Zar hnuz keix hnuz 11/5, tỉnh Yên Bái tsưr tsix phêv ziv ntâuk grê huôx tôngv huôv tsar lênhx nênhs cxaz chuôz BHXH, BHYT, BH tsi muôx hâux lưv uô shông 2022, krêz uô jênhv vưv shông 2023. Shông 2022 thiêz 4 luz hlik hâur shôngk shông 2023, tas nro tỉnh muôx 54 cxênhz 686 lênhx nênhs cxaz chuôz BHXH, chuôz ndê 1 cxênhz ntâu lênhx pir đros tsêz no, tax 96% ntâu tsưr ziv BHXH VN choz. Phưv Chủ tịch UB tỉnh Yên Bái Vũ Thị Hiền Hạnh thix ziv têx cấp, nganhx, tiv phaz tsuv sir jos cxơưz tiês côngz xưv yax mông; krêz uô têx tsưr ziv huôv tsar lênhx nênhs cxaz chuôz BHXH, BHYT, BH tsi muôx hâux lưv uô; tiv zix zos cxaz chuôz BHYT lơưr ziv chuôz zis, BHYT shux xênhz, lox tôngv tsênhv uô hâux lưv ntơưv têx doanh nghiệp, HTX..../.

(Báo YB-Txâur Vax cxeik nhênhv)

        Hnuz hội ju lix Vênhx huôv tỉnh Sơn La “qơư jông trâu tsôngv kruô sơưr đơưk sâuv ntiêx têz tuôx ndis shuôs uô si” shông 2023 zuôr tsưr tsix txix hnuz 26-28/5 ntơưv têz qơưk qơư ju lix Mộc Châu đros thiêz muôx ntâu têx nuv, txux chi vênhx huôv jông chiê hu zâuv pêx xênhv thiêz tsôngv kruô sơưr đơưk tuôx Sơn La ndis seiz uô si. Ntênhs krêz uô Hnuz hội njuôk xav zuôr tsưr tsix lok hnuz 26/5 ntơưv Mộc Châu, đros ntâu têx txux chi vênhx huôv jông, lar heik zos tsaz yênhx nthuôr uô cêr lov jêv; đhiê pax vuôk xòe, đhiê kênhx Hmôngz…. Hnuz hội tâu tsưr tsix chiê paz por hưv, tuôr tsês cxuô heir nênhs Sơn La têx txux chi vênhx huôv jông tsi chiê pôngz plox; hu zâuv yưv pênhr uô, lar heik zos yưv pênhr trâu ngênhx ju lix; muôz jông six hơưv chiê cxuô huyện, TP, têx qơư ju lix piêr kriê xiv huv ju lix, cxuô heir nênhs thiêz ntơưv qơư têx txux chi vênhx huôv, xiv huv jông….txos trâu tsôngv kruô hâur thiêz đrâuv luôs 2 chas têz qơưk pâuz txos./.

Trấn Long-Riê Lâux cxeik, nhênhv

        Văn phongx chiz coaz cảnh sát qênhz yuôx, Công an tỉnh Lai Châu nhiv kruôr sik côngv đros Phongx cảnh sát zaoz thôngz, Công an huyện Tam Đường (Lai Châu) ntês cơư Hàng A Tính, xênhz shông 1985, nhoz jos Chu Va 12, xã Sơn Bình, huyện Tam Đường viv uô nxor loanv nhoz công côngv. Uô ntêx co hnuz 23/4, ntơưv jos Tân Hợp, xã Sơn Bình, huyện Tam Đường (Lai Châu) muôx yưv txuz txiêz nanv zaoz thôngz zos tul nhuôk Chang A P xênhz shông 2005 nhoz jos Chu Va 12, xã Sơn Bình thiêz tix lâuk Lê Duy V xênhz shông 1975 nhoz tuêv 5, phường Pom Hán, TP Lào Cai tsar yêz siz đrâu uô cê. Uô tul nhuôk P tuôs ciês ntơưv qơư. Thâuv muôx yưv txiêz nanv, 2 chuôz zis tưz sik njiz sik thav taz sik tsi yênhx côngz. Txos zar hnuz keix 25/4, Hàng A Tính tưz tsar yêz ô tô thâux tul nhuôk P li hux txiês đros muôx nhos 60 lênhx nênhs muk yêz meir tuôx UB xã Sơn Bình teix chính quyênx tiv phaz, chiz coaz pháp luật sơưr car cheix thiêz heik Lê Duy V tuôx chiê yưr lir hâux lưv no. Iz cxiê lênhx nênhs tsênhv zôngv điện thoại cxeik đuôz, muôx têx luk heik tsi jông lok chính quyênx, chêv chiz coaz công an uô nxor loanv xã hội. Nhiv no chiz coaz cảnh sát qênhz yuôx Công an tỉnh Lai Châu tsênhv tror qênhz yuôx txuz án chiê yưr lir trơưk pháp luật li cui tênhv./.

(TTTB-Txâur Vax cxeik nhênhv)