Ntơưv qơư nza liệt sĩ tsêr tux Sơn La, tsâus ntux hnuz 26/7, tỉnh đoàn Sơn La tsưr tsix ntênhs “Hlơưr shaz ndo txos têx zênhz shông liệt sĩ tâu tas siv nênhx viv mênhx cxưx li txưv zơưx, têz qơưk li hôx fênhx.

No zos huôx tôngv tâu Tỉnh đoàn Sơn La sik côngv đros têx taz viv muôx lênhx coaz tsưr tsix hâur niêx shông, chiê yax mông, zaoz zux cxênhx hluôk nênhs phuôx huiz cêr chax chês jông “ndo txiêx pâux njik”, tiêv tiêv ndo txos têx zênhz shông liệt sĩ, thương binh, nênhs muôx côngz đros cơưx mênhv li têx côngz lox…Cầm Thị Huyền Trang, Bí thư Tỉnh đoàn Sơn La puz pâuz:

“Ntênhs hlơưr shaz ndo txiêx njik zos huôx tôngv tsưr tsix đoanx uô hâur yênhx shông. Thôngz đhâu huôx tôngv no, pêz xar njôngr heik tơưv cxênhx hluôk nênhs li siêz uô tsâus ntâu txos cxênhx nênhs tov ntêx; thôngx cxix zaoz zux cêr chax chês nhiêv têz nhiêv qơư trâu cán bộ đoanx thiêz đoàn viên hluôk nênhs nhiv no”./.

Trấn Long-Txâur Vax cxeik nhênhv

Huyện Văn Bàn, tỉnh Lào Cai nhiv no muôx 440 ntâu lênhx nênhs muôx côngz trâu têz qơưk thiêz chor nênhs muôx côngz li nênhs cxênhz jê tâu sơưv nhiêx paz hâur niêx luz hlik. Đhâu qênhz shuôs, phênhv ntâu chor chuôz zis muôx côngz têz qơưk, nênhs trâul moz trâul saz thâuv ntu tir ntâuk trol châuz viv tsưx phưv têz qơưk puôr lênhx uô jông trơưk Đảng, têz qơưk têx chei, uô lơưr cxix cxuô ntơưv qơư li cui tinhv. Zơưv Nguyễn Ngọc Chiều-Phưv tsar phongx Lox tôngv saz pênhz thiêz xã hội huyện Văn Bàn heik pâuz:

“Cxiz uô têx hâux lưv ndo côngz pâux txiêx njis, uô tsêr niêv côngv siêz trâu têx chuôz zis, lênhx nênhs muôx côngz têz qơưk. Lar heik tso têx đoanx muk shuôs, muôz huv puz trâu têx lênhx nênhs, chuôz zis heik sâuv hâur thax tsav, hâur têx đoanx co muôx hâu nov huyện uô thơưx chox đoanx. Huyện cux tưz chox kriê têx cơ quan muôx vax huôv hâur huyện, Uỷ ban cxuô xã, thị trấn sik đros muk seiz shuôs, tôngx zênhx chor chuôz zis muôx côngz trâu têz qơưk”./.

An Kiên-Riê Lâux cxeik, nhênhv

Tas nro tỉnh Điện Biên nhiv no muôx 16 cxênhz ntâu lênhx nênhs tâu sơưv cêr chei. Xav tênhv tsoz phưz nênhs muôx côngz, chuôz zis tâu sơưv cêr chei tsi taz zos txơưx jênhv mak tsênhv tso pov cxênhx nênhs nhiv no li hâux lưv uô jông đros têx chuôz zis liệt sĩ, thương binh, bệnh binh thiêz nênhs muôx côngz đros cơưx mênhv li nênhs cxênhz jê. Viv li, tas nro cxix luôk chính trị, têx cấp, nganhx thiêz đoanx thêv xã hội tỉnh Điện Biên thâuv tưs cux sir jos uô jông côngz xưv tsoz phưz luz nênhx, tôngv vênhx chinhz yênhx, tsov cưv thiêz uô cxix cxuô têx chế độ, chính sách đros têx lênhx thương binh, bệnh binh thiêz liệt sĩ li nênhs cxênhz jê. Têx tsov cưv co tưz paz têx chuôz zis tâu sơưv cêr chei, nênhs muôx côngz đros cơưx mênhv li luz nênhx chinhz yênhx tâu muôz siêz tsênhz mênhx./.

(Báo Điện Biên-Txâur Vax cxeik nhênhv

Mông txix Công an tỉnh Lai Châu heik pâuz, Cơ quan txiv ngaz qênhz yuôx hâur taz viv nhiv kruôr tso tơưv quyết tinhv ntêk Nguyễn Thanh Tâm, zus shông 1984, nhoz thị trấn Than Uyên, huyện Than Uyên, tỉnh Lai Châu cơư 4 hli tux chiê qênhz yuôx lok sâuv “uô tuôr xuôv nhiêx cxiêx”. Nguyễn Thanh Tâm zos kuz kế toán, thủ kho Công ty zuz nôngz tsoz chos, chuôz zênhx cxuô zav Lai Châu, nhoz huyện Than Uyên.

Uô ntêx co, hnuz 27/12/2022, Phòng Cảnh sát kinh tế, Công an tỉnh Lai Châu txêik tâu Công ty  heik sâuv ntâuz ntơưr hêik pâuz, zơưv Nguyễn Thanh Tâm uô tuôr xuôv công ty nhiêx txiêx hâur ntu uô hâux lưv ntơưv taz viv.

Đhâu qênhz yuôx xav jênhv, đhâu thâuv txêik tâu pêx xênhv têx nhiêx zuôr hax huv lơưr thêv tuôx thiêz têx nhiêx txơưr đuô, Nguyễn Thanh Tâm tưz tsik muôz tsês hâur công ty lơưr cui tinhv, tsi muôz zôngv uô công ty têx hâux lưv uz no, mak ho zôngv 240 tsov đêiv ntâu nhiêx uô lưv zav nuv  txơưr đuô trâu zuk iz lênhs.

Nhiv no txuz hâux lưv co tsênhv tror tâu Công an tỉnh Lai Châu qênhz yuôx, uô tsênhz mênhx./.

Khắc Kiên-Riê Lâux cxeik, nhênhv