Thành phố Sơn La, tỉnh Sơn La têx hnuz no lok six jông jav tiv muôx chor pax Giấy tơưs lok six jông gâux. Chor pax no tâu chôngz lênhx nênhs nhiêv sêiz.

Jông tiv zix ntơưv thành phố Sơn La zos chor pax Giấy tơưs têx tâur lox muôx hnuz nhôngs 10 ntâu shông ntơưv tsêr cơưv nhuôs zâu Lò Văn Giá. Têx hnuz đhâu, lok six chôngz pêx xênhv thiêz tsôngv kruô tưz tuôx sêiz shuôk thiêz cxêik đuôz.

Ntơưv no, chor pax tơưs trơưk faz nja tsêr cơưv ntơưr siêz muôx yênhx châuv thiêr; chor pax tơưs ntâu zav pax li: đơưz, xiêr, liêz, đax tas nro iz ndis tas nro chor qar cơưv ntơưr luz tsêr 3 yôngx. Cưk kriê ntơưr Khúc Thị Loan, nênhs seiez xar tsêr cơưv nhuôs zâu Lò Văn Giá puz pâuz, chor pax no jênhs tas mak muôx iz hli tov kaz ho tror tơưs đuô iz chor pax yiêz.

“Chiê muôx tâu chor pax jông gâux xưk li nhiv no, pêz tưz uô jông côngz xưv tsoz phưz. Yênhx hnuz, chor cưk kriê ntơưr thiêz nhân viên por  vêv cxaz chuôz tsoz phưz, por vêv trâu chor pax no. Chor pax no mak muôx pok viv li chiê por vêv trâu chor nhuôs tuôx cơưv ntơưr ntơưv tsêr cơưv, pêz tưz sir jos tu chiê tsik uô phiv liv txos chor nhuôs li huôx tôngv thiêz cơưv shâuv ntơưv tsêr cơưv”./.

Trấn Long-Lik Thox cxêik nhênhv

Tsaz yênhx “Tsêr sor siêz jông, nox nhoz xã hôiv” tỉnh Điện Biên tâu Chủ tịch têz qơưk phuôx tôngv lok đraz hli 5/2022 hâur jiês uô tiêr Tsêr txi côngv liệt sĩ ntơưv qơư tsav txênhz Điện Biên Phuv, tỉnh Điện Biên. Xav txix ntu phuôx tôngv txos tas shông 2022, tưz muôx zuôr xar 1 cxênhz 200 luz tsêr tâu paz txưv uô yiêz, kho đuô thiêz uô tiêr choz trâu têx ziv chuôz zis lok nhoz, chêx chôngk nhoz têx huyện txov nhêv li: Tủa Chùa, Tuần Giáo, Mường Ảng, Điện Biên, Mường Chà, Nậm Pồ, thị xã Mường Lay....Taz sik zos tỉnh tox siêz, ntus đriv, 80 % ntâu zos tsôngv box mênhx cxưx tsơưs nênhs, KTXH txov nhêv đros 47 cxênhz ntâu ziv chuôz zis pluôs, viv li nhiv no, Điện Biên tsênhv muôx 4 cxênhz 100 ntâu ziv chuôz zis pluôs tsênhv nhoz hâur têx luz tsêr lav uô lav nhoz, tsêr xơư nas tsuv tâu paz txưv lok tsêr nhoz, tsôngv box têx thax tsav tsôngv box tox siêz ntus đriv luz nênhx tsênhv txov nhêv, xar njôngr tâu paz txưv lok tsưr ziv huôv tsar cêr uô nox, paz muôx phênhv sâu ngaz tul đuô./.

(Vũ Lợi-Txâur Vax cxeik nhênhv)

Shông 2023, tỉnh Lào Cai njuôk xav zuôr chox tâu 230 ziv chuôz zis txar đhâu têx thax tsav phiv liv, thax tsav txov nhêv tiv zix, đros tas nro chor nhiêx txiêx paz muôx 13 tiv đêiv ntâu. hâur chor ziv chuôz zis njuôk xav no, phênhv ntâu zos nhoz hâur thax tsav trâus ntux têz ruôr hiêv, yuôr xar muôx 30 ziv chuôz zis nhoz trâu thax tsav ntus đriv thiêz thax tsav txov nhêv tiv zix. Chor chuôz zis no zuôr tâu txar qơưk nhoz trơưk 3 tsưr ziv zos chiê nhoz siz shơư, nhoz tsêx trung thiêz nhoz truôx ntơưv lơưr qơư nhoz. Phênhv paz txix 15-60 triệu đêiv iz ziv chuôz zis. Hâur shông 2023, tỉnh Lào Cai cux tsênhx trung kriz uô yưv pênhr uô cxuô zav, kho đuô qơư nhoz, hâur co kriz uô 4 dự anr kho đuô pêx xênhvnhoz tsêx trung, tax tâu kho đuô qơư nhoz trâu zuôr xar 200 ziv chuôz zis. Zơưv Tạ Công Huy, Phưv Giám đốc Sở kôngz nuv thiêz Huôv tsar jêx jok tox siêz tỉnh Lào Cai puzpâuz”

“Yênhx shông, pêz puôr lênhx hêik tẩu Ủy ban tỉnh pâuz tso tơưv Chỉ thị, Tsưr ziv phax tar ntux têz ruôr hiêv chiê kriz uô trơưk. Txơưv tiêk li cux tsênhv yuôr iz cxiê kror phiv liv tiv pox nhuôs tsik nhoz uô cê ntơưv têx qơư muôx thax tsav tox trôngz siêz, qiv hơưv phiv liv, viv li tsuv uô jông côngz xưv yax kriê chiê taz por phax tar tâu jông ntux têz ruôr hiêv sâuv thax tsav”./.

An Kiên-Lik Thox cxêik nhênhv

Nhiv kruôr jê lok no, têx lưx lươngv Công an tỉnh Lai Châu tưz ruôr yênhx côngz chuyên án số 0323B; ntês tâu 12 lênhx nênhs tưr nhiêx đhâu tsưr ziv sâu số lô, sâu đề đros chor nhiêx txiêx ndê txos yênhx puôk tsov đeiv. Têx lênhx nênhs co muôx Vũ Công Chính, xênhz shông 1982; Nguyễn Trung Tính xênhz shông 1988, Phí Văn Cường, xênhz shông 1976, Vũ Hữu Hà xênhz shông 1974, Hà Văn Chức xênhz shông 1980, Nguyễn Xuân Ba xênhz shông 1979; NGuyễn Duy Hoan xênhz shông 1986; Tao Văn Thòn xênhz shông 1988 (puôr lênhx nhoz huyện Sìn Hồ); Lê Đăng Sơn xênhz shông 1989; Phạm Cát Lâm xênhz shông 1985 (nhoz TP Lai Châu) thiêz Lý A Sơ xênhz shông 1983, Phùng Đức Dũng xênhz shông 1986 nhoz huyện Phong Thổ, Lai Châu. Nhiv no txuz án tsênhv tror tâu têx taz viv Công an tỉnh Lai Châu sik côngv krêz đar qênhz yuôx./.

(K.Kiên-Lan dịch đọc)