Shông 2023, nganhx zaoz zux tỉnh Sơn La tso tơưv tsưr ziv shux xênhz cơưv tiêr cxênhx 3 chuôz ndê hla đhâu shông 2022, tax tsơưs tiv zix 99% ntâu. Chiê uô tâu tsưr ziv no, txix ciês hâur shôngk shông cơưv 2022-2023 têx tsêr cơưv tsưr tsix pheiz shux xênhz cơưv khối 12 lơưr shux xênhz li pênhr xưv, krêz uô hâux lưv choz chỉ tiêu tsơưr lươngv trâu têx tuêv chuyên môn. Đros co zos cxơưz cxiz đoàn viên công đoàn jênhv paz shux xênhz txov nhêv, njuôs xav xar tso ntơưr tsês, shux xênhz pluôs, shux xênhz zos mê nhuôk njuôs./.

(TTTB-Txâur Vax cxeik nhênhv

        Txix thâuv ntêx, Chủ tịch Hồ Chí Minh tsik so tsov cưv txos chor bôv đôiv Pênhz phax. Hloz Hôx luk kriê: Tsuv pâuz uô phongx yaox sik tưr cov truôx jông, tưz tâu lưx lươngv bôv đôiv pênhz phax sêiz co zos kror tsưr ziv chiê huôx tôngv. Têx uô tâu ntơưv Zênhx Pênhz phax Huổi Luông, nhoz sâuv thax tsav xar Huổi Luông, huyện Phong Thổ, tỉnh Lai Châu zos kror paz hêik tơưv tâu têx luôs hâux lưv cơưv shâuv thiêz uô lơưr zơưv hloz Hôx cêr uô nênhx jông tsênhv tâu sir jos kriz uô. Đại úy Tẩn Lở Tông, Zênhx Pênhz phax Huổi Luông, huyện Phong Thổ, tỉnh Lai Châu phêiz kênh: “Đhâu thâuv tâu hêik pâuz lok cơưv shâuv thiêz uô lơưr zơưv hloz Hôx cêr uô nênhx jông, hâur côngz xưv sêiz car, por vêv ntus đriv cur tưz hêik pâuz trâu Đảng ủy, Ban sêiz car taz viv uô jông côngz xưv qênhz yuôx ntus đriv. Cur tưz muk yax kriê, hêik pox nhuôs pâuz lok côngz xưv por vêv ntus đriv. Đhâu co pox nhuôs tưz jênhv pâuz tâu ntâu đuô thiêz uô trơưk jông”./.

TTTB-Lik Thox cxêik nhênhv

        Hnuz 15/5, ntơưv thax tsav ndêx đriv têz số 65, cêr ntus đriv VN-Lào, nhoz thax tsav jos Nậm Đích ( xã Chà Nưa, huyện Nậm Pồ, tỉnh Điện Biên, VN) thiêz têx jos Hua Mức (huyện Mường Mày, tỉnh Phong Sa Lỳ, têz qơưk Lào), hlôngr njêx muôk lênhs tov 2 tỉnh Điện Biên thiêz Phong Sa Lỳ tưz uô ntênhs krêz uô, côngz fur krêz cêr Nậm Đích (Điện Biên)- Huổi Hịa (Phong Sa Lỳ). Cêr huôx tôngv zuôr gôngr phênhv cxơưz tiês huôv tsar KTXH, taz por côx phax txiv ngaz thax tsav ntus đriv 2 tỉnh Điện Biên, Phong Sa Lỳ; paz trâu tsôngv box nhoz 2 saz ntus đriv li hâux lưv muk lok đhâu ntus đriv thiêz muôv muôs hax huv tâu zôngx ziv đuô./.

(DTMN-Txâur Vax cxeik nhênhv

        Ntu đhâu, txơưv tiêk nganhx muôx vax huôv tưz sir jos yax kriê, hêik pâuz lok qênhx shênhx nziêk đas đhâu sâuv mạng; taz sik chor nênhs fêv cux nziêk đas tâu chôngz lênhx nênhs. Chiê txo grêk tsơưs tiv zix chor nênhs trâus nziêk đas, chor nganhx muôx vax huôv tỉnh Yên Bái nhiv no tsênhv sir jos kriz uô ntâu tsưr ziv, hâur co muôx “vắc xin sôr”. Zơưv Nguyễn Văn Khiêm, Phưv Giám đốc Sở Thôngz mông thiêz yax mông tỉnh Yên Bái puz pâuz: “Thôngz đhâu “vắc xin sôr” iz lênhx pêx xênhv zuôr xav tâu tiêk tsuk kriz sêiz đaz tsi, mnôngs têx xor mông tưs, sêiz têx kror tưs thiêz tsik mnôngs, tsik kriz sêiz têx xor mông tưs. Pêx xênhv tso siêz sir zôngv công nghệ chiê phưx vưv trâu luz nênhx”./.

Thừa Xuân-Lik Thox cxêik nhênhv