Lơưr Sở zoz zux tỉnh Lào Cai, txơưv shông cơưv 2023-2024 tưz qir cơưv taz sik hâur thax tsav qơư cux tsi tâu muôx txâuk cán bộ, cưk kriê ntơưr, tsênhv yuôr nhos 1.400 ntâu lênhx thiêz. Iz chas co, Lào Cai tsênhv yuôr 600 ntâu hâux lưv tsi muôx nênhs lês uô trơưk li tsưr ziv shông cơưv choz, phênhv ntâu zos cưk kriê ntơưr. Pos Dương Bích Nguyệt, Giám đốc Sở zoz zux tỉnh Lào Cai heik tơưv 2 tsưr ziv li no: Iz zos hux jos đros Sở Nội vụ nhênhz chơưv trâu tỉnh heik Bộ Nội vụ choz nzir nênhs uô hâux lưv trâu Lào Cai, 2 zos uô li chas cov huv đros chiê taz por hâux lưv tso tơưv hâur shông cơưv li, tror uô trơưk tsưr ziv “phongx paz phongx, tsêr cơưv paz tsêr cơưv” thiêz thor cưk kriê lưv luz tsêr cơưv paz kriê đhâu sâuv mạng xã hội trâu têx shux xênhz: “Pêz cux muôx ntâuz ntơưr xa trâu Giám đốc ngênhx zoz zux cxuô tỉnh muôx tsaz yênhx sik hux jos đros Lào Cai. Txix ntơư, heik lơưr paz kriê txux chi trâu shux xênhz đhâu sâuv mạng xã hội, lar heik zos têx jax cơưv muôx tsi txâuk cưk kriê iz zav li: Luk Anh. Ciês jax xav fax nhiv no cux muôx tsi txâuk cưk kriê”./.

An Kiên-Riê Lâux cxeik, nhênhv

Ntênhs phêv cà phê jiês tiv iz tâu tỉnh Sơn La njuôs xav tsưr tsix lok hli 10 zuôr txos no. Tsoz cà phê txix nzor tưz yênhx tsoz chos tsênhv, chox lok chêx cuk kinh têr, tâu chôngz tsôngv box nôngx mênhx nhoz Sơn La chos. Txos nhiv no, tas nro tỉnh muôx 20 cxênhz hecta ntâu cà phê, iz shông njuôs xav tax 40 cxênhz txos 50 cxênhz tênhr njiêr cà phê. Ntênhs phêv cà phê Sơn La jiês tiv 1 tâu tsưr tsix chiê heik kriê suôz bê; zos jiês chiê heik kriê đuôz shav, têx muôx jos jông, zaz zâuv yưv pênhr lok vênhv thix muôv muôs, tsiv uô cà phê thiêz têx xiv huv kôngz nuv txơưr nhoz tiv phaz./.

Trấn Long-Txâur Vax cxeik nhênhv

           Tus qox cxiv uô tax chiê têx yêz thâux ntâu hax huv muôx 16 tênhr tror zar hâur thiêz sơưr đơưk mul lol đhâu lơưr tsưr ziv cxiv tsa zênhx max sâuv txox cêr lox 4H tưz uô tiêr, taz por yêz muk lol tâu đhâu txix Điện Biên trâu Mường Nhé-Lai Châu. Lơưr taz viv cxiv tsa công ty muôv muôs sôr 6 Điện Biên: Đhâu zuôr xar 20 hnuz sir jos cxiv uô zênhx max tus qox co viv trâul đêx nas uô ruôr hiêv, puôk tsuôx, tưz cxiv uô tiêr thiêz yêz muk lol tâu thôngz hâur hnuz xiêz 09/9, nzor đuô iz hnuz pir li tsưr ziv tso tơưv. Tus qox cxiv uô tax co lơưr tsưr ziv mak cxiv uô cov têx yêz lox thâux ntâu hax huv muôx 30 tênhr ntơư muk tâu đhâu, taz sik nhiv no chiê taz por truôx tuk, cơ quan muôx vax huôv tsênhv cxok fiêx heik, tso têx yêz muôx 16 tênhr muk đhâu xưz. Co zos tus qox zov chênhr paz taz por zoz thôngz muk lol tâu đhâu sâuv txox cêr lox 4H txix Mường Nhé trâu tỉnh Lai Châu, thâuv tsênhv tok khưx phưx, kho tus qox Nậm nhé II muôx têx ntu trâul xưz poz, puôk tsuôx tsi jông ntơư./.

Vũ Lợi-Riê Lâux cxeik, nhênhv

          Cux ntơưv Điện Biên, iz txuz trâus tưx zav nox muôx lênhx coaz txos nox cuz thaz muôx yưv nhoz thax tsav huyện Tủa Chùa (Điện Biên). 9 lênhx nênhs nox cuz thaz trâus tưx tsuv muk chơưv kho ntơưv qơư seiz njuôs moz đa khoa thax tsav Tả Sìn Thàng, nhoz huyện Tủa Chùa puôr lênhx pov điês tâuz hâu, moz plaz, ntuôr, tsâuk muôs. No zos chor cuz thaz muôx lênhx coaz txos iz qơư tsiv uô cuz thaz sâuv thax tsav phường Tân Thanh, TP Điện Biên Phuv nhiv kruôr trâus chiz coaz muôx txơưx jênhv heik tso tsês tsi tror tsiv uô chiê xav tênhv uô tsênhz mênhx lok hâux lưv trâus tưx hâur hmo xiêz 8/9. Uô ntêx co, xưk li tưz tso mông, muôx tsơưs tiv zix 15 lênhx nênhs tsuv muk tsêr kho moz chơưv kho tiv trâus tưx zav nox. Qir tiv tâu xav tênhv zos tiv nox cuz thaz. Qênhz yuôx chuôz zis zơưv T.M.P nhoz (phường Tân Thanh, TP ĐBP) li qơư uô cuz thaz- qơư cungz cuz thaz trâu têx qơư uô cuz thaz nox hâuk muôx lênhx coaz  mak tus tsưr qơư uô cuz thaz tsi muôx ntâuz ntơưr taz por zav nox; ntơưr tas six hơưv sir zôngv; qơư tsiv uô cuz thaz tsi taz por lơưr cui tênhv./.

Vũ Lợi-Txâur Vax cxeik nhênhv