Hâur tas nro 201 ziv chuôz zis uô nênhx nhoz hâur thax tsav zôngx ziv trâus ntux têz ruôr hiêv txos tsuv txar qơư nhoz hâur shông 2023 ntơưv Lào Cai, txos tas hnuz 30/6 nhiv kruôr txar tâu 7 ziv chuôz zis, tsênhv yuôr 194 ziv. Chor ziv chuôz zis tsuv tâu txar qơư nhoz sêi đrơưv zos ntơưv têx huyện: Bảo Yên, Bát Xát, Văn Bàn, Mường Khương, thị xar Sa Pa thiêz thành phố Lào Cai. Zơưv Đỗ Văn Duy, Giám đốc Sở Kôngz nuv thiêz, Huôv tsar jêx jok, tox siêz puz pâuz:

“Nhiv no chor dưv anr kho đuô qơư nhoz trâu pêx xênhv puôr lênhx tsuv uô txix phênhv yưv pênhr côngz , hok no puôr lênhx zos chor dưv anr tsuv kriz uô sêi, zos yưv pênhr côngz muôx têx dưv anr uô txos 2-3 shông mak cux phiv liv lok six ntâu”./.

An Kiên-Lik Thox cxêik nhênhv

Tiv coz nas chuô lox sôr 1 uô ruôr hiêv txos, zar hnuz kêix 18/7, ntơưv iz cxiê suôv qơư nhoz Yên Bái tưz lok nas đros chuô. Txix têx heik pâuz zuôr lok nas lox, ntơưv qơư tưz thiêz tsênhv fuô uô têx faz tsưr ziv phax tir thêir. Ntơưv huyện Lục Yên, đhâu thôngz sâu muôx zuôr xar 900 chuôz zis pêx xênhv muôx têx zuôr trâul ntux uô ruôr hiêv, hâur co 250 chuôz zis muôx têx trâul đêx nas ngaz, cuôr yôngz; 600 ntâu chuôz zis zôngx ziv trâul xưz poz. Txix têx li heik co, huyện tưz chox kriê cxuô xã, thị trấn bax tsưr ziv phax tir thêir, lar heik zos ntơưv têx jok muôx ntâu chuôz zis pêx xênhv zôngx ziv trâul uô ruôr hiêv tiv nas chuô. Pos Nông Thu Hà, Phưv Chủ tịch Ủy ban huyện Lục Yên, tỉnh Yên Bái heik pâuz:

“Ban seiz car phax tar ntux uô ruôr hiêv-zok nriêr chơưv paz lênhx nênhs txix cấp huyện txos xã tso nênhs nhoz trơưr ntơưv qơư hâur niêx hnuz hmo. Huyện cux chox kriê têx cơ quan lês car uô đreiv têx nuv sâuv sox seiz njôngr ntux li txơưr txar, bax lênhx nênhs, chuôz zênhx uz no chiê uô hâux lưv chơưv paz thiêz khưx phưx têx tsi jông đhâu nas chuô uô hiêv, taz por yêz muk lol thôngz….”./.

Thừa Xuân-Riê Lâux cxeik nhênhv

Lơưr thik tưr cơưv tiêr ntơưr cxênhx pêz shông 2023, tỉnh Sơn La muôx 10.995/11.030 lênhx shux xênhz thik tưr tâu, muôx 99,68%.

Tas nro tỉnh muôx 37/55 tsêr cơưv muôx chor shux xênhz thik tưr tâu zos 100%. Shux xênhz chor điểm tas nro chor môn thik xav luz đraz zos 6,11 điểm, grêk 0,027 điểm pir li shông 2022 thiêz sơưr tiv 57/63 tỉnh, thành phố, grêk 6 thênhv pir li shông 2022.

Zơưv Lê Tiến Quân, Phưv Giám đốc Sở Zoz zux tỉnh Sơn La puz pâuz: Lơưr tsưr ziv, uô ntêx hnuz 20/7, Sở zuôr uô tiêr ntâuz ntơưr njuôk xav thik tưr tâu cơưv tiêr ntơưr cxênhx pêz trâu chor shux xênhz:

“Đhâu ciês thâuv pâuz thik tưr tâu đhâu nriêr pâuz sâuv Bôv Zoz zux li phần mềm, shux xênhz zuôr uô tâu ntâuz ntơưr hêik cov sêiz shuôk đuô điểm thik tưr lơưr Bôv Zo zux têx ntâuz ntơưr, têx ntơưr no zuôr xa trâu têx qơư thik tưr ntơưv chor tsêr cơưv, chor qơư thik hâur shông 2023, six hơưv zos xav txix hnuz pâuz tâu têx điểm thik txos uô ntêx hnuz 27/7/2023”./.

Trấn Long-Lik Thox cxêik nhênhv

Zơưv Nguyễn Văn Đoạt, Giám đốc Sở zoz zux tỉnh Điện Biên heik pâuz: Chor shux xênhz hâur thax tsav tưr thik tiêr ntơưr lớp 12 shông no tax 99% ntâu, tsar ndê 0,27% pir li shông uô ntêx. Tsênhv tsênhz, jiês thik cơưv tiêr ntơưr lớp 12 shông no, tỉnh Điện Biên muôx zuôr xar 6.100 lênhx shux xênhz thik côngk nhav cơưv tiêr ntơưr lớp 12 mak muôx 6 cxênhz ntâu lênhx tâu côngk nhav li heik sâuv; hâur co muôx 17 lênhx shux xênhz zos chor cơưv tas ntơưr hâur têx shông uô ntêx, yuôr đuô li zos chor shux xênhz lớp 12 hâur cxuô luz tsêr cơưv sâuv thax tsav.

Ntâu tsêr cơưv muôx 100% shux xênhz tưr thik tâu ntơưr lớp 12, tsi tiêk zos têx tsêr cơưv nhoz qơư kis, zôngx ziv muk lol, tsênhv muôx ntâu tsêr cơưv tox siêz txov nhêv li: Cxênhx 3 Mường Chà, Búng Lao, Mường Luân, Mùn Chung, Tả Sìn Thàng, tsêr cơưv phổ thông dân tộc nội trú Mường Nhé, Phổ thông dân tộc nội trú Nậm Pồ….hur si./.

Vũ Lợi-Riê Lâux cxeik nhênhv