
Hâur 2 hnuz 12 thiêz 13/2, đros sir jos uô hâux lưv, truôx jông, Đại hôiv đại biểu Đảng bôv xar Hát Lót, huyện Mai Sơn, tỉnh Sơn La jiês tiv 24, six cxiv 2025-2030 tưz yênhx côngz jông. No zos đại hôiv tâu Ban Thường vụ Tỉnh ủy Sơn La xêir tsưr tsix đại hôiv uô ntêx đảng bôv cấp xar nhoz tỉnh Sơn La. Đại hôiv muôx 79 đại biểu chinhr, hlôngr njêx muôs trâu 515 đảng viên hâur tas nro Đảng bôv xar. Đại hôiv thôngx ziv bâux 15 lênhx nênhs nhoz hâur Ban Chấp hành Đảng bôv xar jiês tiv 24, six cxiv 2025-2030; bâux đoanx đại biểu dưv Đại hôiv Đảng bôv huyện Mai Sơn jiês tiv 20, six cxiv 2025-2030. Ntơưv jiês cơưv tiv iz Ban Chấp hành Đảng bôv xar khoar yiêz, zơưv Đào Văn Hiền tâu Đại hôiv tror chiê uô Bí thư Đảng ủy xar khóa 24, six cxiv 2025-2030. Jiês cơưv cux bâux chor nênhs uô: Phưv Bí thư Đảng ủy xar, Ủy ban Qênhz yuôx Đảng ủy xar thiêz Chủ nhiệm Ủy ban Qênhz yuôx Đảng ủy xar six cxiv 2025-2030. Đại biểu Mè Văn Quang, nhoz chi bôv jok Phiêng Chai, xar Hát Lót hêik pâuz: “Zos Đại biểu dưv Đại hôiv, pêz tsêx trung ziv chênhv trâu dưv thảo văn kiện Đại hôiv. Thiêz zôngv zuk chor ntơưr chiê bâux xêir chor nênhs muôx txâuk txux chi, siêz xar jông nhoz trâu hâur Ban Chấp hành Đảng bôv xar six cxiv 2025-2030. Pêz vav tiêk Ban Chấp hành yiêz zuôr paz trâu xar Hát Lót cov ziv hnuz ziv huôv tsar”./.
Bích Thủy-Lik Thox cxêik nhênhv
Uô lơưr BCH T.Ư khóa 12 Nghị quyết 18-NQ/TW lok hlôngr yiêz, phênhz đuô têx lênhx canr bôv, hâu nov qơư uô hâux lưv hâur cxix luôs chính trị, tỉnh Điện Biên muôx 23 lênhx canr bôv, công chức, viên chức, nênhs lox tôngv nhoz khối Đảng tưx uô ntơưr thor so hâux lưv uô ntêx chiê zôngx ziv xeir lênhx nênhs, choz hâux lưv thiêz gra siêz têx hâux lưv uô. Tỉnh ủy Điện Biên cux tưz thôngx ziv thôngz đhâu Đêx anr phênhz qơư, taz viv hâur cxix luôs chính trị. Đhâu fuô uô têx hâux lưv li heik sâuv, cấp tỉnh txo grêk tsơưs 2 ban, 7 phongx; cấp huyện txo grêk 6 ban, taz sik tsar ndê iz đảng bộ cấp thênhv siêz nhoz Tỉnh ủy Điện Biên. Lok sâuv têx cơ quan chuyên môn nhoz hâur Ủy ban tỉnh thiêz taz viv mak đhâu phênhz, muôz iz cxiê cơ quan lok uô cê, tỉnh yuôr 14 cơ quan, 83 phongx, 7 chi cục, 70 taz viv lês uô hâux lưv têz qơưk./.
Vũ Lợi-Riê Lâux cxeik, nhênhv
Têis cik 13/2, tas nro 9 thax tsav qơư hâur tỉnh Yên Bái sik đros tsưr tsix Ntênhk choz zok jênhv quân shông 2025 đros muôx cêr lov jêv thiêz shir phaz. Shông 2025, tỉnh Yên Bái tâu choz xêir zuôr yênhx cxênhz lênhx hluôk nênhs muk uô tuz lênhv, choz trâu chor taz viv jênhv quân zos: Bôv Tham mưu Quân khu 2; Sư đoàn 304, Sư đoàn 316, Sư đoàn 355, Lữ đoàn 297 nhoz Quân khu 2; Bôv Tổng tham mưu; Bôv Tư lệnh Bôv đôiv Pênhz phax thiêz têx taz viv công an. Tas nro chor hluôk nênhs muk uô tuz lênhv no tâu choz trâu têx taz viv kruôz kriê chiến sĩ yiêz, muôx txâuk chor tuz lênhv, tsơưr lươngv thiêz ngaz tuk jông. Têx taz viv jênhv quân tưz cxiv tsa tsưr ziv txêik, tok chor hluôk nênhs muk uô tuz lênhv yiê zno lok trâu ntơưv taz viv, bax jông têx qơư nox nhoz, xênhz huôx trâu bôv đôiv txix ciês thâuv piz lok trâu ntơưv taz viv. Tuz lênhv yiêz Đỗ Đức Lâm nhoz thành phố Yên Bái shir phaz hêik pâuz: “Cur tâu xênhz zus hâur iz chuôz zis muôx zơưs thiêz txir puôr lênhx uô hâux lưv hâur quân đôiv viv li txix thâuv zâu cur tưz xar gôngr côngv zuk đas jos chiê phưx vưv hâur quân đôiv viv li cur tưz sâu ntơưr thor muk uô tuz lênhv. Ntu zuôr txos cur zuôr sir jos uô cov tiêr jông têx jênhv vưv tâu choz”./.
Đinh Tuấn-Lik thox cxêik nhênhv
Xav txos nhiv no, têx nhiêx txiêx sâu tâu hâur thax tsav tỉnh Lào Cai tax iz cxênhz ntâu tyv đeiv, tsar ndê 35% pir li shông uô ntêx. Shông no Lào Cai sir jos cov sâu tâu 15 cxênhz ntâu tyv đeiv chiê uô tiêr cxuô luôs hâux lưv trơưk li Đại hội tso tơưv. Chiê uô tâu têx li heik co, ngênhx nhiêx txiêx zuôr fuô uô ntâu faz tsưr ziv chiê tror uô tâu jông đuô, lar heik zos têx phênhv sâu truôx tuk, paz max doanh nghiệp cxơưz cxiz huôv tsar uô nox, lax luôv. Pos Vương Bích Hằng, Phưv Cục tsar Cục sê tỉnh Lào Cai heik pâuz: “Cục sê zuôr tror qênhz shuôs têx phênhv sâu thiêz tsênhz mênhx txos yênhx doanh nghiệp chiê cxơưz cxiz sâu têx huôv xênhz nzir trâu têz qơưk; fuô uô ntâu faz tsưr ziv lok sâuv seiz car têx nux grik, sâu sê. Cục sê cux zuôr sir jos uô luôs hâux lưv qênhz yuôx, qênhz shuôs chiê cxuô doanh nghiệp, cxuô lênhx cxuô tus uô jông trơưk têx cui tinhv lok sâu sê”./.
Thanh Thủy-Riê Lâux cxeik, nhênhv
Viết bình luận