Têx coz nas chuô lox lok txix hâur shôngk shông txos nhiv no, lar heik zos hâur hli 8 nhiv kruôr đhâu tưz uô ruôr hiêv tas ntâu têx côngz trênhx cêr muk lol hâur tỉnh Sơn La, muôx 6 cxênhz ntâu ntu cêr trâul xưz poz, njuôk xav têx trâul ruôr hiêv tas muôx 68 tyv đeiv. Pir li shông uô ntêx, têx cêr lox trâul ruôr hiêv ntâu đuô, njuôk xav tas zuôr xar 30 tyv đeiv, yuôr đuô li zos têx cêr muk lol hâur tỉnh thiêz cêr jêx jok. Zơưv Nguyễn Văn Chính, Phưv Giám đốc Sở Zoz thôngz tỉnh Sơn La heik pâuz: “Nhiv no, 60% têx côngz trênhx tưz tâu khưx phưx, ngênhx zoz thôngz tsênhv tror tso têx meir câuk ar, yêz uz no muk cxiv kho têx ntu cêr trâul puôk tsuôx,, tsi jông chiê taz por yêz muk lol tâu thôngz, cux iz zav li kho têx côngz trênhx sâuv cxuô txox cêr, chiê taz por yêz zôngx ziv muk lol muk tâu đhâu....”./.

Lê Hạnh-Riê Lâux cxeik, nhênhv

            Lok nas lox  thâuv hmo ntux thiêz têis cik sơưr nzor 21/9 ntơưv xar Bản Cầm, huyện Bảo Thắng, tinhr Lào Cai, uô ruôr hiêv txos ntâu zav. Lok nas lox uô đêx ngaz cuôr ntơưv ntâu qơư, ruôr hiêv txos pêx xênhv têx blêx, jâuz tâuv, pak njêl thiê qơư tu zus kêiz ol. Đêx ntưk txix pêv hâur lok uô muôx đêx ngaz cuôr, ar poz lok cxuz uô puôk tsuôx oz luz tsêr, vâu faz nja thiêz cuô ar, đêx ntưk lok hâur qơư cơưv ntơưr tsêr cơưv cxênhx oz Bản Cầm. Têx râus hiêv xuz thơưx tiv ntux nas chuô xar muôx 1 tiv đêiv. Njuôk xav zuôr tror muôx lok nas lox ntơưv Lào Cai hâur oz pêz hnuz zuôr txos./.

An Kiên-Lik Thox cxêik nhênhv

             Đhâu iz ntuk tsi pov muôx moz ơưk buô châu Phi huôv xênhz, ntu jê lok no tror huôv xênhz nhoz ntâu jêx jok hâur tỉnh ntus đriv Lai Châu. Thôngz sâu txix cơ quan lês car uô hâux lưv phax tar moz ơưk, xav txix hâur shôngk shông txos nhiv no, moz ơưk buô Châu phi tưz huôv xênhz ntơưv 125 chuôz zis, HTX hâur 18 jok, nhoz 8 xã, thị trấn hâur thax tsav cxuô huyện li: Nậm nhùn, Tam Đường, Mường Tè, Phong Thổ, Sìn Hồ thiêz TP Lai Châu, đros thiêz zuôr xar iz cxênhz tus buô trâul tuôs. Têx moz ơưk huôv xênhz ntơưv chor huyện Phong Thổ, Tam Đường thiêz TP Lai Châu txos nhiv no tsi tâu tâu đhâu 21 hnuz, viv li zôngx ziv huôv xênhz siz cik trâu lưv thax tsav qơư. Pos Lê Thị Hương Nhàn, Phưv Chi cục tsar, Chi cục tu zus thiêz kho moz tsiêx cxu, Sở Kôngz nuv thiêz huôv tsar tox siêz tỉnh Lai Châu heik pâuz: “Pêz tsênhv sir jos uô jông luôs hâux lưv qênhz shuôs lok sâuv tuô tsênhr, fax thâux têx tsiêx cxu thiêz uô jông trơưk tsưr ziv phax tir thêir moz ơưk. Iz chas co, pêz heik tsôngv pêx xênhv tsi so sox seiz njôngr têx tsiêx li đas jos, taz por vêv xênhz qơư tu zus hur si, đu lus, cux iz zav li muôz cxaz têx krâur muôx tsơưr pưr puz tsiêx chiê muôx nzir đas jos phax tir thêir moz ơưk”./.

Khắc Kiên-Riê Lâux cxeik, nhênhv

           Hnuz 21/9, ntơưv xar Liệp Tè, huyện Thuận Châu, tỉnh Sơn La, Trung ương Hội Liên hiệp hluôk nênhs Việt Nam sik côngv đros Tỉnh đoàn Sơn La tsưr tsix jiês uô tiêr Tsêr vênhx huôv côngv thôngx mênhx cxưx La Ha. Côngz trinhx tâu kriz uô txix hli 3/2023, txos nhiv no tưz uô tâu tiêr thiêz chox lok sir zôngv. Côngz trinhx tâu uô đar muôx 200 ntâu thiêr, muôx cxix cxuô mênhx cxưx La Ha têx vênhx huôv; tas nro nhiêx txiêx cxiv uô zos 1 tiv đêiv ntâu. No zos côngz trinhx tiv 4 hâur 16 luz tsêr vênhx huôv côngv thôngx tâu uô txix tsaz yênhx zos Hôiv Liên hiệp hluôk nênhs Việt Nam tso tơưv kriz uô đros Zênhx hangx TMCP Sài Gòn Thương Tín (Sacombank) paz uô. Zơưv Quàng Văn Tuân, Tsar jok Hiên, xar Liệp Tè puz pâuz: “Tâu paz uô tsêr vênhx huôv chiê pox nhuôs xênhz huôx, pox nhuôs lok six shir phaz. Hâur ntu zuôr txos zuôr muôx tsưr ziv chiê sik đros xênhz huôx côngv thôngx uô cê thiêz tuôr tsês chiê mênhx cxưx La ha li cxuô zav muôx txix cxôngx nzor lok”./.

Trấn Long-Lik Thox cxêik nhênhv