Ntơưv jiês mít tinh, thav pêv đros tsôngv box cxuô mênhx cxưx tỉnh Yên Bái thâuv têis cik 25/9/1958, Hloz Hôx tưz hêik mênhx xar tâu “nox tsâu, hnar sor” mak tsuv nhoz truôx têz truôx qơư, sir jos khưr uô nox, cxênhx txuôs, tso tsês têx tsưr ziv uô nox pôngz kaz… Hloz Hôx têx luk kriê co tsênhv tâu tsôngv box cxuô mênhx cxưx nhoz ntơưv no uô lơưr lok six jông, đhâu co paz trâu ntâu ziv chuôz zis hla đhâu cêr pluôs thiêz sir jos uô bluô nux ciês sâuv zuk thax tsav qơư nhoz, xưk li tix lâus Sáu Xênhv Zax, mênhx cxưx hmôngz, 45 shông, nhoz jok Sài Lương 3, xar An Lương, huyện Văn Chấn iz jiês tuôx trâu zênhx hangx tsênhv chêi xar hôiv huyện zos iz jiês tsês chiê nhiêx tiv đêiv tưz zos kror sưv đros. Chos cuêv fix-zav tsoz chos tsiv gri sâuv têx ar têz, Sáu Xênhv Zax tưz tsik zos uô bluô nux trâu zuk mak tsênhv cxơưz cxiz sơưr đơưk sir jos uô nox chiê uô bluô nux ciês ntơưv zuk qơư nhoz. Yên Bái tsênhv sir jos cov zos yênhx iz tỉnh huôv tsar xưk li hloz Hôx têx luk hêik tsês./.

Đinh Tuấn-Lik Thox cxêik nhênhv

         Seiz phêv ziv đraz six cxiv Ban chấp hành TW Đảng khóa 13, zơưv Cao Văn Tư, Đảng viên chi bộ Hồng Hà 2, phường Cốc Lếu, TP Lào Cai, kuz giám đốc Sở zaoz zux tỉnh Lào Cai xar tiêk, hâux lưv tso ntơưr bo xeir lơưr Bộ chính trị li Cui tênhv 96 tsi taz muôx ziz njiêz gôngr phênhv ntâuk grê cán bộ li ntu đrav ntêx mak tsênhv zos hâux lưv trâu côngz xưv njuôs xav, bo xeir, uô chính sách đros cán bộ, viv li ntơưr bo xeir zos lok six coaz tsôngv. Zơưv Cao Văn Tư cux njênhs njôngr lok têx Ủy viên TW Đảng- têx lênhx nênhs tso ntơưr bo xeir đros 21 chức danh hâur Bộ chính trị, Ban bí thư, sâuv chinhz yênhx “taz por jênh chuv, côngz fênhx, tsênhz mênhx hâur hâux lưv tso ntơưr thiêz sir zôngv chêx cuk tso ntơưr bo xeir”: “Nhiv no cux muôx têx trus, têx ntu tsi zos xar cov nzor txơưv tâu, taz sik cur njênhs njôngr zuôr muôx têx hlôngr yiêz jông. Tsuv truôx siêz, yax six đuô, tsi zos uô hâur iz ntu txơưv zuôr muôx tâu chêx cuk li siêz xar”./.

(An Kiên-Txâur Vax cxeik nhênhv)

        Txir khơưz đuz zos iz hâur 4 zav ntông nox txir tâu chos chênhr ntơưv huyện Yên Châu. Shông 2022, chor txir khơưz đuz muôx 33.000 tấn, sâu tâu muôx 297 tiv đêiv thiêz zos tsoz chos muôx tsiv gri siêz tiv zix hâur huyện. Tiv chor txir khơưz đuz muôx six hơưv sâu đê lur, txi txir ntâu viv li thâuv txos chêix sâu đê mak njiz ntâu kror phiv liv, gri muôs tsik siêz. Ntâu ziv chuôz zis nhoz Yên Châu tưz sir zôngv công nghệ siêz, sir zôngv têx kỹ thuật chiê paz trâu chor txir khơưz đuz txi txir nzor đuô thiêz six hơưv sâu đêz truz ntêr đuô, paz gra siêz tsơưr lươngv trâu chor txir khơưz đuz Yên Châu. Zơưv Lù Văn Cường, Chủ tịch Ủy ban huyện Yên Châu puz pâuz: Jux juk gra siêz tsơưr lươngv, tsiv gri têx hax huv, huyện Yên Châu tưz paz cungz jênhv lơưr ploz tsênhr VietGAP trâu xar muôx 20 HTX chos txir khơưz đuz, đros thax tsav muôx 300 ntâu héc ta: “Pêz cux chox kriê têx hợp tác xã, chor xar, thị trấn uô lơưr tsưr ziv tsik kriz đar nzir thax tsav chos, mak tsêx trung tu, sir zôngv khoa học kỹ thuật lok uô cov paz gra siêz đuô tsiv gri trâu chor txir khơưz đuz no”./.

Trấn Long-Lik Thox cxêik nhênhv

        Ntơưv xã Bum Tở, huyện Mường Tè muôx yưv txuz tuô lênhx nênhs, uô iz lênhx nênhs tuôs, 1 lênhx nênhs trâus saz. Đhâu qênhz yuôx, chiz coaz công an xav tênhv thiêz ntês tâu Lường Văn Quân, xênhz shông 1989, nhoz xã Phù Nham, thị xã Nghĩa Lộ, tỉnh Yên Bái thiêz muôx hộ khẩu nhoz xã Bum Tở, Mường Tè. Qir thơưx Quân jênhv viv oz niêv txir siz khiz viv li tưz muôz triêv tuô tul pox niêv tuôs ciês ntơưv qơư. Tul pox niêv li tul niêv hluô tuôx qênhv cux trâus Quân zôngv triêv gâus uô trâus saz hnhar. Nhiv no tsênhv tâu chơưv kho ntơưv tsêr kho moz đa khoa tỉnh Lai Châu. Chiz coaz muôx txơưx jênhv tsênhv tror qênhz yuôx uô tsênhz mênhx hâux lưv no./.

(TTTB-Txâur Vax cxeik nhênhv)