Tror hêik pâuz xor mông lok côngz xưv khưx phưx têx trâus hiêv tiv ntux nas đêx ngaz cuôr nhoz têx tỉnh Tây Bắc, chor nênhs sâu xor xưv Đaix nta suôz Việt Nam nhoz thax tsav faz Bắc xa mông:

Hâur iz ciêz đhâu, sâuv thax tsav tỉnh Sơn La muôx lok nas lox, tiv zix muôx têx qơư ntơưv huyện Mường La lok nas lok six lox li chor xar Chiềng Lao, Tạ Bú… uô hiêv ntâu txos lênhx nênhs thiêz cxuô zav, ntâu ntu cêr trâus xưz poz, puôk tsuôx… Njuôk xav, têx trâus hiêv hâur jiês ntux nas đêx ngaz cuôr no ntơưv Sơn La tas xar muôx 12 tiv đêiv. Nhiv no, têx taz viv tsênhv sir jos khưx phưx, sir jos cov cêr muk lok tâu thôngz hâur hnuz 9/8. Lơưr zơưv Nguyễn Thành  Công, Phưv Chủ tịch Ủy ban tỉnh Sơn La, ar xưz poz cux tsênhv zuôr tror muôx, viv li pêx xênhv tsuv uô jông sêiz shuôk thiêz phax tar ar poz chiê txo grêk tsơưs têx trâus hiêv: “Thâuv nas tưz lok ntêr tsik so hâur 7 hnuz, ar tưz thơưv đêx tas thiêz nhiv no chor ar tưz fov tas lơưv, viv li zos tror muôx nas lok mak ar zôngx ziv trâus xưz poz. Chênhr viv li, tỉnh Sơn La tưz chiê rêik fiêx hêik pâuz ntơưv têx qơư zôngx ziv muôx ar poz. Oz zos qênhz shuôk txar qơư nhoz ntơưv têx qơư phiv liv, riêz nênhs; tiv pêz zos têx qơư zôngx ziv xưz poz uô trâu cêr muk lok tsik tâu thiêz uô phiv liv txos pêx xênhv luz nênhx, cxuô zav”./.

Thu Thùy-Lik Thox cxêik nhênhv

Lơưr Ban chỉ huiz phax tar ntux nas thiêz nriêr chơưv paz huyện Than Uyên, tỉnh Lai Châu li thôngz sâu, ntux nas tưz uô 4 lênhx nênhs trâus tuôs, 3 lênhx trâus saz. Đrâuv co, đêx nas tưz uô ruôr hiêv zuôr xar 25 luz tsêr, 140 hecta ntâu blêx thiêz zuôr xar 2 cxênhz tsoz tsơưz trâus kâuk. Ntâu txox cêr muk lok hâur xã, jêx jos, tul qox đei trâus poz, trâus đêx cuôr yôngz, muk tsi tâu txos ntâu jêx jos, thax tsav qơư. Đros têx cấp chính quyênx thiêz têx lưx ươngv muôx txơưx jênhv tiv phaz li sik côngv paz max, txos nhiv no, tsôngv box thax tsav trâus đêx ngaz luz nênhx tưz thiêz tsênhv jux jus tâu ngaz tul. Zar hnuz keix hnuz xiêz 8/8, tas nro têx jêx jos trâus muk tsi tâu txos tiv ntux nas nhoz Than Uyên tưz krêz tâu cêr muk txos chiê paz lok chuôz zênhx, kôngz krâur trâu tsôngv box. Tiv phaz tsênhv huiz tôngv têx lưx lươngv ntơưv qơư li đas jos chiê paz têx ziv chuôz zis thoz huk ar, thâux gra chuôz zênhx muk qơư taz por; tsưr tsix seiz nus, tôngv vênhx têx chuôz zis muôx nênhs tuôs, nênhs trâus saz tiv ntux nas, paz txưv, vênhv tôngv tsôngv box khưx phưx mênhv chêx kôngz lôngk trâus ruôr hiêv chiê nzor ngaz tul luz nênhx./.

Khắc Kiên-Txâur Vax cxeik nhênhv

Ntơưv Mù Cang Chải, Yên Bái, đrâuv txos cêr 32 đros muôx 100 qơư xưz poz, hâur co muôx 3 kror qơư xưz poz plas cêr ntêr muôx yênhx puô thiêr, mak muôx yênhx puôk kror qơư xưz poz txơưr nhoz têx cêr muk trâu têx xar, jêx jok nhoz huyện no, tsênhv tsênhz zos ntơưv 3 xar Hồ Bốn, Khao Mang, Lao Chải cux trâus poz saz kâuv cêr, kaz cê uô trâu cêr muk lok tsik tâu. Côngz xưv khưx phưx nhiv no tsênhv tâu têx lưx lươngv muôx vax huôv sir jos kriz uô. Txos nhiv no huyện tưz paz trâu ziv chuôz zis muôx nênhs trâus tuôs thiêz bax qơư nhoz uô ntêx trâu chor nênhs muôx vax tsêr trâus puôk tsuôx, jux juk paz trâu chor chuôz zis truôx tuk luz nênhx. 1,5 tấn cxur, yênhx châuv thungr mì tôm, đêx hâuk thiêz têx zav hax huv txơưr cux tưz tâu chox muk txos paz trâu pêx xênhv./.

Thừa Xuân-Lik Thox cxêik nhênhv

Ntux lok nas lox cux tưz uô ntâu cêr zaoz thôngz muk lok nhoz tỉnh Điện Biên trâus poz, muk lok tsi tâu. Nganhx muôx txơưx jênhv tsênhv chêx chôngk cxuô zav meir khưx phưx têx trâus ruôr hiêv. Hlôngr njêx muôk Công ty cổ phần yưv pênhr cxiv tsa thiêz seiz car cêr ar II Điện Biên- taz viv seiz car têx niêv cêr 4H thiêz niêv cêr 12 puz pâuz, nhiv no têx seiz car cêr ar tsênhv huiz tôngv tas nro lênhx nênhs, cxuô zav meir chiê chêx chôngk krêz thôngz cêr, khưx phưx qơư muôx tox poz. Taz sik tiv ntux tsênhv lok nas, ntâu qơư tox poz lox tas iz đraz plas cêr, viv li côngz xưv khưx phưx njiz ntâu phêv liv. Lơưr Đeix njuôs pov qiv hơưv tỉnh Điện Biên li canhv pov, hâur ntâu six hơưv zuôr txos, sâuv thax tsav tỉnh tror muôx ntux lok nas lox, tox poz ntơưv phênhv ntâu têx tiv phaz hâur tỉnh. Viv li, tsôngv box thiêz yêz muk lok tsuv tsưv ziv seiz shuôk chiê phax tar têx trâus ruôr hiêv./.

Vũ Lợi-Txâur Vax cxeik nhênhv