Têis cik 20/7, Phưv thủ tướng Trần Hồng Hà đros đoanx côngz xưv kriz uô qênhz yuôx hâux lưv uô dưv anr kho đuô qơư Tsar đrêk yêz za Điện Biên (tỉnh Điện Biên).

Ntơưv jiês qênhz yuôx, Phưv thủ tướng Trần Hồng Hà hêik têx taz viv sir jos uô cov sêi huv zos lơưr Chính phuv tsưr ziv tưz tso tơưv, txos kaz shông no zuôr muôz lok sir zôngv tâu. Uô ntêx zos tax tâu chiê phưx vưv trâu jiês chiv nhênhv 70 shông ntâuk zênhx Điện Biên Phủ, lơưr co zuôr paz thơưz huôv tsar kinh têr trâu thax tsav qơư. Viv hâur 5-10 shông zuôr txos, thâux xa txix yêz za zuôr zos kror sơưr thơưx hlo, tiv zix zos đrros thiêz Điện Biên zuôr zos kror xuz thơưx chiê chox tâu têx hax huv, kôngz nuv muk trâu têx qơư txơưr hâur têz qơưk thiêz saz đrâuv têz qơưk.

Phưv thủ tướng cux hêik têx taz viv sir jos uô taz sik uô txos tưs mak tsuv khor truôx jông txos co, tsuv uô cov ntov jông, viv no zos têx côngz trinhx cik txos lênhx nênhs txox siêz, Têz qơưk. Tiv zix tsuv njuôk xav jông đuô txos hâux lưv tso đêx ntưk muk cov huv zos, njuôk xav jông txos đêx ngaz cuôr tiv qiv hơưv txơưr txar hâur ntu zuôr txos, lok nas lox mak đêx zuôr muôx ntâu ntưk lok trâu hâur thax tsav vuôk har no./.

Vũ Lợi-Lik Thox cxêik nhênhv

Đros chinhz yênhx txơưx jênhv siêz, tas cik hnuz 20/7, jiês khiêz phêv tiv 7, HĐ tỉnh Sơn La khóa 15, six cxiv 2021-2026 tưz uô tiêr têx njiêz luv tsaz yênhx tso tơưv thiêz yênhx côngz jông. Phuôx plov suôv câuv jiês khiêz phêv, đ/c Nguyễn Thái Hưng heik mênhx: Txix têx zoz qơưx ziv hnuz ziv siêz hâur jiês hlôngr yiêz, cxiv tsa thiêz huôv tsar tỉnh Sơn La huôv tsar sei, truôx vênhs, yênhx tsênhv qơư huôv tsar kôngz nuv zôngv công nghệ siêz nhoz thax tsav Tây Bắc, HĐ tỉnh heik têx tsưr tsix, lênhx nênhs, tiv zix zos nênhs sơưr thơưx phưv txơưx têx vênhv thix, têx nganhx, tiv phaz, chiz coaz, taz viv tsuv uô jông ntâuk grê, zuôr chênhz zênhv thiêz muôx tsưr ziv sei khưx phưx têx tsi tâu uô tâu tưz heik tơưv./.

(Báo Sơn La-Txâur Vax cxeik nhênhv)

Têis cik 20/7, Tỉnh đoàn Yên Bái sik côngv đros Pov chir Tiền Phong thiêz iz cxiê qơư siêz jông tưz tsưr tsix tsaz yênhx khơưk muôz huv trâu chor nênhs lâul zos Hluôk nênhs uô ntêx hlo thâuv ntêx nhoz Yên Bái ndaz ndơưv chiv nhênhv 73 shông hnuz cxôngx nzor lưx lươngv Hluôk nênhs uô ntêx hlo (15/7/1950-15/7/2023) thiêz 76 shông hnuz Saz pênhz Liệt sĩ (27/7/1947-27/7/2023).

Zơưv Lê Xuân Sơn – Tổng Biên tập Pov chir Tiền Phong hêik ndo njôngr txos chor nênhs lâul zos hluôk nênhs uô ntêx hlo thâuv ntêx li têx gôngr côngv thiêz trâus pôngz siêz lox hâur côngz xưv tsav txênhz, por vêv thiêz cxiv tsa têz qơưk. 20 ntâu shông đhâu, Pov chir Tiền Phong tsik so muôx chor huôx tôngv ndo txiêx pâux njis, phêiz kênh đros chor hluôk nênhs uô ntêx hlo thâuv ntêx muôx luz nênhx txov nhêv. Txos tsiêz thiêz chor lưx lươngv têx hnuz ntênhk cxôngx nzor, pov chir huiz tôngv pênhr jos đros trau têx taz viv tsưr tsix huôx tôngv sik njiz, seiz nus thiêz khơưk muôz huv trâu chor nênhs lâul zos hluôk nênhs uô ntêx hlo thâuv ntêx.

Ndaz ndơưv jiês no, Ban tsưr tsix tưz khơưk muôz 50 kror hax huv, iz kror tsiv gri 500 cxênhz đêiv thiêz cuô mik trâu chor nênhs lâul zos hluôk nênhs uô ntêx hlo thâuv ntêx sâuv thax tsav tỉnh Yên Bái./.

Báo Yên Bái-Lik Thox cxêik nhênhv

Lơưr Ban kinh tế nhiêx txiêx- Hội đồng tỉnh Lào Cai li chêx cuk seiz car nhiv kruôr đhâu, hâur 800 ntâu côngz tsinhx cungz đêx xênhz huôx chêx chôngk tâu têz qơưk yưv pênhr trâu nôngx cxênhz, tsuôk muôx muôx nhos 200 côngz tsinhx huôx tôngv truôx, chor tsênhv yuôr zos 150 ntâu côngz tsinhx tsi huôx tôngv thiêz 460 côngz tsinhx huôx tôngv tsi truôx tul.

Heik lok hâux lưv no, zơưv Đỗ Văn Duy, giám đốc Sở kôngz nuv thiêz huôv tsar nôngx cxênhz tỉnh Lào Cai puz pâuz, têx côngz tsinhx đêx xênhz huôx nôngx cxênhz huôx tôngv muôx chêx cuk phênhv ntâu zos nganhx kôngz nuv yưv pênhr, chor tsênhv yuôr zos têx tiv phaz chiv chir uô. Viv li, zuôr trâus muôx njuôs xav tsênhz mênhx thiêz ntu yưv pênhr tsuv thor nganhx chuyên môn li ziv chênhv, xav tênhv tsênhz mênhx hâur đêx, uô uô cê cxuô luôk hâux lưv:

“Tiv 1, pêz thix ziv UB tỉnh choz siv trâu taz viv sự nghiệp, choz trâu doanh nghiệp seiz car. Tiv 2 zos vênhv thix sâu nhiêx txiêx sir zôngv đêx, viv sâu nhiêx txiêx thiêx muôx pênhr tror yưv uô thiêz taz por côngz fênhx hâur sir zôngv, tsênhz mênhx têx côngz tsinhx sâu nhiêx txiêx mak taz por jông. Tiv 3 hâur ntu zuôr txos, Sở kôngz nuv zuôr heik UB tỉnh seiz shuôk têx chính sách zaz zâuv têx tsưr tsix muôx txâuk pênhr xưv seiz car, yưv pênhr, tsov cưv têx doanh nghiệp, HTX cxaz chuôz yưv pênhr kho đuô, muôz siêz thiêz seiz car côngz tsinhx cungz đêx xênhz huôx tsênhv huôx tôngv tsi muôx chêx cuk”./.

(VOVTB-Txâur Vax cxeik nhênhv)