Công an sêiz car chor nênhs chêix tsar yêz muk lok tâus cêr tỉnh Điện Biên tsênhv taz tov đros công an 10 huyện, thị xã, thành phố qênhz yuôx chor yêz ô tô thâux xa kruô thiêz yêz container thâux xa hax huv chiê cxuô luz yêz muk lok truôx tuk hâur thax tsav tỉnh. Uô hâur ntu 1 zos qênhz yuôx txix hnuz xiêz 1 txos hnuz 14/8; lực lượng công an sêiz car chêix tsar yêz muk lok hâur thax tsav cxuô huyện, thị xã, thành phố tưz qênhz yuôx pov ntâu luz yêz container thâux xa hax huv muk lok hâur thax tsav, uô tsik trơưk chêi tso tơưv thiêz muôx 1.720 lênhx tsar yêz thâux xa hax huv, yêz thâux xa kruô, tsar yêz muk lok zos đrêiv chêi tso tơưv. Đại tá Vũ Tiến Dũng, Phưv Giám đốc Công an tỉnh Điện Biên hêik pâuz: Hâur ntu 2 tâu uô txix hnuz 15/8 txos 15/10, cxuô lênhx cán bộ công an tsênhv zuôr uô truôx  jông luôs hâux lưv qênhz yuôx chor nênhs tsar yêz thâux xa hax huv cux li thâux kruô muk lok hâur thax tsav cov zos đrêiv chêi tso tơưv; zos lênhx nênhs tưs uô cxâuv chêi tsar yêz muk lok tâus cêr tsuv trâus tik cêr cxâuv thiêz bluô nhiêx zos đrêiv têz qơưs têx chêi tso tơưv./.

Tsu cxêik nhênhv-Vũ Lợi-Lan BT

         Tsêr kho moz đa khoa tỉnh Sơn La nhiv kruôr lênhk txeik iz lênhx txir nênhx, muôx 56 shông, nhoz xã Sập Xa, huyện Phù Yên tuôx nhoz chơưv kho moz Whitmore. Co zos zav moz siz cik riêz nênhs, muôx têx uô ruôr hiêv, tsi jông txos đal jos, zôngx ziv uô lưx lênhx nênhs moz co luz đros chêr thiêz zôngx ziv uô lênhx nênhs co trâus tuôs, zos tsi chơưv kho zênhx max. Lênhx nênhs moz co tâu chox tuôx trâu tsêr kho moz thâuv tưz tsi uô cuz uô no, taz sik lok six gênhk, nox hâuk, pư tsi yuô tâuk, chax baz trâus o, njuôk xav zos trâul moz Whitmore, lok sik moz siêz , moz tso jik kaz jiz. Nhiv no chor bác sĩ tror sir jos chơưv kho moz trâu lênhx nênhs moz co lơưr Tsêr kho moz Nhiệt đới T.Ư tsưr ziv kriê. Qir tiv uô lênhx nênhs no trâul moz muôx têx zos hâur ntu đhâu, sâuv thax tsav huyện Phù Yên ntux lok nas lox thiêz ntêr hnuz, kror cxiê qơư kiêk nênhs, nông ntâu zôngx ziv trâu têx caz moz siz cik huôv xênhz, hâur co muôx caz moz Whitmore. Chor bác sĩ tsêr kho moz đa khoa tỉnh Sơn La heik, têx lênhx nênhs trâul moz tso jik kaz jiz lok sik moz siêz, trâuv, plơưr, tsi yuô muôx đas jos lok sik lênhx nênhs trâul moz saz đrâuv têx tơưr grêix zôngx ziv trâul moz Whitmore đuô, chênhr zos li heik co tsuv tsơưs cor txos têx ar, đêx kiêk nênhs./.

Trấn Long-Riê Lâux cxeik, nhênhv

         Txơưv cxuô cơ quan muôx vax huôv tưz yax kriê ntâu jiês trâu tsôngv px cxuô hêir nênhs nhoz cxuô thax tsav qơư, taz sik, cux tsênhv muôx chôngz lênhx, ntâu tus cux tsênhv trâus têx nênhs fêv nziêk đas muk uô hâux lưv trâu oz chas têz qơưs.

         Ntơưv Sơn La, hâur ntu đhâu, muôx yưv chôngz lênhx ntâu tus nênhs feev tưz sir zôngv cxuô faz tsưr ziv yiêz nziêk đas tsôngv px nhoz thax tsav tox siêz, đêz đrôngl, thax tsav tox siêz ntus đriv. Xav txix shông 2022 txos trâu nhiv no, Bộ tuz lênhv Biên phôngx tỉnh Sơn La tưz txêik tâu tsôngv px nhoz thax tsav tỉnh Sơn La 13 tsaz ntơưr hêik lok lơưr têx tuz nxêik hâur chuôz zis trâus nziêk đas muk trâu Campuchia tsik trơưk chêi chiê kuôz zuôv uô cxuô zav hâux lưv hnhar; zos xar cov zuk chuôz zis lênhx nênhs co tâu tror lok tsêr, chuôz zis tsuv thêv  yênhx puô triệu nhiêx thiêx tâu tso lok.Trung tá Hà Văn Chinh, Phưv  tsar phax tir thêir zax zênhz, tir thêir têx nênhs fêv, Bộ tuz lênhv Biên phòng tỉnh Sơn Lahêik pâuz: Chor nênhs fêv co tsik yưv njêx muôs, thâuv qênhz yuôx chor nênhs fêv co muôx iz cxiê lênhx ho nhoz chor têz qơưs đrâu. Chênhr zos li hêik ntơư,  phiv liv zok nriêr ntêk cxov. Qir tiv zos chor tuz nxêik hluôk muôx txix 18-25 shông tsik ndo chênhr phax; iz cxiê lênhx tưz tsik tâu muôx 16 shông, tsik pâuz tsênhz lok Đảng têz qơưs têx chêi tso thiêx trâus chor nênhs fêv nziêk đas./../.

Tsu cxêik nhênhv-Lê Hạnh-Lan BT

         Qơư njuôk ntux yar ntux nas tỉnh Lào Cai heik pâuz, đhâu ntâu hnuz trâul đêx nas lox uô ruôr hiêv, nhiv no, nhoz faz Tây Bắc tưz tu nas, kruôr krơưr, sor mê njik tuôx, hâur co muôx Lào Cai. Iz chas ntơư, hnuz 17/8 txos hnuz 18/8, hâur thax tsav tỉnh zuôr muôx yar ntux cuz sor. Luz six hơưv cuz sor đuô hur si zos thâuv iz six tar su txos 4 six zar zuôr tsâuk ntux. Thâuv hmo lok nas yâur thiêz nxông trâu iz cxiê thax tsav qơư. Ntux txơưr txar phiv liv li heik sâuv, tsôngv box sơưr đơưk tsuv chênhr phax, tir thêir iz cxiê zav caz moz muôx têx huôv xênhz li: Moz trơưk plaz, moz lok cêr uô pa, moz kror muôs, moz suôz liêz..../.

Báo Lào Cai-Riê Lâux cxeik, nhênhv