Hnuz đhâu 20/3, ntơưv TP Điện Biên Phuv, tỉnh Điện Biên, cụm tưr thik 7 tỉnh tox siêz faz Bắc tsưr tsix Phêv ziv ntâuk grê phongz yaox tưr thik, côngz xưv khơưk kruôk shông 2022, đros muôx lênhs tov 7 tỉnh zos Điện Biên, Sơn La, Lai Châu, Lào Cai, Hà Giang, Cao Bằng thiêz Lạng Sơn cxaz chuôz. Pov cov ntơưv phêv ziv, zơưv Lê Thành Đô, Chủ tịch UB tỉnh Điện Biên, tsar cụm tưr thik 7 tỉnh tox siêz faz Bắc puz pâuz: Shông nhiv kruôr đhâu, phongz yaox tưr thik nhiêv têz nhiêv qơư tưz tâu têx tiv phaz hâur cụm krêz uô đêz đar thiêz muôx chêx cuk, reik đros uô cxiv vênhv tôngv “Cơưv shâuv thiêz uô lơưr Hloz Hôx li siêz xar, cêr uô nênhx jông”. Đhâu co, paz uô hlôngr yiêz thiêz muôx cêx cuk sâuv tas nro têx côngz xưv cux xưk li têx vênhv thix hâur luz nênhx xã hội. Tiv zix zos chuôz tsar kinh têr fênhx pheiz têx tỉnh puôr lênhx tax 8% ntâu, 7 tỉnh li tas nro phênhv sâu tax 33 tỷ đeiv ntâu. Têx jênhv vưv huôv tsar kinh têr, vênhx huôv xã hội puôr lênhx tax ntâu chêx cuk coaz tsôngv..../.

Vũ Lợi-Txâur Vax cxeik nhênhv

Zar hnuz kêix 20/3, Tỉnh ủy Sơn La tsưr tsix jiês cơưv ntâuk gri 2 shông kriz uô Nghị quyết Ban chấp hành Đảng bôv tỉnh lok huôv tsar côngv nghiệp uô kôngz nuv ntu 2021-2025, tsưr ziv uô txos shông 2030; Nghị quyết huôv tsar kôngz jôngr nuv thiêz tsiêx đêx tsêx trung, truôx đrênhk, sir zôngv công nghệ siêz txos shông 2025, tsưr ziv txos shông 2030. Zơưv Lò Minh Hùng, Phưv Bí thư thường trực Tỉnh ủy Sơn La puz pâuz, thax tsav qơư zuôr sir jos uô chor dự anr, zaz zâuv yưv pênhr; tror huôv tsar thax tsav chos trâu chor tsêr mêir uô têx hax huv kôngz nuv cov huv đros trâu kror liv nhoz yênhx thax tsav qơư; sêi đrơưv uô cov tiêr, muôz trâu Thủ tướng Chinhr phuv tso tơưv Đề án cxiv tsa Sơn La yênhx Tsênhv qơư uô têx hax huv kôngz nuv nhoz thax tsav Tây Bắc… Lok tsưr ziv tsênhv tsênhz, Sơn La sir jos txos shông 2025, tsiv gri công nghiệp uô hax huv kôngz nuv tâu muôx 6.500 tiv đêiv; zaz zâuv 9 dự anr yưv pênhr uô kôngz nuv; tsiv gri hax huv kôngz nuv cxaz chuôz muôs tơưv saz đrâuv têz qơưk tâu muôx 166.600 USD. Thôngx cxix, cxiv tsa thiêz kriz uô iz kror qơư, 20 thax tsav qơư kôngz nuv sir zôngv công nghệ siêz; muôx 8 thax qơư tror sâur txâuk cxuô kror chiê côngz jênhv zos thax tsav kôngz nuv sir zôngv công nghệ siêz./.

Lê Hạnh-Lik Thox cxêik nhênhv

Zar tar su hnuz 20/3, chuô Ô Quý Hồ- iz zav chuô cuz sor tâu têx chuyên gia sâu jênhv qir pov muôx nhoz Lào Cai, njuôs xav uô cuz tox cuz jôngr siêz. Lơưr Qơư njuôs pov qiv hơưv Sa Pa thâuv 1 six zar tar su, yar ntux cuz sor đros muôx chuô yuôr lơưr saz Tây, lơưr zơưv Lưu Minh Hải, kuz giám đốc Đeix njuôs pov qiv hơưv tỉnh Lào Cai, chuô Ô Quý Hồ khênhr pov muôx hâur têx jiês yar ntux cuz sor. Tiv zix, lok cheix ntux kruôr, njuôs xav uô cuz tox cuz jôngr siêz nhoz têx mênhv chêx jôngr nhoz tox siêz. Njuôs pov, jiês chuô sor no zuôr truz ntêr hâur 3-4 hnuz. Chiz coaz muôx txơưx jênhv heik tsuv chuôz tsar seiz car, chuv tôngv phax tar cuz tox cuz jôngr ntơưv Sa Pa, tiv zix zos thax tsav Vax têz qơưk Hoàng Liên./.

An Kiên-Txâur Vax cxeik nhênhv

Yên Bái zos tỉnh tox siêz, taz sik muôx zuôr xar 200 cêik cêr đêx, đros muôx yênhx puô luz fuôx gox huôx tôngv tsik so, tsik tâu xav txos pêx xênhv chor fuôx gox zâu nhoz pak đêx Thác Bà, trơưk ntus đêx đuz, đêx Chảy tsik zos chor fuôx gox tsuv đăngk cir, đăng kiểm. Taz sik, 10 shông ntâu lok no, ntơưv Yên Bái tsik muôx yưv txuz txiêz nanv zoz thôngz cêr đêx tưs. Iz chas zos qơư khưr uô nox trâu chor nênhs nhoz hâur thax tsav ntus pak đêx thiêz pak đêx Thác Bà cux zos qơư du lịch jông; zos txox cêr đêx zov chênhr chiê têx taz viv, doanh nghiệp thâux xa hax huv hâur kriz uô têx poz jêz đơưz, thâux xa suôz jêz, xi măng. Tix lâus Trần Thanh Tùng, lênhx nênhs tsar fuôx gox thâux xa kruô puz pâuz:

“Lơưr cảnh sát zoz thôngz hêik mak pêz tsik so muk trơưk têx qơư hêik pâuz chiê taz por ngaz tuk trâu pêx xênhv, thâuv muôx huôz tsâuk mak chor fuôx gox tsuv muk lok lis đuô, tok thâuv huôz za tas, ngaz tuk mak mav li tsar fuôx gox muk lok”./.

Thừa Xuân-Lik Thox cxêik nhênhv