Tas cik hnuz 15/8, Uỷ ban tỉnh Lào Cai tưz tsưr tsix ntênhs côngz fur Quyết tinhv xeir zuôr zơưv Lê Trường Giang uô Giám đốc Đeix nta suôz-xa đuôz tỉnh Lào Cai. Lơưr Quyết tinhv, zơưv Lê Trường Giang tâu xeir zuôr lês uô luôs hâux lưv yiêz hâur 5 shông. Thâuv ntêx, zơưv Lê Trường Giang tưz muôx iz ntuk ntêr uô tuz sâu xor xưv, phưv Giám đốc hâur Đeix nta suôz-xa đuôz tỉnh Lào Cai. Hli 3/2022, zơưv Giang tâu xeir zuôr muk uô Tổng Biên tập ntơưr pov tsir Lào Cai, uô ntêx thâuv tâu tso tror lok uô hâux lưv hâur Đeix./.

An Kiên-Riê Lâux cxeik, nhênhv

         Ciêz vênhx huôv du lịch Mộc Châu, Sơn La, zuôr kriz uô ndax trâu hnuz 2/9, muôx cxuô vênhx huôv, txux chi huv đros. Ciêz vênhx huôv du lịch Mộc Châu shông 2023, muôx njiêz luk “Hêik txos chêix gâux đrâus” tâu kriz uô hmo xiêz 1/9 trâu ntơưv tsênhv qơư huyện Mộc Châu. Txix hnuz 28/8 xiêz 4/9, Ciêz vênhx huôv zuôr kriz nthuôr uô ntâu cêr lov jêv; hêik kriê cxuô hêir nênhs tsơưs têx txux chi, vênhx huôv jông txuôk đros tsiv uô cxuô zav nox kaz. Ntơư zos pêz hêir nênhs Hmôngz, poz ziz, Cho têx txux chi, vênhx huôv jông cxôngx nzor. Đros co, ntơưv têx qơư ndis uô si, sêiz shuôk têz qơưs hâur thax tsav huyện Mộc Châu cux zuôr kriz ciêz muôs hax huv cov huv đros tsôngv kruô siêz nhiêv./.

Tsu cxêik nhênhc-Lê Hạnh-Lan BT

       Công an tỉnh Lai Châu nhiv kruôr yơưz phơưz, tso chei ntêk zơưv Hà Văn Giót, xênhz shông 1955, nhoz jok 11, xã Phúc Than, huyện Than Uyên chiê qênhz yuôx lok sâuv “Ntêk thiêz cơư lênhx nênhs tsi trơưk chei têz qơưk”.

        Trơưk li ntâuz ntơưr, uô ntêx co hnuz 22/7, Cơ quan Cảnh sát qênhz yuôx, Công an huyện Than Uyên tso 02 lênhx canr bôv qênhz yuôx hux jos đros canr bôv Ban côngz xưv Mặt trận Tổ quốc jok 11 Phúc Than muk trâu zơưv Giót tsêr chiê uô hâux lưv lok têx cik txos iz txuz nuv hâur thax tsav qơư. Taz sik, thâuv uô hâux lưv, zơưv Giót thâuv tưs cux heik têx luk tsi jông trâu canr bôv, cơ quan têz qơưk. Thâuv uô hâux lưv tas, zơưv Giót tưz cov muôz chor ntơưr biên bản ntơư đuô por tsês thiêz heik cov pox niêv zos pos Lò Thị Lả thiêz tus nhaz Lường Thị Ngoại cơư kror trôngx, liêx saz đrâuv jôngr. Txuôk lơưr co, zơưv Giót zôngv xor tôngx hu trâu ntâu tus, chôngz lênhx pêx xênhv pâuz tiêk, tsênhv taz tov cơư 2 lênhx công an hâur tsêr thiêz cov sơưr đơưk tuôx seiz njiê. Cơ quan Cảnh sát qênhz yuôx, Công an tỉnh Lai Châu tưz quyết tinhv xơưz xưv, ntêk zơưv Hà Văn Giót lok sâuv ntêk cơư lênhx nênhs tsi trơưk chei. Nhiv no, txuz nuv co tsênhv tâu qênhz yuôx chiê uô tsênhz mênhx./.

Khắc Kiên-Riê Lâux cxeik, nhênhv

        Thâuv 5 six hnuz 15/8, lực lươngx huyện Bắc Yên, tỉnh Sơn La tưz zok nriêr tâu lênhx nênhs trâus đêx nas cuôr yôngz hâur hnuz 13/8. Ntơư zos  Tòng Văn Biên, xênhz shông 2013, nhoz jos Lừm Thượng A, xã Pắc Ngà, huyện Bắc Yên, thâuv zok nriêr tâu nhoz đêz 1 cêik cêr txix qơư trâu đêx nas cuôr yôngz. Uô ntêx ntơư, thâuv 9 six sơưr nzor hnuz 13/8, pos Hoàng Thị Phiêng, xênhz shông 1970 đros tus tuz zos Tòng Văn Biên xênhz shông 2013  nhoz jos Lừm Thượng A, xã Pắc Ngà, huyện Bắc Yên muk uô têz lok đhâu tus đêx Lừm, hmôngr tsik jông oz niêv tuz thiêx trâus đêx nas cuôr yôngz.

         Đhâu txêik tâu mông, uỷ ban huyện Bắc Yên tưz cxiv tsa đoanx sêiz car, tso lực lươngx zok nriêr. Taz sik, ntux lok nas lox truz ntêr hnuz, qơư zok nriêr đêz 4 txos 5 cêik, hâux lưv zok nriêr njiz trâus ntâu phiv liv./. 

Tsu cxêik nhênhv-Lê Hạnh- Lan BT