Đros coz chuô sôr 1 tsênhv lok lox trâu faz Tây Bắc thax tsav Bắc Đêx hiêr Đông uô phiv liv ntâu txos trâu thax tsav Tây Bắc, nhiv no chor tỉnh tox siêz Tây Bắc tưz bax jông têx tsưr ziv phax tar. Chiê phax tar nas chuô, Ủy ban tỉnh Điện Biên hêik cxuô thax tsav qơư sêiz shuôk jông xor mông lok ntux yar ntux nas, ntux têz ruôr hiêv, tsik so hêik têx cơ quan, taz viv, thax tsav qơư txar qơư nhoz trâu pêx xênhv nhoz têx qơư phiv liv, qơư zôngx ziv muôx ar poz, taz por ngaz tuk trâu têx côngz trinhx. Zơưv Ly Xênhv Hav, Phưv chủ tịch Ủy ban huyện Nậm Pồ puz pâuz:

“Tsuv qênhz shuôk chor chuôz zis nhoz jê ntus đêx sêiz đrơưv txar qơư nhoz, hâux lưv no mak pêz tưz bax kriz uô lơưv. Thôngx cxix zuôr tror tso nênhs hâur ban chox kriê muk qênhz yuôx ciês ntơưv iz cxiê xar. Nhiv no phiv liv mak  tsuôk yuôr jok Huổi Đáp nhoz xar Nậm Tin xưz, ntơưv co mak nhiv no tưz txar qơư nhoz lơưv, taz sik cux zuôr tror qênhz yuôx nzir sêz sâuv thax tsav luz xar no puôk yuôr kror tưs phiv liv lơưv, viv thax tsav no lok six nxaz tox”./.

TTTB-Lik Thox cxêik nhênhv

Hâur côngz tênhv xa txos têx nganhx, tiv phaz lok hnuz 17/7, Chủ tịch UB tỉnh Yên Bái tưz heik tsuv bax lưx lươngv jor ntơưv têx njưk đêx, cêr muk đhâu têx tul đêx chiê heik kriê zaoz thôngz muk lok taz por. Tsi puz tsôngv box muk muôz tơưs, muk đhâu đêx, ntês njês…sâuv têx tul đêx thâuv tsênhv muôx ntux lok nas. Tiv zix hâur têx hnuz ntux lok nas, têx tiv phaz tsuv yax mông tsôngv box tsi pư pêv têz chiê phax tar đêx cuôr yôngz, tox poz ar lơưk. Zơưv Trần Anh Văn, Phưv văn phongx thường trực Ban chỉ huiz phax tar ntux nas thiêz nriêr chơưv nanv tỉnh Yên Bái puz pâuz:

“Côngz xưv coaz tsôngv tiv zix zos canhv pov txos tsôngv box. Tỉnh tưz muôx têx côngz tênhv xa txos têx tiv phaz lok côngz xưv phax tar ntux nas. Thâuv jênhv tâu Ban chỉ huiz phax tar ntux nas tỉnh li têx canhv pov lok qiv hơưv txơưr txar, huyện thiêz xã tsuv canhv pov txos têx jêx jos chiê thôngz pov trâu tsôngv box pâuz tâu”./.

(Đinh Tuấn-Txâur Vax cxeik nhênhv)

Xav jênhv tsưr ziv huôv tsar tsoz chos mắc ca sâuv thax tsav huyện zos luôs hâux lưv tsuv uô cov tâu truôx jông txix nhiv no txos tas shông 2023 thiêz têx shông zuôr txos, Ủy ban huyện Nậm Pồ (tỉnh Điện Biên) chox kriê txos tas shông 2023 tsuv chos tsơưs  tiv zix 300 héc ta sâuv thax tsav 2 xar Nà Khoa thiêz Si Pa Phìn. Hâur ntu chos mắc ca, pêx xênhv zuôr tâu kruôz kriê têx txux chi kỹ thuật, tsưr ziv tu thiêz paz zuz ntông đros têx qir zuôv./.

VOV4-Lik Thox cxêik nhênhv

Nhiv kruôr đhâu, ntơưv thax tsav jôngr jos Lái Kính, xã Phổng Lái, huyện Thuận Châu, tỉnh Sơn La, tuêv cảnh sát qênhz yuôx nênhs phamv cxâuv lok hình sự-kinh têr-zax zênhz công an huyện Thuận Châu tưz pov thiêz ntês tâu Lường Văn Thức, xênhz shông 1987 nhoz jos Thẳm, xã Tông Lạnh, huyện Thuận Châu, tỉnh Sơn La muôx lênhv nriêr zok ntês cxov lơưr chiz coaz cảnh sát qênhz yuôx Công an huyện Thuận Châu li Cuiz tênhv số 01 hnuz xiêz 10/7/2023 lok muôv muôs zax zênhz, cui tênhv ntơưv grê 251 Bộ chei hình sự. Nhiv no chiz coaz cảnh sát qênhz yuôx Công an huyện Thuận Châu tsênhv tror uô tiêr ntâuz ntơưr chiê yưr lir lênhx nênhs no trơưk pháp luật li cui tênhv./.

(VOVTB-Txâur Vax cxeik nhênhv)