Têis cik 11/9, Hôiv đôngx tỉnh Lai Châu khóa 15 tưz tsưr tsix Jiês cơưv tiv 17 (chuyên đề). Ntơưv jiês cơưv, Ủy ban tỉnh thiêz chor Ban Hồi Đôngx tỉnh tưz hêik pâuz chor tờ trình, dưv thảo nghị quyết lok kho đuô txo grêk chor pênhr nhiêx yưv pênhr côngz txix nhiêx txiêx têz qơưk ntu 2021-2025 đros thiêz 31 dưv anr, kho đuô chuôz ndê tsưr ziv pênhr nhiêx yưv pênhr côngz ntu 2021-2025 trâu 11 dưv anr, đros tas nro pênhr nhiêx kho đuô xar muôx 334 tiv đêiv. Hôiv đôngx tỉnh Lai Châu tưz thôngz đhâu 4 nghị quyết kho đuô, cxaz nzir tsưr ziv yưv pênhr côngz txix nhiêx txiêx têz qơưk ntu 2021-2025; kho đuô, cxaz nzir nhiêx txiêx trâu chor taz viv njuôk xav khối tỉnh thiêz chor huyện, thành phố uô têx tsênhv chêi, jênhv vưv huôv xênhz shông 2023; thôngx ziv cxaz nzir bê ntơưr chor dưv anr, côngz trinhx tsuv sâu tsês ar, pâux nzir thiêz chor dưv anr, côngz trinhx tsuv hlôngr đuô tsưr ziv sir zôngv ar shông 2023 sâuv thax tsav tỉnh./.

Khắc Kiên-Lik Thox cxêik nhênhv

          Huyện Mộc Châu, tỉnh Sơn La nhiv no muôx nhos 50 ha têz txir hồng, iz ha muôx têx sâu đê tâu 10 tênhr txir. Nhiv no tsênhv zos cheix sâu đê têx txir ntông heik sâuv, gri muôs ntơưv qơư txix 30-50 cxênhz đeiv iz cir. Iz tsoz txir hồng gra lok phênhv sâu tâu trâu pêx xênhv 2, 3 tsov đeiv. Txir hồng zos iz hâur têx zav txir kaz nhoz tox siêz Mộc Châu, zos zav txir hồng to bê zuôr txix Nhật Bản lok, tâu nhênhz chơưv thiêz chos siv yênhx côngz ntơưv tox siêz Mộc Châu txix shông 2000. Nhiv no, têx liêx têz chos txir hồng uô lơưr tsưr ziv VietGAP nhoz Mộc Châu ziv hnuz ziv tâu krêz đar, chos ntâu muôs trâu ciêz đrôngs taz por truôx tuk. Zơưv Trần Xuân Thành, Tsar phongx Kôngz nuv thiêz huôv tsar tox siêz huyện mộc Châu, tỉnh Sơn La heik pâuz: “Chiê gra siêz tsơưr lươngv xiv huv, iz chas muôs têx txir hồng li cxiê shông, nhiv no têx HTX tưz tsưr tsix têx xiv huv tsiv uô, co zos txir hồng jiêz kra kruôr, muôs, jôngx jông nox. Nhiv no chor txir hồng uô li heik sâuv cux zos Mộc Châu li xiv huv hur jông OCOP”./.

 Thanh Thủy-Riê Lâux cxeik, nhênhv

          Hnuz 11/9, Công an huyện Yên Bình, tỉnh Yên Bái tưz muôx cuêz tênhv xưv bluô hành chính Lý Thị Huệ, zus shông 1979, nhoz jok Ngòi Di, xar Yên Thành, huyện Yên Bình 5 triệu đêiv viv hêik tsik jông txos cơ quan, tsưr tsix sâuv mạng xar hôiv facebook. Uô ntêx co, sâuv mạng xar hôiv facebook muôx 2 jax sâu txix sâuv Huệ oz kror tài khoảng zos Lý Huệ thiêz Phương Linh Nguyễn hêik tsik jông txos cơ quan, tsưr tsix, côngz bê chor lưx lươngv cảnh sát zoz thôngz. Công an huyện Yên Bình tưz hu Lý Thị Huệ tuôx. Đhâu uô hâux lưv, Huệ tưz jênhv zos tsưr zo tài khoản facebook hêik sâur, thôngx cxix heik pâuz tas nro zuk kror uô cxâuv. Đhâu thâuv tâu hêik pâuz lok têx uô cxâuv, Lý Thị Huệ tưz yêv oz jax sâu co por tsês, thôngx cxix jênhv tiêk zuôr tsik tror uô cxâuv lơưv./.

Đinh Tuấn-Lik Thox cxêik nhênhv

             Trơưk li Viện kiểm sát tỉnh Điện Biên hêik pâuz, hnuz 25/2/2023, Tổ côngz xưv nhoz Bộ Chỉ huy Bôv đôiv Pênhz phax tỉnh Điện Biên tsênhv uô hâux lưv ntơưv thax tsav tus ndêx cxok kuôk cêv đriv têz 106 ntus đriv Việt Nam-Lol Tsuôk nhoz xã Thanh Chăn, huyện Điện Biên, qênhz pov thiêz ntêk tâu Cà Văn Tướng, Cà Văn Tiến, Quàng Văn Dương puôr lênhx nhoz uô cê ntơưv jok Púng Nghịu, xã Thanh Chăn, huyện Điện Biên tsênhv thâux gra 2.000 gam zênhz đơưz, 990 gam yuôx shơư zax zênhz. Đhâu qênhz yuôx, Viện Kiểm sát tỉnh Điện Biên pov tâu chor nênhs heik sâuv thâux gra ntâu zax zênhz uô cxâuv lox txos chêi têz qơưs, tsuv muôz tik cêr cxâuv cov zos đrêiv chêi tso tơưv. chênhr zos li hêik ntơư, Tòa án tỉnh Điện Biên tưz tik cêr cxâuv trâu Cà Văn Tướng, Cà Văn Tiến, Quàng Văn Dương trâus tuô por tsês thiêz muôz hur si chor zax zênhz hêik sau hlơưr por tsês./.

Vũ Lợi-Riê Lâux cxeik, nhênhv