Hnuz 23/10, ntơưv chor tuz lênhv tâu tas siv nênhx viv tsưx phưv têz qơưk li qơư nda Độc Lập, xã Thanh Nưa, huyện Điện Biên, tỉnh Điện Biên, Bộ Chỉ huy Quân sự tỉnh Điện Biên đros Sở Lox tôngv, Saz pênhz thiêz xã hội tỉnh uô ntênhs shov thiêz chox iz lênhx tuz lênhv tâu tas siv nênhx thâuv ntu tir ntâuk tros châuz Pháp têx poz cxa lok phâuk hâur qơư nda heik sâuv.

         Uô ntêx co, đhâu thâuv txeik tâu mông thiêz pâuz iz tus tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê phâuk hâur niêv lâul Đinh Thị Miến nhoz jok C9, xã Thanh Xương, huyện Điện Biên luz vax, Bộ Chỉ huy Quân sự tỉnh tưz đros Sở Lox tôngv, Saz pênhz thiêz xã hội, Ban chox kriê 24 huyện Điện Biên, cấp ủy, hâu nov ntơưv qơư, chor jênh quân xã Thanh Xương thiêz tsôngv pêx xênhv khơưz yêik têx poz cxa lok tso đros chor tuz lênhv tâu tas siv nênhx viv tsưx phưv têz qơưk heik sâuv./.

Vũ Lợi-Riê Lâux cxeik, nhênhv

           Hâur thax tsav tox siêz đêz đrôngl tỉnh Sơn La, cêr muk lok phiv liv, tsik yuôx muôx internet... Txơưv li ntơư, đhâu ntâu shông lok no loa tso nta suôz zos iz qơư muôx liv trâu hâu nov ntơưv qơư txuôk đros px hâur thax tsav.

          Hâur niêx hnuz, loa nta suôz tưz đros đrêiv tsôngv px hâur thax tsav Tà Xùa, huyện Bắc Yên, Sơn La co luz nênhx. Iz chas cxuô tsaz yênhx fuô yax kriê Đảng têz qơưs têx tsênhv chêi thiêz chêi têz qơưs trâu tsôngv px, Bí thư Chi bộ, Tsar jos Bẹ, xã Tà Xùa-zơưv Trưs x Thox hêik pâuz:  Cux zôngx ziv cơưs, ntâu jiês cur muk lok  cux muôx ntux nas, li ntơư muôx loa nta suôz no, zos muôx hâux lưv đaz tsi, tsuôk fuô ciês sâuv loa mak zôngx ziv trâu tsôngv px hâur jos./.

                                                                       Lê Hạnh-Tsu cxeik, nhênhv

           Tsêr kho moz đa khoa tỉnh Sơn La nhiv kruôr chơưv kho tâu iz lênhx txir nênhx trâus poz cxa njêl qoz hnhur to.

         Tsênhv tsênhz, hnuz 17/10 nhiv kruôr đhâu, Tsêr kho moz đa khoa tỉnh Sơn La lênhk kho moz trâu iz tus txir nênhx muôx 63 shông, nhoz huyện Sông Mã, tỉnh Sơn La, lênhx txir nênhx co thâuv tuôx trâu tsêr kho moz mak trâus moz plaz, plaz tsav thiêz tơưv trôngx tsi tâu. Đhâu seiz njuôk shuôs, tâu xav zos poz cxa njêl qoz hnhur, uô hnhur trâus to, đhâu hlo ntơư tưz tâu chor bác sĩ, cưk yuôx nzuôr zar hnur trâus to thiêz fêis zênhx max chiê muôz tus poz cxa njêl co lok. Đhâu fêix kho tas, nhiv no lênhx txir nênhx no đas jos tưz truôx tuk thiêz tsênhv tror nhoz chơưv kho moz hâur tsêr yuôx. Nox tâu poz cxa njêl đeis chax đaz uz no zos têx khênhr njiz trâus hâur niêx hnuz, taz zos tsi muôz sei đrơưv mak zuôr uô tsi jông txos đas jos. Poz cxa njêl uô plaz hnhur trâus to li heik sâuv zos têx tsơưs njiz trâus, taz sik lok six riêz nênhs, muôx têx uô tuôs lênhx nênhs; chênhr viv li, thâuv sđ xav lok sik pâuz tiêk nox tâu poz cxa njêl, têx zav uz no tơưr muk hâur chax đaz mak tsuv zênhx max muk chuôs cưk yuôx chiê tâu seiz njuôk shuôs thiêz chơưv kho./.

Trấn Long-Riê Lâux cxeik, nhênhv

          Sở Y tế tỉnh Laox Cai đros cxuô đơn vị cik txos nhiv kruôr côngz fố txuz trâus tưx zav nox muôx yưv hâur tsêr cơưv Cao đẳng Laox Cai, phường Bắc Cường, đrôngl Laox Cai. Txuz hâux lưv no tưz uô trâu 80 shuv xênhz trâus kâus tưx, hâur ntơư muôx 54 lênhx tsuv tâu chox muk chơưv kho trâu tsêr kho moz.

          Uô ntêx co, thâuv 4 six ntâu, hnuz xiêz 9/10, iz lênhx shuv xênhz cơưv trâu tsêr cơưv Cao đẳng Laox Cai moz plaz, trơưk plaz đhâu nox pluôk mor hâur tsêr cơưv.

          Đhâu cưk yuôx sêiz njuôk shuôk thiêz siv nyar, tâu xav lênhx shuv xênhz co zos trâus kâus tưx zav nox./.

An Kiên-Tsu cxêik nhênhv