UB tỉnh Yên Bái nhiv kruôr tsưr tsix Ntênhs côngz fur Thủ tướng chính phuv li cuiz tênhv côngz jênhv huyện Văn Yên tax ploz tsênhr nôngx cxênhz yiêz thiêz tos jênhv Huân chương Lox tôngv hov 2. Văn Yên zos huyện tox siêz nhoz tỉnh Yên Bái, đros muôx 25 taz viv hành chính cấp xã; 12 mênhx cxưx đros 134 cxênhz ntâu lênhx tsôngv box. Li ntâu tiv phaz tox siêz txơưr, thâuv krêz uô hâux lưv cxiv tsa nôngx cxênhz yiêz, Văn Yên njiz tsi tsơưs têx phêv liv, tiv zix zos têx ploz tsênhr lok huôv tsar KTXH, tsưr tsix tsiv uô, phênhv sâu, chor ziv chuôz zis pluôk siêz đuô 40% lok shông 2011. Phuôx plov ntơưv ntênhs, zơưv Trần Huy Tuấn- Bí thư tỉnh ủy Yên Bái kruôk txos têx cxênhx nênhs lênhs tov, cán bộ, đảng viên, tsôngv box thiêz côngv thôngx doanh nghiệp huyện Văn Yên li têx sir jos, gôngr côngv hâur huôv tsar huyện. Ndax six hơưv no, Đảng bộ, chính quyênx thiêz tsôngv box têx mênhx cxưx huyện Văn Yên, tỉnh Yên Bái tưz jông siêz tâu Đảng, têz qơưk khơưk muôz Huân chương lox tôngv hov 2./.          

                                                                                                Thừa Xuân-Txâur Vax cxeik nhênhv

Tsaz yênhx “cheix ntux yiêz tuz lênhv paz pêx xênhv muôx cêr sor si” zuôr tâu Bộ Tư lệnh Bôv đôiv pênhz phax hux jos đros Ủy ban tỉnh Lai Châu zuôr nthuôr uô ntơưv xã Pa Tần, huyện Sìn Hồ (Lai Châu) lok hnuz xiêz 09/1 zuôr txos, đros ntâu hâux lưv tsênhv tsênhz paz tsôngv box ntus đriv. Iz chas ntơư, hâur têx hnuz uô tsaz yênhx zuôr muôx ntâu txux chi vênhx huôv, thêv thao li: Nthuôr uô cêr lov jêv, đhiê pax vuôk xòe, ntâuk trax tính tẩu, đhiê kênhx, sik truz hluô, sik lâuz pak, ntâuk tik keiz, lêiv poz, por poz, tuô hnênhr... Lar heik, têx chuôz zis, iz chas tâu lênhk txeik têx huv muôz puz, tsênhv muôx ntơưr tâu zuôr têx hax huv tsi tas nhiêx txiêx li: Cxur, njêr, trox nox, nduôr thax...thiêz chiê sơưr đơưk puôr lênhx muôx iz luz tsiêz nox sor si./.

                                                                                                  Khắc Kiên-Riê Lâux cxeik, nhênhv

Moz kruô piêk tsênhv huôv xênhz nhoz tỉnh Điện Biên. Hnuz 28/12/2024, UB tỉnh Điện Biên côngz fur muôx moz huôv xênhz nhoz xã Pú Xi, huyện Tuần Giáo, tỉnh Điện Biên, đros muôx 16 lênhx nênhs trâus moz. Têx lênhx nênhs no phênhv ntâu nhoz 2 tsêr cơưv cxênhx nhuôk zâu thiêz cxênhx 1 Thẩm Mú thiêz tsêr cơưv mê nhuôk zâu thiêz cxênhx 1 Hua Mức. Hâur 16 lênhx nênhs no, tsuôk muôx iz lênhx tưz tâu cxax yuôx phax moz kruô piêk; chor tsênhv yuôr tsi tâu cxax yuôx phax moz lok sik tsi tâu tsênhz mênhx lok hâux lưv cxax yuôx. Txos hnuz xiêz 2/1/2025, tas nro tỉnh Điện Biên muôx 94 lênhx trâus moz kruô piêk nhoz 3 huyện: Tuần Giáo, Mường Nhé thiêz Tủa Chùa. Hâur co, huyện Tuần Giáo zos chôngz tiv zix, 86 lênhx, phênhv ntâu nhoz xã Pú Xi; huyện Tủa Chùa thiêz Mường Nhé iz tiv phaz muôx 4 lênhx. Zơưv Phạm Giang Nam, Giám đốc Sở y tế tỉnh Điện Biên puz pâuz:“Nhiv no moz kruô piêk sâuv thax tsav tưz txu grês mê njik, têx tiv phaz tưz cêv kuôk. Taz sik tiv moz huôv xênhz txơưr txar hâur tas nro têz qơưk, viv li Sở tưz chêx chôngk seiz car jông têx qơư txơưr nhoz hâur tỉnh, tiv zix zos hâur ntu zuôr txos Tsiêz, lênhx nênhs muk lok chôngz”./.

                                                                                                Vũ Lợi-Txâur Vax cxeik nhênhv

Công an tỉnh Sơn La nhiv kruôr yơưz phơưz ntêk cxov tâu oz lênhx nênhs fêv nziêk đas tsôngv pêx xênhv sđ têx nhiêx txiêx đhâu sâuv mạng xã hội, Co zos Nguyễn Kim Ngọc, xênhz shông 1999 nhoz jok Sáng Mới, xã Đú Sáng, huyện Kim Bôi, tỉnh Hòa Bình thiêz Nguyễn Hữu Duy, xênhz shông 2003, nhoz jok Duyên Linh, xã Đình Cao, huyện Phù Cừ, tỉnh Hưng Yên. Thôngz đhâu mạng xã hội, Nguyễn Kim Ngọc sưv pâuz iz tus pox niêv uô Tiktok chiê hu zâuv chôngz lênhx nênhs đros seiz têx đuôz tso lov jêv sâuv mạng xã hội. Đhâu iz ntuk sik côngv uô nox, Ngọc thiêz Nguyễn Hữu Duy heik pâuz lok tus pox niêv co tài khoản Tiktok tưz tâu mạng xã thêv nhiêx, cov tus pox niêv no uô ntâuz ntơưr trơưk li Ngọc thiêz Duy gơưk kriê chiê gra nhiêx, thâuv ntơư tus pox niêv co tưz mnôngs thiêz uô trơưk, taz sik txeik tsi tâu nhiêx. Đhâu co, Ngọc thiêz Duy tưz đas tiêk, trâus cơ quan muôx vax huôv qênhz pov lok sâuv têx uô cxâuv cui tinhv hâur mạng xã hội thiêz ntâu jiês cov tus pox niêv co xa nhiêx trâu gơưk thiêx tsi trâus ntêk cxov, xưv bluô. Viv li, lênhx pox niêv heik sâuv tưz xa zuôr xar 4 tyv đeiv trâu Ngọc thiêz Duy.

Chênhr zos li hêik ntơư, Tsôngv pêx xênhv sơưr đơưk tsuv chênhr phax tir thêir chor nênhs fêv têx tsưr ziv nziêk đas đhâu mạng xã hội./.

                                                                                                  CTV-Riê Lâux cxeik, nhênhv