Huyện ntus đriv Mường Nhé, tỉnh Điện Biên tsênhv chêx chôngk hlôngr yiêz tsoz chos, tiv zix zos huôv tsar têx tsoz chos công nghiệp muôx tsiv grê kinh têr siêz ndar txos muôs tơưv trâu saz đrâuv têz qơưk, huôv tsar kôngz nuv truôx đrênhk. Zơưv Tạ Văn Sơn, Chủ tịch UB huyện Mường Nhé puz pâuz: têx shôngk jê ntơưv no, tiv phaz tưz paz txưv huôv tsar tsiv uô kôngz nuv trâu tsôngv box nhoz iz cxiê dự án chos ciêv fix, poz cưk, kok ntông, sa nhân…qir tax ntâu chêx cuk jông. Tsưr ziv ntu zuôr txos, Mường Nhé zuôr chêx chôngk huôv tsar iz cxiê tsoz chos tsênhv li yuôx njuôz hâur har jôngr…sir jos txos shông 2030, huyện chos tâu 4 cxênhz 500 hecta ciêv fix, 500 hecta yuôx njuôz chiê yênhx lix thax tsav chos, ndar txos muôs tơưv trâu saz đrâuv têz qơưk. “Huyện tưz cxiv tsa đề án tror tsiv uô kôngz nuv, tiv zix zos huôv tsar tsoz chos kôngz nuv, công nghiệp muôx tsiv grê kinh têr siêz chiê muôs tơưv trâu Trung Quốc. Đrâuv co, huyện tưz yưv pênhr uô têx côngz tsinhx chiê zaz zâuv têx doanh nghiệp nhoz têx qơư txơưr tuôx yưv pênhr trâu huyện”./.

Vũ Lợi-Txâur Vax cxeik nhênhv

           Tas cik hnuz 28/10, Ban Tuyên giáo Tỉnh ủy Lai Châu phuôx tôngv thik trắc nghiệm “nriêr pâuz lok cơưv shâuv thiêz uô trơưk Lâul Hôx cêr nênhx jông”, chiê cxơưz cxiz tas nro canr bôv, đảng viên, tsôngv pêx xênhv cxuô heir nênhs hâur tỉnh cơưv shâuv thiêz uô trơưk Lâul Hôx; iz chas ntơư cux chiê hơưv tok Đại hội Đảng cxuô cấp, six cxiv 2025-2030. Zơưv Lê Đức Dục, Tsar Ban Tuyên giáo Tỉnh ủy Lai Châu, Tsar Ban tsưr tsix jiês thik co heik pâuz: “No cux zos iz kro chiê cơưv shâuv thiêz uô trơưk Lâul Hôx cêr nênhx jông, tâu tsưr tsix đêz đar txos trâu canr bôv, đảng viên thiêz tsôngv pêx xênhv cxuô heir nênhs. Tiv 2, co cux zos six hơưv chiê canr bôv, đảng viên thiêz pêx xênhv cxuô heir nênhs Lai Châu ndo txiêx njis txos Lâul Hôx têx côngz đas jos lox tưz tsês trâu Đảng, tsôngv lax pêx xênhv sơưr đơưk hâur tas nro têz qơưk, lar heik pêx xênhv cxuô heir nênhs Lai Châu. Tiv 3, no cux zos six hơưv chiê canr bôv, đảng viên thiêz pêx xênhv tis seiz đuô lok têx luôs hâux lưv cơưv shâuv thiêz uô trơưk Lâul Hôx cêr nênhx jông”./.

Khắc Kiên-Riê Lâux cxeik nhênhv

              Hnuz 28/10, ntơưv huyện Quỳnh Nhai, Liên đoàn lox tôngv tỉnh Sơn La sik côngv đros Công an tỉnh Sơn La tsưr tsix phêv ziv yax mông phax tar uô cxâuv cêr chei trâu đoàn viên, nênhs lox tôngv shông 2024. Têx teiv plor tâu thôngz xor mông lok qênhx shênhx nênhs phamv cxâuv lok zax zênhz nhoz Vn thiêz sauv thax tsav tỉnh SƠn La têx shôngk đhâu. Nênhs phamv cxâuv zax zênhz li têx tsưr ziv uô; heik kriê tsưr ziv jênhv pâuz têx zav zax zênhz yiêz, thiêz zax zênhz li têx txux hiêv thâuv sir zôngv….Têx yênhx tưv hâur côngz xưv phax tar, tơưv txênhz nziês đas đhâu mạng xã hội, zuôr muôs lênhx nênhs, yax mông têx tsi trơưk cêr chei têz qơưk. Yax mông lok phax tar uô cxâuv cêr chei hâur đoàn viên công đoàn, nênhs lox tôngv ntơưv têx doanh nghiệp lok phax tar zax zênhz, muôs pax muôs chêr, HIV/AIDS, zuôr muôs lênhx nênhs, taz por zaoz thôngz, puz txeik pênhr đros nhiêx liv siêz, sir zôngv mạng xã hội taz por. Phêv ziv chiê paz đoàn viên, nênhs lox tôgnv muôz siêz siêz xar, tsưv ziv thiêz muôx txơưx jênhv hâur côngz xưv phax tar nênhs phamv cxâuv. Txix co, sir jos cxaz chuôz heik kriê, tơưv txênhz đros têx zav nênhs phamv cxâuv thiêz têx hâux lưv uô cxâuv cêr chei./.

Báo Sơn La-Txâur Vax cxeik nhênhv

           350 chuôz zis pêx xênhv nhoz xã Báo Đáp, huyện Trấn Yên, Yên Bái trâus coz nas chuô sôr 3 uô ruôr hiêv nhiv kruôr tâu cxaz chuôz tsaz yênhx “Paz tsôngv box thax tsav trâus đêx nas ruôr hiêv tỉnh Lào Cai-Yên Bái huôv tsar uô nox”, zos Bộ Kôngz nuv thiêz huôv tsar tox siêz, Tập đoàn hoá chất Việt Nam, Công ty qir zuôv Bình Điền đros pov tsir tox siêz-Dân việt tsưr tsix. Zơưv Doãn Văn Trị, Tsar jok Đồng Bưởi, xã Báo Đáp, huyện Trấn Yên heik pâuz, têx muôz paz trâu tsôngv pêx xênhv zos 150 cir qir zuôv cxuô zav chiê fmông trâu têx tsoz chos hâur liêx têz đhâu đêx nas uô ruôr hiêv. “Muôx tsaz yênhx paz pêx xênhv li heik sâuv chiê sơưr đơưk nzor cxiv kho têx tsi jông đhâu đêx nas uô ruôr hiêv, cur pov tsaz yênhx lok six muôx liv trâu tsôngv lax pêx xênhv sơưr đơưk”.

Đinh Tuấn-Riê Lâux cxeik, nhênhv