Hâur hnuz xuz thơưx Trung Quốc tror krêz trôngx chiê kruô muk lol đhâu ndis shuôs têz qơưs uô si trâu Việt Nam hnuz 15/3, iz paz kruô têz qơưk no muôx nhos 80 lênhx nênhs tưz tuôx trâu Lào Cai chiê ndis seiz têz qơưk uô si. 80 lênhx kruô xuz thơưx no phênhv ntâu nhoz 2 tỉnh Vân Nam thiêz An Huy, Trung Quốc. Trơưk li tsưr ziv, đhâu thâuv tuôx hâur Lào Cai, chor kruô no zuôr muk ndis seiz têz qơưk uô si hâur 4 hnuz 3 hmo trâu Hà Nội thiêz Vịnh Hạ Long./.

An Kiên-Riê Lâux cxeik nhênhv

Hâur 110 hax huv OCOP, tỉnh Sơn La muôx 1 hax huv tax hov 5, no tsênhv zos kror tsơưs pir li cxuô kror muôx ntơưv thax tsav qơư. Chor hax huv chênhr, jông, tsav txênhz tâu tsênhv tâu Sơn La xêir tsov, njuôk xav chiê cxiv tsa yênhx hax huv OCOP hov 5 cấp têz qơưk. Tỉnh Sơn La tưz tso tơưv qênhx shênhx tsênhv tsênhz, tsưr ziv cxiv tsa thiêz ntâu gri hax huv; thôngx cxix paz zôngx ziv trâu chor hax huv cxaz chuôz OCOP; sir jos cov muôx txix 2-5 hax huv OCOP hov 5 hâur ntu 2021-2025. Zơưv Nguyễn Thành Công, Phưv Chủ tịch Ủy  ban tỉnh Sơn La puz pâuz:

“Shông 2023 tỉnh Sơn La sir jos cov tax tâu tsưr ziv muôx 50 hax huv OCOP tror sâur; hêik cov tsơưr lươngv hax huv jông đuô, ntâuk gri chor hax huv shông uô ntêx chiê gra siêz txix hov 3 ndê hov 4; cxiv tsa chor hax huv ploz tsênhr têz qơưk li sâm Ngọc Linh, Bạch trà mây tưz tax tâu giải siêz nhoz têx ciêz đrôngs châu Âu, chor hôiv yuôx zêx… zos chor hax huv hêik trâu Bôv cov ndê thênhv siêz đuô”./.

Lê Hạnh-Lik Thox cxêik nhênhv

Tas cik hnuz 15/3, ntơưv qơư Di tích lịch sử cấp têz qơưk Thành Bản Phủ-qơư txi côngv Hoàng Công Chất (xã Noong Hẹt, huyện Điện Biên, tỉnh Điện Biên) tưz uô ntênhs hội Thành Bản Phủ thiêz Hnuz hội Vênhx huôv, Thêv thao thiêz ju lix cxuô heir nênhs huyện Điện Biên jiês tiv 9. Ntênhs hội Thành Bản Phủ tâu uô hâur niêx shông lok hnuz 24-25 luz 2 hlik hli ntux chiê ndo txos lênhx thơưx tuz  lênhv Hoàng Công Chất thiêz chor thơưx tuz lênhv Ngải, Khanh, tsôngv pêx xênhv cxuô heir nênhs Mường Thanh li côngz txiêx njis lox tir ntâuk trol châuz, tsưx phưv qơư nhoz. Ntênhs hội Thành Bản Phủ zos hâux lưv uô jông đros thiêz cxuô heir nênhs hâur thax tsav têx txux chi vênhx huôv tâu tuôr tsês thâuv nzor tsi chiê pôngz plox./.

Vũ Lợi-Riê Lâux cxeik, nhênhv

Txix hâur shôngk shông 2023 txos nhiv no tưz muôx 5 lênhx nênhs trâus Chủ tịch Ủy ban tỉnh Yên Bái cuêz tênhv xưv bluô hành chinhr tiv uô cxâuv hâuk chơưr bia, đros chor nhiêx muôx 200 triệu đêiv ntâu. Lênhx nênhs nhiv kruôr trâus xưv bluô yiêz tiv zix zos tix lâus Phạm Văn H. nhoz xar Lâm Giang, huyện Văn Yên trâus xưv bluô 35 triệu đêiv tiv hâuk chơưr bia thâuv tsar yêz ô tô. Đuô li, tix lâus H tsênhv trâus sâu tsês ntơưr tsar yêz 23 luz hli. Uô ntêx co, tix lâus Nguyễn Tuấn Anh, nhoz Hạ Hòa, tỉnh Phú Thọ cux trâus xưv bluô 46 triệu đêiv tiv hâuk chơưr bia thiê ztsik cêv kuôk ngaz tuk nhoz oz luz yêz uô muôx yưv txiêz nanv zoz thôngz./.

Thừa Xuân-Lik Thox cxêik nhênhv