tsưr ziv yax kriê; uô truôx jông lơưr Ban Bí thư li Chỉ thị sôr 18 lok uô jông tsơưr lươngv, truôx jông Mặt trận têz qơưk Việt Nam thiêz chor tsưr tsix chinhr triv-xar hôiv li côngz xưv sêiz kaz, hêik pâuz têx phiv liv hâur xar hôiv; canr bôv mặt trận sir jos, car xar, car uô, car muôx txơưx jênhv./.

Khắc Kiên-Lik Thox cxêik nhênhv

Chiê fuô uô tâu jông têx tsênhv njiêz seiz lax sik hux jos huôv tsar ju lix nhoz 8 tỉnh Tây Bắc thiêz TP HCM, hâur hli 8/2024, Sở Ju lix Lào Cai zuôr uô iz cxiê luôs hâux lưv qênhz yuôx, ntâuk grê  têx hâux lưv chiê cxiv tsa thiêz huôv tsar xiv huv ju lix thax tsav tsôngv box heir nênhs tsơưs thiêz tox siêz: Txuôk đros di sản txix Sin Suối Hồ (Lai Châu) đhâu cêr Pavie-Bát Xát-Bắc Hà (Lào Cai)-Xín Mần (Hà Giang). Thôngz đhâu têx hâux lưv uô co chiê krêz uô tâu têx muôx jông lok huôv tsar ju lix nhoz yênhx thax tsav. Cxơưz tiês sik hux jos huôv tsar ju lix đros trâu têx nuv uô, xor xưv hâur thax tsav, sik đros cxiv tsa, tsiv uô têx xiv huv ju lix./.

VOV4-Riê Lâux cxeik, nhênhv

Đhâu jiês đêx ngaz cuôr lịch sử uô hiêv tas muôx 100 tiv đêiv ntâu, thành phố Sơn La, tỉnh Sơn La tưz sêi đrơưv kriz uô ntâu tsưr ziv chiê khưx phưx, xưv lik đêx ngaz sâuv thax tsav. Đhâu qênhz yuôx, tsuôk hâur oz pêz hnuz, lưx lươngv muôx vax huôv thành phố tưz xưv lik chôngz lênhx nênhs txênhz nav chor côngz trinhx tso đêx ntưk muk, iz hâur têx qir tiv chênhr uô muôx đêx ngaz ntơưv thax tsav qơư. Hâux lưv no tâu pêx xênhv thôngx ziv siêz, taz sik sơưr đơưk cux hêik tiêk, zos thành phố Sơn La sêiz car cxiv tsa truôx ntov đuô, sir jos xưv lik chor nênhs txênhz nav txos têx qơư tso đêx ntưk muk mak kror hâux lưv tir tar đêx ngaz no zuôr tâu đơưk kho txix nzor lơưv. Niêv tix Nguyễn Thị Huệ, tsưr qơư muôs têx tsôngk yo nhuôv zâu nhoz ntu cêr Chu Văn Thịnh, qơư tsik so trâus đêx ngaz ntâu hâur đrôngs Sơn La puz pâuz:

“Cur muôs huv ntơưv no txix shông 2004 tưz pov muôx luz tsêr nhoz sâuv kror qơư tso đêx ntưk muk no lơưv, hok lơưr cxiv uô txix thâuv tưs cux pâuz tsik tsênhz. Cux hêik pâuz ntâu jiês lơưv sik cux tsik pov đơưk kho li chak hlo; tsênhv tsênhz mak têz qơưk tsuv sir jos uô đuô, sir jos zuôv cov ruôr têx co muk mak pêz zuôr tsik njiz trâus ruôr hiêv ntâu xưk li no”./.

VOVTB-Lik Thox cxêik nhênhv