Hnuz 25/11, zơưv Lê Hồng Minh, Phưv Chủ tịch Ủy ban tỉnh Sơn La, Phưv Tsar ban Thường trực Ban chox kriê 501, seiz car jiês cơưv bax têx luôs hâux lưv tsưr tsix ntênhs côngz fur yênhx lix thị xã Mộc Châu thiêz phênhz, yênhx lix têx taz viv hành chính cấp xã nhoz hâur thị xã Mộc Châu. Njuôk xav ntênhs côngz fur zuôr tâu uô lok hnuz 18/01/2025 ntơưv Quảng trường 8/5, thị trấn Mộc Châu, đhâu ntênhs côngz fur ntơư, zuôr tsưr tsix tuô fov ntơưr. Iz chas têx luôs hâux lưv uô heik sâuv, cux zuôr tsưr tsix sik tưr đhiê Marathon shông 2025 ntơưv huyện Mộc Châu; piêr kriê tỉnh Sơn La têx xiv huv kôngz nuv OCOP,  txux chi vênhx huôv, ju lix. Zơưv Lê Hồng Minh, Phưv Chủ tịch Ủy ban tỉnh heik cxuô sở, ngênhx hux jos đros huyện Mộc Châu uô jông têx hâux lưv tâu zok muôz lơưr tsưr ziv tưz phênhz côngz; hux jos truôx, nhênhz chơưv trâu Ủy ban tỉnh fuô uô ntênhs côngz fur truôx tuk, cxênhx txuôs. Nhênhz chơưv heik tơưv têx hâux lưv hu zâuv yưv pênhr trâu thax tsav thị xã Mộc Châu, lar heik zos uô ntêx, hâur six hơưv tsưr tsix ntênhs; piêr kriê têx qơư jông ndis seiz uô si chiê phưx vưv đại biểu thiêz kruô ndis shuôs têz qơưk uô si zoz qơưx./.

Báo Sơn La-Riê Lâux cxeik, nhênhv

Zar hnuz kêix 25/11, ntơưv xar Trung Lèng Hồ (huyện Bát Xát, tỉnh Lào Cai), Pov tsir Tuổi Trẻ sik côngv đros Tỉnh đoàn Lào Cai tsưr tsix tsaz yênhx khơưk muôz học bổng “Tir tar tso ntơưr tsês” đros muôx Cuiv cxiv paz cxiv tsa tênhv qơư hur jông Việt Nam (GVF) đros paz uô. “Tir tar tso ntơưr tsês” zos tsaz yênhx tâu Pov tsir Tuổi Trẻ kriz uô hâur ntâu shông lok no đros tsưr ziv zos paz trâu chor shux xênhz txov nhêv tâu tuôx cơưv ntơưr, tiv zix zos shux xênhz nhoz đêz, tox siêz, thax tsav tsôngv box mênhx cxưx tsơưs nênhs. Đhâu thâuv tỉnh Lào Cai trâus coz chuô sôr 3 ruôr hiêv, tsaz yênhx tưz nriêr pâuz thiêz khơưk muôz học bổng trâu shux ênhz huyện Bát Xát trâus ntux nas, đêx ngaz cuôr ruôr hiêv tror tâu tuôx tsêr cơưv chiê cơưv ntơưr. Ntơưv tsaz yênhx, Ban tsưr tsix tưz khơưk muôz 100 suất học bổng “Tir tar tso ntơưr tsês” tas nro muôx 300 triệu đêiv paz trâu shux xênhz./.

BaoLaocai-Lik Thox cxêik nhênhv

Ban seiz car phax tar ntux uô ruôr hiêv-zok nriêr chơưv paz lênhx nênhs tỉnh Yên Bái nhiv kruôr tso tơưv ntâuz ntơưr sôr 69/BCH-PCTT xa trâu chor nênhs hâur Ban seiz car phax ntux uô ruôr hiêv thiêz zok nriêr chơưv paz lênhx nênhs tỉnh; Ủy ban cxuô huyện, thị xã, TP lok bax phax tir thêir no njiv hâur hâur thax tsav tỉnh. Hâur ntâuz ntơưr tưz hêik mênhx, nhiv no tsênhv muôx iz nthưr chuô txiêk lok trâu faz Nam, uô ruôr hiêv txos Bắc Trung Bộ, faz Tây Bắc Bộ thiêz Trung Trung Bộ. Hnuz 26/11, Bắc Bộ thiêz Bắc Trung Bộ ntux no, thax tsav tox siêz no njiv, muôx kênh suôv qơư no njiv hênhr. Ban seiz car phax tar ntux uô ruôr hiêv thiêz zok nriêr paz lênhx nênhs tỉnh heik cxuô lênhx sơưr đơưk thiêz Ủy ban cxuô huyện, thị xã, TP: Tsi so sox seiz njôngr ntux têx txơưr txar chiê heik pâuz thiêz kriê trâu cxuô cấp hâu nov, tsôngv pêx xênhv chênhr phax, txar jav, txo grêk tsơưs têx tsi jông./.

Báo Yên Bái-Riê Lâux cxeik, nhênhv

Công ty Tênhv tênhz Lai Châu hêik nênhs sir zôngv tênhv sêiz shuôk jông txos têx jiês hu tênhv tuôx đas tiêk zos nhân viên Tênhv tênhz hêik sơưr đơưk tiêk zuôr txiêr tênhv thiêz hêik cov kriz trơưk têx link pâuz tsik tsênhz chiê cài app chuôr đros tsưr ziv zos nziêk đas zuôr nhiêx txiêx cxuô zav, uô phiv liv txos nganhx tênhv li suôz bê. Công ty Tênhv tênhz Lai Châu khav tênhv tsik xa kror link tưs trâu chor nênhs sir zôngv tênhv, nhân viên tênhv tênhz zênhx uô jông trơưk hâux lưv nus, njiz chor nênhs sir zôngv tênhv-tsik tâu hêv txiêr tênhv thiêz muôx têx luk hêik tsik jông txos nênhs sir zôngv tênhv. Công ty Tênhv tênhz Lai Châu hêik sơưr đơưk tsuv sêiz shuôk jông: tsik hêik pâuz zuk têx xor mông; tsik kriz trâu chor link tsik pâuz tsênhz thiêz kriz zuk kror tài khoản zênhx hangx trâu hâur têx ứng dụng tsik pâuz tsênhz. Tiv zix, sơưr đơưk tsik thêv têx nhiêx tênhv trâu têx nênhs txơưr kror tài khoản lok sik kror tài khoản zênhx hangx tưs tsik tâu xav jênhv tsênhz mênhx./.

Baolaichau-Lik Thox cxêik nhênhv