Hnuz 19/7, Hội đôngx tỉnh Sơn La tưz cơưv jiês tiv 7, Hội đôngx tỉnh khoá 15, chiê seiz shuôs, quyết tinhv ntâu tsênhv njiêz zov chênhr, taz por uô jông têx tsưr ziv, hâux lưv huôv tsar kinh tế-xã hội 6 luz hlik kaz shôngk shông 2023. 6 luz hlik hâur shôngk shông, gri cxuô zav uz no tsar ndê, ntux txơưr txar phiv liv uô tsi jông txos huôv tsar kinh tế-xã hội. Txơưv li ntơư, Đảng bộ, hâu nov ntơưv qơư thiêz tsôngv pêx xênhv cxuô heir nênhs tỉnh Sơn La tưz sik thôngx siêz, siz paz hla đhâu phiv liv, viv li luôs hâux lưv huôv tsar kinh tế-xã hội, txiv ngaz côx phax thiêz cxiv tsa đảng uô tâu jông. Heik ntơưv jiês cơưv, zơưv Nguyễn Thái Hưng, Chủ tịch Hội đôngx tỉnh Sơn La jênhv tinhv:

“Hâur 6 luz hlik kaz shôngk shông, njuôk xav kinh tế-xã hội hâur tỉnh zuôr tror njiz trâul ntâu phiv liv; tas nro cxix luôs chính trị tsuv tror sik thôngx siêz, sir jos lês uô jông têx hâux lưv viv cử tri, tsôngv lax pêx xênhv hâur tỉnh, đros bax thiêz thôngx ziv tso tơưv tsưr ziv đơưk tu, huôv tsar uô truôx hâux lưv muôs têx xiv huv trâu luôs 2 chas thax tsav, têz qơưk đrâuv, cxiz huôv tsar kinh tế-xã hội, sir jos uô tiêr têx luôs hâux lưv tso tơưv hâur shông 2023”./.

(VOVTB-Riê Lâux cxeik, nhênhv)

Tỉnh Lai Châu nhiv no tsênhv sêiz car xar muôx 8.000 ntâuz ntơưr lok nênhs muôx côngz trâu têz qơưk, hâur co muôx zuôr xar 650 lênhx nênhs tsênhv tâu sơưv phênhv paz yênhx hli. Hâur 3 shông đhâu, thax tsav qơư tưz thêv phênhv paz yênhx hli, phênhv paz iz jiês trâu zuôr xar 4.000 lênhx nênhs muôx côngz thiêz chor nênhs cxênhz jê, đros chor nhiêx zos 56 tiv đêiv ntâu; cxiv tsa thiêz kho đuô 34 luz tsêr, đros chor nhiêx muôx 2,7 tiv đêiv ntâu. Đuô li, cxuô cấp ủy Đảng, chinhr quyền, đoanx thêv ntơưv thax tsav qơư cux tsưr tsix chor jiês njuôk, kho moz paz đas jos, sêiz nus khơưk muôz huv, kho đuô têx côngz trinhx ndo côngz chor liệt sĩ… đros chor nhiêx muôs 22 tiv đêiv ntâu. Zơưv Trần Đỗ Công, Phưv giám đốc Sở Lox tôngv, Saz pênhz thiêz Xar hôiv tỉnh Lai Châu puz pâuz:

“Sở tror sik côngv đros têx cơ quan, taz viv, thax tsav qơư sir jos uô phongz yaox tas nro pêx xênhv cxaz chuôz Cuiv ndo txiêx pâux njis; huiz tôngv jông têx pênhr jos xar hôiv hâur côngz xưv tsoz phưz luz nênhx cxuô zav trâu chor nênhs muôx côngz trâu tez qơưk. Thôngx cxix, uô uô cê chor  tsênhv chêi huôv tsar kinh têr-xar hôiv, paz trâu nênhs muôx côngz trâu têz qơưk thiêz chor nênhs cxênhz jê tâu cxaz chuôz cơưv hâux lưv uô, muôx hâux lưv uô, hlôngr yiêz đuô luz nênhx”./.

