Hội đồng tỉnh Lai Châu khóa 15, six cxiv 2021-2026 tưz tsưr tsix jiês khiêz phêv tiv 15 chiê thôngz đhâu 5 Nghị quyết hlôngr yiêz chủ trương yưv pênhr têx dự án nhoz tsaz yênhx hôx phưx thiêz huôv tsar KTXH sir zôngv pênhr txix nhiêx txiêx Trung ương. Phuôx plov ntơưv jiês khiêz phêv, pos Zax Páo Mỷ, Ủy viên TW Đảng, Bí thư tỉnh ủy, Chủ tịch HĐ tỉnh heik mênhx: No zos jiês cơưv HĐ tỉnh chiê hlôngr yiêz tsưr ziv yưv pênhr têx dự án nhoz tsaz yênhx hôx phưx thiêz huôv tsar KTXH huv đros têx phêv liv lok ar têz, cxơưz tiês yưv pênhr, muôz pênhr côngz, tiv zix zos têx dự án coaz tsôngv, têx dự án nhoz tsaz yênhx têz qơưk li qơư tsov txos ntu 2021-2025./.

(Khắc Kiên-Txâur Vax cxeik nhênhv

        Yar ntux cuz sor, kruôr gis tưz uô phiv liv tsik tsơưs txos pêx xênhv nhoz tỉnh tox siêz Sơn La li uô nox. Chiê tir tar ntux kruôr gis, pêx xênhv tưz kho đuô six hơưv khưr uô nox, hlôngr đuô tsưr ziv chos kôngz lôngk, tu zus têx tsiêx cxu. Lơưr pos Bạc Cầm Thị Xiêng, Trưởng phòng kôngz nuv thiêz Huôv tsar jêx jok huyện Phù Yên, Sơn La, txix hâur shôngk shông txos nhiv no, sâuv thax tsav muôx ntux lok nas tsơưs, yar ntux cuz sor truz ntêr hnuz, đêx muôx tsơưs. Hâur 2.100 ntâu héc ta blêx liêx sâuv tas nro huyện, muôx 72 héc ta zuôr trâus kruôr, hâur co 2 héc ta zuôr khưx phưx tsik tâu.

        Hok ntơưv tỉnh Điện Biên, pak đêx Pá Khoang, zos côngz trinhx đêx liv cungz đêx phưx vưv trâu chor côngz trinhx đêx tênhv nhoz zar kaz đêx thiêz uô kôngz nuv trâu zuôr xar 10.000 héc ta blêx liêx 2 chiv nhoz đrak liêx Mường Thanh. Taz sik hâur têx hnuz đhâu, tiv yar ntux cuz sor truz ntêr, đêx hâur pak đêx Pá Khoang grêk kik, zuôr muôx tsik txâuk đêx zos qênhx shênhx yar ntux cuz sor tror truz ntêr nzir hâur têx hnuz zuôr txos./.

TTTB-Lik Thox cxêik nhênhv

         Phongz yaox tưr thik “dân vận txơưx” cxiv tsa trâur nuv “dân vận txơưx” nhoz Yên Bái tâu krêz uô đêz đar, zaz zâuv chôngz têx cxênhx nênhs sik đros cxaz chuôz. Têx trâur nuv, lênhx nênhs uô tâu jông gôngr phênhv chuôz cxaz xã hội li thôngx ziv, tôngv vênhx, sik côngv siêz têx cxênhx nênhs tsôngv box cxaz chuôz huôv tsar KTXH, taz por côx phax txiv ngaz, cxiv tsa cxix luôk chính trị. Hâur vênhv thix huôv tsar kinh têr, tỉnh tưz cxiv tsa tâu zuôr xar 1 cxênhz 600 trâur nuv “dân vận txơưx”, paz ntâu hâur tsiv uô, muôv muôs, hlôngr yiêz tsoz chos, tsiêx tu zus, chos ntông nox txir, tu zus tsiêx cxu, shuôz njês, huôv tsar công nghiệp mê, jix vuv...

         Txix no txos shông 2025, Yên Bái sir jos 100% chiz coaz têz qơưk, taz viv công lập muôx tsơưs tiv zix 1 trâur nuv “dân vận txơưx”. Têx trâur nuv “dân vận txơưx” tâu seiz car, ntâuk grê, zuôr chênhz zênhv chiê krêz uô đêz đar./.

(DTMN-Txâur Vax cxeik nhênhv

         Bôv đôiv Pênhz phax Lào Cai tưz tsưr tsix yax kriê hêik pâuz cêr chêi têz qơưk ntơưv ntâu thax tsav qơư nhoz ntus đriv, paz gra siêz đuô txux chi lok cêr chêi têz qơưk, tiv zix zos siz zuôr nzor, siz zuôr cxênhx jê trâu yênhx puô lênhx tsôngv box cxuô mênhx cxưx tsơưs nênhs nhoz tox siêz.

         Jiês yax kriê no muôx tsiv gri lox trâu pêx xênhv thiêz chor shux xênhz sâuv thax tsav, viv shux xênhz tsênhv bax zuôr so sor; chor shux xênhz lớp 9 bax ndê trâu cxênhx pêz thiêz muk cơưv hâux lưv uô. No zos ntu tsik so muôx yưv siz zuôr nzor nhoz chor shux xênhz cơưv cxênhx oz thâuv lok so sor. Lơưr Thượng tá Nguyễn Ngọc Anh, Phưv Chủ nhiệm Chinhr triv Bôv đôiv Pênhz phax tỉnh Lào Cai, hâux lưv gra siêz txux chi trâu tsôngv box thiêz shux xênhz lok phax, tar siz zuôr nzor, siz zuôr cxênhz jê, tiv zix zos thax tsav têx xar tox siêz, nhoz đêz, ntus đriv, thax tsav txov nhêv tiv zix zos iz hâur têx tsưr ziv jông paz txo grêk tsơưs qênhx shênhx siz zuôr nzor thiêz siz zuôr cxênhz jê hâur tsôngv box mênhx cxưx tsơưs nênhs sâuv thax tsav./.

DTMN-Lik Thox cxêik nhênhv