Ntâu ziv chênhv lok dưv anr Chei ar têz thiêz Chei đêx kho đuô tâu xa txos Đoanx đại biểu Côx hội tỉnh Yên Bái.

      Iz chas co, Chei ar têz kho đuô, têx ziv chênhv phênhv ntâu zos heik lol sâuv: Cui tinhv njuôk xav tsưr ziv njuôk hov, tsưr ziv sir zôngv ar; sâu zuôr ar, pâux nzir, paz max, yêik txar qơư nhoz thâuv têz qơưk sâu zuôr ar; choz ar, tso ntiêr ar…. Hok lol sâuv chei đêx kho đuô, heik cov cxaz nzir têx cui tinhv hâur seiz car lok taz por truôx tuk đêx; cxaz nzir ntâu kror kriê lok têx chei, tsênhv chei nhiêx txiêx, pênhr jos uô qơư chiê lês uô têx luôs hâux lưv yax mông, fuô kriê chei têz qơưk lol têx đêx./.

Thừa Xuân-Riê Lâux cxeik nhênhv

        Lào Cai sơưv tiv 3 sâuv 63 tỉnh muôx số giao dịch siêz tiv zix đhâu Nền tảng thôngz sâu, pheiz kênh dữ liệu têz qơưk hâur shông 2022 thiêz sơưr tiv 2 sâuv 63 xav txos hnuz 21/3/2023. Hâux lưv yênhx trus cxơưz tiês sir zôngv têx nền tảng số lok hâur luz nênhx xã hội tưz paz tsôngv box tiv phaz huôv tsar tsiv uô, muôv muôs, muôz siêz tsơưr lươngv luz nênhx, cxuôv cêr yeiz pluôs, gôngr phênhv yênhx trus cxiv tsa chính quyênx số. Shông 2023, tỉnh Lào Cai xav tênhv zos shông chuôz tsar thiêz paz cov kinh têr huôv tsar, cxơưz tiês hlôngr yiêz hành chính./.

(TTXVN-Txâur Vax cxeik nhênhv)

         Chiê nzor uô tiêr hâux lưv côngz thẻ căn cước công dân muôx chíp điện tử trâu 100% lênhx pêx xênhv nhoz hnuz nhôngs tâu côngz lơưr cui tinhv, Công an tỉnh Điện Biên tưz yênhx lix 03 tổ côngz xưv muk trâu têx tỉnh, TP chiê uô căn cước công dân trâu têx lênhx pêx xênhv hâur tỉnh muk uô nox, uô hâux lưv đêz nhoz luôs 2 chas tỉnh, TP.

        Hâur 21 hnuz, qir txix hnuz 11/5, 3 tổ côngz xưv heik sâuv muôx 9 lênhx canr bôv, chiến sĩ công an têx huyện, thị xã, TP hâur công an tỉnh Điện Biên zuôr muk trâu 21 tỉnh, TP hâur tas nro têz qơưk muôx pêx xênhv nhoz Điện Biên muk uô nox, uô hâux lưv chiê uô căn cước công dân trâu sơưr đơưk. Đros thiêz tsưr ziv “Thâuv pêx xênhv zuôr trâul txos, pêx xênhv njiz phiv liv, muôx Công an”, canr bôv, chiến sĩ Công an tỉnh Điện Biên zuôr sir jos hla đhâu phiv liv uô cxuô luôs hâux lưv viv pêx xênhv, cov txos hnuz 31/5/2023 uô tiêr têx thẻ căn cước công dân muôx chíp điện tử trâu 100% lênhx pêx xênhv tỉnh Điện Biên txâuk hnuz nhôngs uô têx ntơưr co./.

Vũ Lợi-Riê Lâux cxeik, nhênhv

         VOV Tây Bắc côngv đros UB huyện Sông Mã, nhiv kruôr tsưr tsix Ntênhs choz tul qox đei jos Củ Bú, xã Chiềng Phung, huyện Sông Mã, tỉnh Sơn La. No zos xã thax tsav 3 txov nhêv tiv zix zos VOV Tây Bắc jênhv paz. Tul qox ntêr 34 yiv, đar 1,7 yiv, tsiv grê 200 tsov đeiv, zos VOV Tây Bắc hu grus têx lênhx nênhs siêz jông nhoz Hà Nội thiêz TPHCM gôgnrr paz. Đhâu 1 luz hlik cxiv uô, tul qox tưz tâu uô tiêr thiêz chox lok sir zôngv, tuôv zênhv yênhx puôk ziv chuôz zis tsôngv box nhoz jos Củ Bú, Co Khương, jos Chéo, Huổi Tư Hua Và, xã Chiềng Phung, viv ntêr lok no tsôngv box tsuv muk lok đhâu iz tul qox lav uô, tsi taz por, tiv zix zos hâur cheix ntux lok nas. Zơưv Lường Văn Hồng, Bí thư chi bộ, tsar jos Củ Bú pheiz kênh: “Thâuv ntêx, jos tâu têz qơưk yưv pênhr uô iz tul qox đei, taz sik shông 1996 ntux lok nas lox, tul qox trâus đêx cuôr yôngz. Txix co txos nhiv no, iz shông shông thâuv xar txos cheix ntux nas pox nhuôk hâur jos ho gôngr côngv đas jos, chuôz zênhx lav uô iz tul qox muk đhâu đêx.....nhiv no pox nhuôk li siêz xar njôngr muôx tâu iz tul qox taz por muk lok tưz tâu tuôv zênhv, pox nhuok lok six jông siêz shir phaz”./.

(TTTB-Txâur Vax cxeik nhênhv)