Phêv ziv đraz six cxiv TW 7 khóa 13 tưz suôv câuv. Têx njiêz luv hâur phêv ziv tâu ntâu cán bộ, đảng viên thiêz tsôngv box tỉnh Lai Châu tsov cưv, hâur co muôx hâux lưv ntâuk grê cán bộ đraz six cxiv txix tso ntơưr. Zơưv Lê Chí Công, Phưv tsar Ban tuyên giáo tỉnh ủy Lai Châu puz pâuz: “Lơưr cur, tso ntươr bo xeir tas, thâuv muôx chêx cuk mak cux tsuv muôx tsưr ziv đros têx lênhx nênhs tâu ntơưr tsơưs. Co zos pênhr xưv uô côngz xưv tsi taz por mak pêz cux tsuv muôx tsưr ziv, uô li chas chiê têx đồng chí co uô hâu nov huv đros zuk pênhr xưv. Thiêz têx đ/c cux paz trâu têx lênhx nênhs txơưr chiê lơưr muôx pênhr xưv đros Đảng uô jông têx jênhv vưv cxiv tsa tsưr tsix Đảng, cxix luôk chính trị cux xưk li uô têx jênhv vưv chính trị tâu uô jông đuô”./.

(Khắc Kiên-Txâur Vax cxeik nhênhv

           Hâur 2 hnuz đhâu, Đoanx têiv plor Côx hôiv tỉnh Sơn La tưz tsưr tsix Jiês cơưv zuôr ziv chênhv trâu dự thảo Chêi Tài nguyên đêx (kho đuô); Chêi Viễn thông (kho đuô); Chêi têx tsưr tsix tín dụng (kho đuô); Chêi sêiz car, por vêv côngz trinhx côx phax thiêz qơư quân sự; Chêi kho đuô, cxaz nzir iz cxiê grê Chêi nênhs Việt Nam muk lok trâu saz đrâuv têz qơưk thiêz hâur têz qơưk thiêz Chêi nênhs saz đrâuv têz qơưk muk lok, nhoz hâur têz qơưk Việt Nam. Phênhv ntâu chor têiv plor thôngx ziv đros tsuv kho đuô têx chêi.

         Lok pak tsês chiê đêx, sir zôngv chor pak đêx, njưs thêir đêx, zơưv Khương Thế Anh, Giám đốc Công ty tsêr mêir đêx tênhv Sơn La hêik: “Công ty vav tiêk kho đuô ntu 7 grê 53, viv nhiv no njuôk xav zuôr truz ntêr, tiv zix zos ntiêx têz thiêz Tổng cục njuôk ntux yar ntux nas li khav tênhv lok El Nino; Hêik cov txo grêk tsơưs tso đêx, tsês chiê đêx chiê bax trâu chor hnuz muôx yar ntux cuz sor, ntux kruôr gis”./.

Trấn Long-Lik Thox cxêik nhênhv

         Cux nhoz Sơn La, đhâu zuôr xar 3 shông cxiv tsa, Công ty cổ phần uô zav nox muôs tơưv Đồng Giao li tsênhv qơư tsiv uô jâuz, txir ntông Doveco Sơn La zuôr uô tâu tiêr, chox lok huôx tôngv hnuz 19/5. No zos tsênhv qơư tsiv uô jâuz, txir ntông txix hâux lưv tsiv uô, sâu zuôr thiêz muôv muôs hâur têz qơưk thiêz saz đrâuv têz qơưk. Zơưv Nguyễn Thanh Tùng, giám đốc Tsênhv qơư tsiv uô jâuz, txir ntông Doveco Sơn La puz pâuz: Đros côngz suất muôx nhos 52 cxênhz tênhr xiv huv iz shông, njuôs xav xiv huv kôngz nuv cungz trâu tsêr meir tsiv uô txix 700 cxênhz txos 1 tsov tênhr cxuô zav iz shông. Tsênhv qơư tsiv uô jâuz, txir ntông doveco Sơn La zos qơư tiv 3 thiêz zos Công ty cổ phần zav nox muôs tơưv Đồng Giao li iz hâur têx dự án lox, đros pênhr yưv uô 500 tỷ đeiv. Niêv ciêz Doveco muôx sâuv 50 têz qơưk, chêx chôngk nhoz Châu Ấu, Nhật Bản, Trung Quốc./.

Lê Hạnh-Txâur Vax cxeik nhênhv

        Phòng Cảnh sát tênhv qơư, Công an tỉnh Điện Biên nhiv kruôr sik côngv đros Đôiv Kiểm lâm cơ động, Chi cục Kiểm lâm tỉnh Điện Biên pov Thắng Xênhv Shôngx (zus shông 1988), nhoz jok Mường Toong 1, xar Mường Toong, huyện Mường Nhé cxov cơư tsês tsik zos chêi têx tsiêx kuk. Lơưr co, ntơưv Thắng Xênhv Shôngx luz tsêr, tôv côngz xưv pov muôx 27 tuk tsiêx kuk, hnhar muôx 78 cir, hâur co muôx 23 tuk tsiêx kuk tsênhv chiêx thiêz 4 tuk tưz trâus tuôs. Thắng tsik muôx ntâuz ntơưr tưs huv chêi cik txos têx tsiêx kuk no hlo. Nhiv no tas nro chor tsiêx kuk tưz tâu lưx lươngv muôx vax huôv sâu tsês thiêz chox lok trâu ntơưv kiểm lâm tỉnh Điện Biên chiê sêiz shuôk thiêz tu lơưr hâux lưv uô./.

Vũ Lợi-Lik Thox cxêik nhênhv