Khắc Kiên-Lik Thox cxêik nhênhv

Hâur 2 hnuz 14-15/7/2023, Chi cục Chos kôngz lôngk thiêz Por vêv đrox tsuôs tỉnh Sơn La tsưr tsis lớp kriê txux chi, tsưr ziv thiêz yênhx lix tôv cungz dịch vụ hêik pâuz kỹ thuật chos thiêz tu tso tsax njuôz ntơưv huyện Yên Châu. Cxaz chuôz cơưv shâuv muôx 20 lênhx nênhs zos canr bôv Tsênhv qơư dịch vụ kôngz nuv huyện; hlôngr njêx muôs Hôiv Liên hiệp pox niêv, Hôiv Nôngx mênhx thiêz canr bôv kôngz, jôngr nuv 4 xar ntux đriv huyện Yên Châu, zos: Phiêng Khoài, Chiềng On, Chiềng Tương thiêz Lóng Phiêng. No zos chor xar tâu dưv anr “Txo grêk yêiz pluôs thôngz đhâu huôv tsar uô kôngz nuv thiêz thương mại thax tsav ntus đriv Việt Nam-Lào” paz chiê huôv tsar kinh têr-xar hôiv, chos têx zav tsoz chos muôx tsiv gri kinh têr siêz đuô hlôngr trâu chor poz cưk, kok ntông; uô tsưr ziv chos tsoz tsax njuôk sik côngv đros qơư sâu zuôr têx hax huv thâuv sâu tas cov truôx tuk; paz muôx hâux lưv uô thiêz muôx nzir phênhv sâu, hlôngr yiêz luz nênhx trâu pêx xênhv hâur thax tsav uô dưv anr. Ntơưv jiês kruôz kriê, chor nênhs cơưv tưz tâu hêik pâuz lok dưv anr “Txo grek yêiz pluôs thôngz đhâu huôv tsar uô kôngz nuv thiêz thương mại thax tsav ntus đriv Việt Nam-Lào sir zôngv Cuiv sik côngv Mê Công-Lan Thương”; nriêr pâuz lok tsoz tsax njuôz; kriê kỹ thuật chos, tu tsoz tsax njuôz; kỹ thuâk sâu, tsês chiê, uô têx tsax njuôz. Đros co, sơưr đơưk cux tâu kriê têx tsưr ziv phưx vưv trâu côngz xưv hêik pâuz li: sik thav luk, piêr pâuz… Đhâu jiês cơưv, sơưr đơưk tưz pâuz tsênhz đuô lok dưv anr cux li tsoz tsax njuôz-zav tsoz chos yiêz muôx kinh têr siêz đuô; tâu kriê txux chi, kỹ thuật siêz đuô lok tsoz tsax njuôz chiê paz tâu cov sêi, jông đuô trâu pêx xênhv thax tsav uô dưv anr hâur ntu chos, tu thiêz sâu têx hax huv uô tâu./.

Thu Thùy-Riê Lâux cxêik nhênhv-lưu, in đĩa)

Qơư muôs hax huv ntơưv têx qơư tox siêz, đêz đrôngs têx tỉnh Tây Bắc tsik so zos kror zov chênhr hâur pêx xênhv luz nênhx. No tâu xav zos qơư paz trâu chor pox niêv nhoz tox siêz đêz đrôngs huôv tsar kinh têr ntơưv thax tsav qơư. Ntơưv thax tsav tsênhv qơư xar Pa Vệ Sủ, muôx ntâu zav hax huv sir zôngv hâur luz nênhx, txos trâu têx chuôz zênhx, mêir uô kôngz nuv, chuôz zênhx uô nox, puôr lênhx muôx cxix cxuô phưx vưv trâu pêx xênhv ntơưv thax tsav qơư. Đuô li, chor qơư muôs huv no tsênhv muôx pưk txux xa mông, sâu zuôr têx hax huv kôngz jôngr nuv. Pêx xênhv uô têx hax huv zuôr muôs ciês tâu trâu chor qơư muôs huv tiv lơưr muôx yêz thâux xa têx hax huv, lơưr zuôr sơưr sâu zuôr muôs têx hax huv muôx ciês ntơưv thax tsav qơư./.

VOV4-Ly dịch đọc