Tsênhv qơư y tế huyện Bảo Yên, tỉnh Lào Cai tsênhv đros ngênhx zoz zux zênhx max cêv kuôk, xưv lik fâuv moz khâuz thuôs A huôv xênhz ntơưv iz cxiê luz tsêr cơưv hâur thax tsav. Đhâu qênhz yuôx tso pov, xuz thơưx qir muôx 5 lênhx shux xênhz trâul moz đros têx muôx yưv li: hnôngk, uô cuz uô no, gênhk tsuv so ntơưr. Tiv têx lênhx nênhs moz nhoz hâur tsêr cơưv, qơư muôx chôngz lênhx ntâu tus viv li zôngx ziv siz cik tâu moz, đhâu iz ciêz tưz muôx zuôr xar 240 lênhx shux xênhz trâul moz, nhoz chor tsêr cơưv cxênhx 3 sôr 1 Bảo Yên, cxênhx 2  sôr 1 Phố Ràng, cxênhx iz sôr 1 thiêz cxênhx iz sôr 2 Phố Ràng.  Lơưr zơưv Bùi Minh Tuân-Tsar phongx zoz zux huyện Bảo yên, nhiv no tsuôk yuôr nhos 100 ntâu lênhx shux xênhz tsuv so ntơưr chiê cêv kuôk ntơưv vax tsêr, hok têx lênhx nhuôs tưz jông moz mak tror tuôx tsêr cơưv, cơưv ntơưr tas lơưv. Phongx cux chox kriê cxuô luz tsêr cơưv bax tsưr ziv kriê ntơưr, cxaz nzir têx txux chi trâu shux xênhz cov cxix cxuô./.

An Kiên-Riê Lâux cxeik nhênhv

Nhoz tox siêz Sơn La, ntâu qơư tsênhv tuôr tsês siêz xar tsuv xênhz mê nhuôv tuz chiê tov kaz no txi côngv pos zơưs. No zos iz hâur têx qir tiv uô mê nhuôv tuz mê nhuôk nxeik tsi siz bâus nhoz Sơn La, 118 lênhx nhuôk tuz sâuv 100 lênhx mê nhuôv nxeik, siêz đuô chungz fênhx tas nro têz qơưk. Zos iz hâur têx thax tsav muôx nhuôv tuz nhuôv nxeik tsi siz bâus, nganhx y tế huyện Vân Hồ tsênhv krêz uô ntâu tsưr ziv chiê txu grês qênhx shênhx no, hâur co phênhv ntâu zos muôz siêz pox nhuôk li jênhv pâuz, siêz xar. Zơưv Shôngx A Vưx, Phưv giám đốc Tsênhv qơư y tế huyện Vân Hồ tỉnh Sơn La pheiz kênh:

“Pêz yax mông trâu pox nhuôk pâuz têx tsi jông thâuv cxênhx nhuôv tuz nhuôv nxeik tsi siz bâus; kriê cxaz trâu y tế xã, chuyên trách jênh số xã chiê yax mông trâu tsôngv box, txưr hâux lưv xeir nhuôv tuz nhuôv nxeik chiê xênhz zus. Thôngx cxix, sik côngv đros têx tsêr cơử krêz uô têx jiês cơưv ngoại khóa trâu shux xênhz lok yênhx tưv cxênhx nhuôv tuz nhuôv nxeik tsi siz bâus”./.

(Lê Hạnh-Txâur Vax cxeik nhênhv)

Công an huyện Vân Hồ, tỉnh Sơn La seiz car, hux jos đros Phongx Cảnh sát qênhz yuôx têx nênhs zuôr muôs, uô luôv zax zênhz tsi trơưk chei, Phongx Kỹ thuật nghiệp vụ, Công an tỉnh Sơn La nhiv kruôr ntêk tâu Phùng Khắc Vương, xênhz shông 1983, nhoz xã Vật Lại, huyện Ba Vì, TP Hà Nội thiêz Vũ Long Trung, xênhz shông 1990, nhoz xã Chu Minh, huyện Ba Vì, TP Hà Nội viv thâux gra tsi trơưk chei zax zênhz. Lưv lươngv muôx avxx huôv sâu tsês tâu iz poz zênhz đơưz, đros trâu iz cxiê zav chuôz zênhx txơưr đuô cik txos. Vương thiêz Trung krêz lênhk tiêk, chor zax zênhz heik sâuv zos iz lênhx txir nênhx tsi pâuz tsênhz bê ntiêr gơưk 10 tsov đeiv thâux txix huyện Vân Hồ, tỉnh Sơn La muk Hà Nội. Thâuv tsênhv taz tov thâux gra txos tos cêr txơưv trâul qênhz pov thiêz ntêk tâu./.

CTVVOVTB-Riê Lâux cxeik, nhênhv

Công an huyện SÌn Hồ, tỉnh Lai Châu nhiv kruôr tso tơưv cuiz tênhv tik cêr cxâuv iz lênhx nênhs thiêz ntês cơư iz lênhx nênhs uô cxâuv cui tênhv lok por vêv jôngr ntông lơưr grê 232, Bộ chei hình sự 2017. Lơưr co, tsov lơưr chêx cuk xav tênhv, 2 lênhx nênhs co zos Đào Đăng Nghĩa, 41 shông thiêz Vũ Duy Biên 35 shông puôr lênhx nhoz thax tsav 3, thị trấn Sìn Hồ, huyện Sìn Hồ, tỉnh Lai Châu yax six sâu zuôr têx zav ntông sâuv thax tsav, đhâu co tsiv uô yênhx têx xiv huv jông chiê muôs zuôr nhiêx txiêx. Chiz coaz cảnh sát qênhz yuôx Công an huyện Sìn Hồ tưz tik cêr cxâuv txuz án no lơưr Bộ chei hình sự li cui tênhv. Nhiv no chiz coaz cảnh sát qênhz yuôx, Công an huyện Sìn Hồ tsênhv đros têx chiz coaz muôx txơưx jênhv tror qênhz yuôx krêz đar txuz án thiêz yưr lir lơưr PL li cui tênhv./.

(K.Kiên-Lan dịch đọc)