Thâuv 5 six ntâu zuôr tsâuk ntux hnuz 19/3, sâuv thax tsav iz cxiê xar nhoz huyện Điện Biên thiêz thax tsav thành phố Điện Biên Phủ (Tỉnh Điện Biên) muôx jiês ntux lok nas chuô đros lơưs lox. Nhiv no tsênhv thôngz sâu tsik tâu tiêr têx trâus hiêv, taz sik jiês ntux nas chuô đros lơưs no tưz uô iz cxiê luz tsêr trâus puôk tsuôx, ntâu tsoz ntông trâus lor vâu; iz cxiê thax tsav chos blêx, jâuz tâuv trâus puôk tsuôx. Ntux nas chuôz cux uô đêx ngaz iz cxiê ntu cêr ntơưv thành phố Điện Biên Phủ, uô phiv liv trâu têx yêz muk lok. No zos jiês ntux lok nas lox tiv oz sâuv thax tsav thành phố Điện Biên Phủ hâur 1 hli đhâu. Ban Sêiz car phax tar ntux têz ruôr hiêv thiêz zok nriêr chơưv paz tỉnh Điện Biên tsênhv sik côngv đros cơ quan muôx vax huôv muk xav jênhv, ntâuk gri têx trâus hiêv, thôngx cxix paz trâu pêx xênhv sir jos khưx phưx./.

(Vũ Lợi-Lik Thox cxêik nhênhv)

Qênhx shênhx muôx tsi txâuk suôz jêz cxiv uô têx vax tsêr, uô uz uô no tsênhv uô tsưr yưv pênhr uô nhoz Lai Châu njiz phiv liv thâuv yưv pênhr côngz cxiv uô côngz trênhx tsar ndê gri. Liv zôngv qênhx shênhx no, ntâu doanh nghiệp muôx qơư tsôngz poz jêz hâur thax tsav tưz muôz têx poz jêz jov, yâu uô suôz jêz tsi trơưk chei chiê muôs trâu ciêz đrôngs. Chor suôz jêz li heik co pok taz por tsơưr lươngv, pok jông zôngv chiê cxiv uô têx côngz trênhx lok tsi jông? Zơưv Ngô Xuân Hùng, Phưv Giám đốc Sở đêx ar thiêz tênhx qơư tỉnh Lai Châu heik pâuz: Nhiv no hâur thax tsav muôx 22 qơư tsông poz jêz tâu tso chei krêz uô thiêz tsuôk muôx công ty Lương Việt li iz qơư tsông poz jêz Sùng Chô 2, ntơưv xã Sùng Phài, TP Lai Châutâu tso chei jov têx poz jêz li heik sâuv uô suôz jêz xưz. Yuôr đuô li mak tsi tâu tso chei:

“Lok sâuv doanh nghiệp li txơưx jênhv zos tsuv uô trơưk têx ntâuz ntơưr. Hâur chor ntâuz ntơưr seiz car co zos heik doanh nghiệp uô lơưr jông ntơưr tso chei têx cui tinhv; hâur ntơư têx suôz jêz uô tâu cux trơưk li cui tinhv. Lok sâuv doanh nghiệp tsiv uô têx xiv huv tsi trơưk ntơưr tso chei li tsênhv njiêz zos uô lơưr cui tinhv. Taz sik, tsênhv njiêz no nhiv nor chei xưv bluô tsênhv tsi tâu tsênhz mênhx, chênhr zos li co, uô ntêx pêz zuôr heik têx doanh nghiệp uô trơưk têx ntâuz ntơưr chiê heik trâu cơ quan muôx vax huôv tso chei”./.

Khắc Kiên-Riê Lâux cxeik nhênhv 

Hâur tsưr tsix hnuz hôiv pax txir tuôz ziz Sơn La, ntơưv xar Ngọc Chiến, huyện Mường La, tỉnh Sơn La tưz tsưr tsix ntâu huôx tôngv vênhx huôv, vênhx nghệ jông; tiv zix zos huôx tôngv ndis shuôk chor pax txir tuôz ziz thiêz sêiz shuôk têx hax huv kôngz nuv, vênhx huôv  nhoz 5 huyện Mường La, Bắc Yên, Trạm Tấu thiêz Văn Chấn, Mù Cang Chải. Tsưr tsix jiês hêik pâuz cuêz tênhv côngv jênhv di sản trâu chor ntông muôx hnuz nhôngs txix 300 txos 1.000 shông sâuv thax tsav xar Ngọc Chiến thiêz jiês ciêz tsik tas nhiêx txiêx. Đros muôx chor huôx tôngv vênhx huôv, nrêr pâuz jông. Hnuz hôiv tưz paz muôx cêr lov jêv, shir phaz, zaz zâuv chôngz tsôngv kruô tuôx sêiz shuôk, cxaz chuôz trâu têx vênhx huôv jông cxôngx nzor muôx ntơưv thax tsav qơư, cxêik đuôz ntơưv têx vax pax txir tuôz ziz.. Lò Lưu Ly, txix huyện Sông Mã, tỉnh Sơn La tuôx puz pâuz:

“Tuôx trâu Mường La pov lok six lov jêv shir phaz, pox nhuôs sơưr đơưk txix ntâu qơư cux tuôx ntơưv no chiê uô si. Thâuv tuôx txos ntơưv no tưz tsik zos njiê pov tâu têx qơư jông jav xưz, pox nhuôs nhoz ntơưv no cux lok six sưv jê thiêz”./.

Trấn Long-Lik Thox cxêik nhênhv

Nhiv kruôr đhâu, Bộ trưởng Y tế Đào Hồng Lan đros đoanx côngz xưv tưz muôx jiês uô hâux lưv đros tỉnh Yên Bái. Ntơưv jiês uô hâux lưv, Bí thư Tỉnh ủy Yên Bái Đỗ Đức Duy heik pâuz: Txix hâur six cxiv 2020-2025 txos nhiv no, tỉnh tưz yưv zuôr xar iz cxênhz tyv đeiv hâur tas nro zoz qơưx muôx nhos 1,5 tyv đeiv trâu cxix luôs y tế. Txix co ntâu meir, chuôz zênhx seiz njuôk shuôs, kho moz tâu bax cxix; ntâu kỹ thuật, công nghệ jông tâu uô lơưr hâur seiz njuôk shuôs, kho moz. Cxix luôs y tế dưv phax txix tỉnh txos ntơưv qơư uô tâu jông luôs hâux lưv heik sâuv, têx lênhx cxax cxix cxuô 8 zav yuôx vắc xin phax phôngz moz trâu nhuôs zâu tsi tâu muôx iz shông tax zuôr xar 99%, tỉnh muôx zuôr xar 11 lênhx bác sĩ hâur 10 cxênhz lênhx pêx xênhv…. Txos nhiv no, cxix luôs y tế tỉnh tưz fuô uô tâu jông hâux lưv zok muôz. Ntơưv jiês uô hâux lưv, Bộ trưởng Bộ Y tế Đào Hồng Lan heik mênhx: Đros thiêz gra siêz đas jos trâu pêx xênhv, ngênhx y tế Yên Bái tsuv tror gra siêz tsơưr lươngv, uô jông hâux lưv seiz njuôk shuôs, kho moz, tsoz phưz đas jos trâu tsôngv lax pêx xênhv, taz por côngz fênhx hâur tsoz phưz đas jos thiêz txo grêk tsơưs têx nhiêx seiz njuôk shuôs, kho moz trâu pêx xênhv./.

Trịnh Xuân-Riê Lâux cxeik nhênhv