Muôx tsi txâuk cưk kriê ntơưr cux tsênhv muôx nhoz ntâu qơư ntơưv Sơn La. Ntu no, tỉnh Sơn La tsênhv yuôr zuôr xar 3 cxênhz lênhx cưk kriê ntơưr thiêz thiêx txâuk, taz sik cux tsik zôngx ziv xeir zuôr tâu, muôx têx qơư tưz tsi muôx nênhs đas cir, lar heik zos cưk kriê cxênhx iz, cxênhx nhuôs zâu. Qir tiv chênhr zos viv nhiêx hli tsơưs, uô hâux lưv ntâu, thiêz iz cxiê phiv liv hâur zoz qơưx, tsưr ziv kriê, cơưv trâu tsaz yênhx phưv thôngz yiêz....uô muôx tsi txâuk cưk kriê ntơưr. Đros trâu têx li heik co zos iz cxiê lênhx cưk kriê so hâux lưv, hlôngr đuô nuv uô. Chiê khưx phưx têx muôx tsi txâuk cưk kriê, zơưv Nguyễn Huy Hoàng, Giám đốc Sở zoz zux tỉnh Sơn La heik pâuz: “Ngênhx zoz zux đros cxuô huyện, TP cux zuôr cxiz sei six hơưv xeir zuôr cưk kriê ntơưr trơưk tsưr ziv choz. Ho lok sâuv iz cxiê luz tsêr cơưv, iz cxiê thax tsav muôx tsi txâuk cưk kriê ntơưr mak zuôr tso nzir cưk kriê muk paz chiê uô tâu jông luôs hâux lưv kriê txux chi. Iz chas ntơư, muôx tsưr ziv cxiz hlôngr yiêz sôr, uô lơưr công nghệ hâur uô lơưr tsaz yênhx zoz zux, đhâu ntơư zuôr kriê tâu têx txux chi txos trâu shux xênhz txix cơưv đhâu sâuv mạng xã hội”./.

Trấn Long-Riê Lâux cxeik, nhênhv

         Xav txix hâur chêix ntux sor txos trâu nhiv no, hâur iz hnuz tưz muôx chôngz lênhx hluôk chêix tsar yêz tos yêz trâus saz chox tuôx chơưv kho trâu tsêr kho moz đa khoa tỉnh Laox Cai. Đhâu nênhx y tế tỉnh Laox Cai thôngz sâu, txix hâur shôngk shông txos trâu nhiv no, sâuv thax tsav muôx 600 ntâu lênhx shuv xênhz trâus tos yêz thiêz trâus saz. Đros ntơư cux muôx 10 ntâu lênhx pôngz đêx trâus tuôs hâur hli 5 hli 6.

         Chiê txo grêk tsơưs têx tsik jông hêik sâu hâur chêix ntux sor, cxuô ngênhx muôx vax huôv, cxuô tsênhv qơư nhoz Lào Cai tưz kriz ntâu qơư uô si muôx liv tsês trâu shuv xênhz, cov sđ muôx luz nênhx shir phaz lul hâur chêix ntux sor shông 2023./.

Tsu cxêik nhênhv-An Kiên-Lan BT

         Công an huyện Sìn Hồ, tỉnh Lai Châu hux jos đros Công an huyện Lục Nam, tỉnh Bắc Giang nhiv kruôr chơưv tâu iz lênhx nxeik muôx 15 shông trâul zuôv uô hâux lưv taz kruô ntơưv iz qơư hu gâux. Lênhx nxeik co xênhz shông 2008, muk uô hâux lưv trâu Hà Nội, taz sik trâul lơưr tuôr tsês, cơư hâur iz qar tsêr chiê chox muk uô hâux lưv ntơưv qơư hu gâux. Đhâu thâuv xav tinhv tâuk tus nxeik co li qơư nhoz, Công an xã Pu Sam Cáp tưz heik trâu hâu nov Công an huyện Sìn Hồ thiêz thav đros công an huyện Lục Nam sik đros xav jênhv, zok nriêr thiêz txos hnuz 14/8 tưz zok nriêr, chơưv paz tâu lênhx nxeik co ntơưv thị trấn Đồi Ngô, huyện Lục Nam, tỉnh Bắc Giang. Đhâu têx li co, Công an tỉnh Lai Châu heik, tsôngv pêx xênhv sơưr đơưk tsuv moz siêz seiz shuôs têx tuz nhuôs tsi chiê muk trâu uz trâu no zok nriêr hâux lưv uô, njênhs luôs lưv tus hâuz nziêk. Tsi so zok nriêr, seiz, mnôngs lưv lươngv muôx vax huôv têx lul fuô kriê lok nênhs fêv tsưr ziv nziêk đas, chiê gra siêz txux chi, tsưr ziv jênhv pâuz chiê por hưv, paz max chor nênhs cxênhz jê tsi trâul nênhs fêv đas nziêk li uz li no. Uô ntêx co, hâur hlik hli no, công an tỉnh Lai Châu cux tưz sik hux jos đros chơưv paz tâu 2 lênhx nênhs trâul nênhs fêv đas nziêk li heik sâuv thiêz./.

Khắc Kiên-Riê Lâux cxeik, nhênhv

          Hâur hnuz nhôngs nhiv kruôr đhâu tsik ntêr no, ntơưv thax tsav jos Chiềng Khương, xã Chiềng Khương, huyện Sông Mã, tỉnh Sơn La, Công an thành phố Sơn La tưz đros têx cơ quan muôx vax huôv ntêk cxov tâu 2 lênhx nênhs zuôr muôs zax zênhz. Ntơư zos zơưv Lò Văn Thanh, xênhz zus shông 1991;  Lò Văn Khải, xênhz shông zus 2000,  puôr lênhx nhoz uô cê ntơưv jos Búa, xã Chiềng Khương, huyện Sông Mã (Sơn La). zơưv Lò Văn Thanh thiêz Lò Văn Khải, công an tưz muôx ntâuz ntơưv ntêk cxov đhâu ntêr lok, taz sik txos nhiv no thiêx ntêk cxov tâu, zuôr muôs zax zênhz.

        Nhiv no, cơ quan muôx vax huôv tsênhv taz tov qênhz yuôx uô cov tsênhz mênhx chiê muôz oz lênhx nênhs fêv hêik sâu tik cêr cxâuv cov zos đrêiv chêi têz qơưs tso tơưv./.                       

Tsu cxêik nhênhv-CTV-Lan BT