Ntơưv tỉnh Lào Cai, Ban kinh têr TW nhiv kruôr sik côngv đros Bộ kôngz nuv thiêz huôv tsar nôngx cxênhz thiêz tỉnh ủy Lào Cai tsưr tsix Phêv ziv ntâuk grê 5 shông uô Ban bí thư li chỉ thị số 13-CT/TW lok chuôz tsar Đảng li lênhs tov đros côngz xưv seiz car, por vêv thiêz huôv tsar jôngr thax tsav qơư kis thiêz tox siêz Bắc Bộ. Ủy viên Bộ chính trị, Tsar ban kinh têr TW Trần Tuấn Anh thix ziv têx Bộ, ban nganhx TW, têx tiv phaz tror seiz shuôk, cxaz nzir, tso tơưv yiêz tsaz yênhx, tsưr ziv, đề án chiê tror uô chỉ thị 13 muôx chêx cuk; tsov cưv nhênhz chơưv, cxiv tsa seiz car muôx chêx cuk; chêx chôngk yưr lir têx vênhv thix cuz nxor, tsi tâu uô tâu hâur luz nênhx; muôx tsưr ziv chos jôngr sâuv thax tsav; uô jông têx tsưr ziv lok nox nhoz xã hội, muôz hâux lưv uô truôx vênhs trâu tsôngv box thax tsav muôx har jôngr./.

(TTTB-Txâur Vax cxeik nhênhv

        Hâur ntu đhâu, iz cxiê côngz trênhx đêx liv sâuv thax tsav huyện Văn yên, tỉnh Yên Bái trâul puôk tsuôx, cxuz tas viv chor dưv anr cxiv tsa côngz trênhx. Qir tiv zos viv uô ntêx thâuv zuôr fuô uô dưv anr, tsưr yưv pênhr uô thiêz taz viv cxiv tsa tsi tiz jông đros taz viv seiz car côngz trênhx đêx liv njuôk xav txos têx trâul ruôr hiêv. Iz zav li Dưv anr cxiv kho txox cêr lox 37 muk trâu txox cêr muk chênhr Nội Bài-Lào Cai, ntu muk đhâu xã Xuân Ái, thiêz Yên Hợp, huyện Văn Yên. Muôx ntâu qơư, đêx buôk ti ntưk trâu têx cưx đêx mê, cưx đês liêx hâur côngz trênhx đêx liv Khe Vải, uô tsi jông txos têx cưx đêx, uô ruôr hiêv txos 7 ha ntâu blêx. Ngênhx Kôngz nuv thiêz huôv tsar tox siêz tỉnh Yên Bái tsênhv heik taz viv tsưr yưv pênhr uô cov khưx phưx, kho đuô têx cưx đês đêx trâul puôk tsuôx, tsi jông co trâu pêx xênhv. Six hơưv thoz huk thiêz cxiv kho tsuv uô cov tiêr lok hli 5/2023./.

Đinh Tuấn-Riê Lâux cxeik nhênhv

        Lơưr Sở lox tôngv thương binh thiêz xã hội tỉnh Điện Biên li ntâuk grê, txơưv têx nganhx muôx txơưx jênhv tưz chuôz tsar uô ntâu tsưr ziv, taz sik chor txuz txiêz nanv lox tôngv muôx yưv tsênhv siêz hâur shông đhâu. Qir tiv têx txuz txiêz nanv lox tôngv phênhv ntâu zos tiv iz cxiê doanh nghiệp tsi tsov cưv txos côngz xưv taz por lox tôngv trâu công nhân, nênhs lox tôngv; chính quyênx iz cxiê cấp huyện, xã tsi tâu uô jông côngz xưv seiz car...Zơưv Vừ A Bằng, Phưv chủ tịch UB tỉnh Điện Biên puz pâuz: UB tỉnh Điện Biên tưz heik têx chiz coaz muôx txơưx jênhv chuôz tsar côngz xưv qênhz yuôx uô têx cui tênhv lok taz por, vêv xênhz lox tôngv, thâuv pov têx lênhx nênhs uô cxâuv tsuv yưr lỉ txos qơư trơưk cêr chei têz qơưk./.

(Vũ Lợi-Txâur Vax cxeik nhênhv

      Cơ quan qênhz yuôx, Công an tỉnh Lai Châu heik pâuz, taz viv nhiv kruôr  muôx ntâuz ntơưr xa trâu Viện Kiểm sát tỉnh cir tso tơưv quyết tinhv tik cêr cxâuv trâu zơưv Nguyễn Thanh trì, xênhz shông 1969, Chánh thanh tra tỉnh lok sâuv lênhk nhav luôs lưv tus têx nhiêx txiêx cik txos txuz 15 lênhx canr bôv hâur têx sở, ban, ngênhx thiêz chor huyện nhoz hâur đoanx thanh tra tỉnh thâuv kaz hli 3 nhiv kruôr đhâu. Txuz nuv co muôx 6 lênhx canr bôv nhoz cơ quan thanh tra tỉnh Lai Châu lênhk nhav chor Ban seiz car jôngr phax phưv têx huyện hâur thax tsav li nhiêx txiêx muôz. Nhiv no Cơ quan Cảnh sát qênhz yuôx, Công an tỉnh Lai Châu tsênhv tror qênhz yuôx uô cov tsênhz mênhx chiê muôz lênhx nênhs hêik sâu tik cêr cxâuv cov zos đrêiv chei têz qơưk tso tơưv./.

Khắc Kiên-Riê Lâux cxeik nhênhv