Hnuz 29/3, tỉnh Yên Bái cơưv txuôk đros tas nro tỉnh lok sâuv hlôngr yiêz sôr shông 2023. Jiês cơưv tâu cơưv ntơưv tỉnh txuôk đros luôs 2 chas huyện, thị xã, TP thiêz jiês xuz thơưx tâu fuô uô txos trâu hur tiz si cxuô xã, phường, thị trấn hâur tas nro tỉnh. Zơưv Trần Huy Tuấn, Chủ tịch Ủy ban tỉnh Yên Bái, tỉnh li Tsar ban Chox kriê hlôngr yiêz sôr heik pâuz: Hâur ntu đhâu, đros ntâu trâur nuv, tsưr ziv uô jông reik đros têx tsênhv tsênhz ntơưv qơư, taz viv, hlôngr yiêz sôr hâur thax tsav tỉnh tưz yênhx phôngz yaox đêz đar, cê jông trâu pêx xênhv, cê jông trâu cxuô luôs hâux lưv. Yên Bái zos iz hâur têx thax tsav qơư xuz thơưx muôx tỉnh li Cổng dịch vụ côngz txuôk đros têz qơưk lol tsôngv box li qơư nhoz thiêz cux zos qơư tiv 2 (uô kaz TP Hà Nội) tsi so krêz seiz, uô têx luôs hâux lưv heik sâuv./.

Đinh Tuấn-Riê Lâux cxeik nhênhv

Ntâu hnuz no, têx lớp cơưv hmo ntux tưz lok six shưv jê đros pox nhuôk nhoz jos Nậm Giang 2, xã Nậm Chạc, huyện Bát Xát, tỉnh Lào Cai. Shux xênhz phênhv ntâu zos nhoz hov hnuz nhôngs hloz tiêr nênhs. Lớp cơưv hmo ntux nhoz Nậm Giang muôx ntâu ziz njiêz, cê chuôz cxaz yênhx tưv trâu pox nhuôs mênhx cxưx tsơưs nênhs sir jos chiv chir hla đhâu cêr pluôs, cê muôx yênhx tưv chiê tsi trâus nênhs fêv nziês đas. Thiếu tá Vũ Mạnh Hà, cán bộ vênhv tôngv tsôngv box Zênhx pênhz phax A Mú Sung puz pâuz:

“Pox nhuôk hâur jos, yênhx tưv jênhv pâuz kis, cux muôx ntu tưz cơưv lớp 1, lớp 2 thiêz lớp cxuôv đis muôs ntơưr, taz sik txos nhiv no pox nhuôk tưz hnor kaz tas. Viv li pêz tưz đros chính quyênx tiv phaz, tsêr cơưv ntơưr vênhv tôngv tsôngv box cxaz chuôz cơưv ntơưr cxix cxuô, chiê pox nhuôk txơưx uô toán, txơưx nhênhv ntơưr, chiê muôz siêz luz nênhx vênhx huôv trâu pox nhuôs têx mênhx cxưx tsơưs nênhs nhoz tox siêz ntus đriv”./.

(An Kiên-Txâur Vax cxeik nhênhv)

Uô lơưr tsaz yênhx “luz hlik 3 đriv têz” shông 2023, Bộ Chỉ huy bôv đôiv pênhz phax Lai Châu tưz phuôx tôngv phôngz yaox sik tưr “Hluôk nênhs pênhz phax Lai Châu uô ntêx nyuôs, sir jos uô jông cxuô luôs hâux lưv”.  Đại tá Lê Công Thành, Phưv Chính ủy Bôv đôiv Pênhz phax Lai Châu heik pâuz: Shông 2023 zos shông zov chênhr fuô uô lơưr Nghị quyết Đại hội Đảng tas nro têz qơưk jiês tiv 8, viv li txix hâur shôngk shông, Đảng ủy Bộ Chỉ huy Bôv đôiv Pênhz phax tỉnh tưz sir jos fuô uô têx luôs hâux lưv chính trị. Hâur co, taz viv tưz chox kriê chor hluôk nênhs muôz 60 shông hnuz yênhx lix pênhz phax Lai Châu, 64 shông hnuz yênhx lix tuz lênhv pênhz phax Việt Nam thiêz 30 shông hnuz pênhz phax tas nro pêx xênhv chiê cxiz têx phôngz yaox sik tưr uô nuv:

“Six hơưv no, Đoanx hluôk nênhs Bộ Chỉ huy Bôv đôiv pênhz phax tỉnh cux tưz hux jos uô tsaz yênhx “hli 3 đriv têz” đros lok six ntâu têx hâux lưv muôx liv, chiê choz kriê đoanx hluôk nênhs cộng sản HCM li cêr chax chês, kriê trâu cxênhx hluôk cêr nhiêv têz qơưk. Lar heik zos lok sâuv tsưx phưv truôx têz qơưk, đriv têz hâur ntu nhiv no”./.

Khắc Kiên-Riê Lâux cxeik, nhênhv

Sâuv niêv cêr 6, ntu đhâu xã Chiềng Hắc, huyện Mộc Châu, tỉnh Sơn La hnuz đhâu 29/3 tsi so muôx yưv têx txuz txiêz nanv zaoz thôngz tiv cêr bluô, môngr jông tsi muôx lênhx nênhs trâus saz. Xor mông qir thơưx puz pâuz, lok thâuv 9 six 30 pênhz, hnuz 29/3 cei cêr 205+400, niêv cêr 6, thax tsav jos Ta Niết, xã Chiềng Hắc, huyện Mộc Châu (Sơn La), luz yêz ô tô gra biển số 26C-048.83 muk lơưr saz Hà nội-Sơn La; thâuv muk txos ntu cêr no tưz đrâu trâu lax caz their cêr thiêz trâus nzênhr sâuv cêr. Thâuv 9 six 40 phênhz, ntơưv cei cêr 205+380 niêv cêr 6, sâuv jos Ta Niết tror muôx yưv txiêz nanv zaoz thôngz thâuv luz yêz gra biển 29H-773.81 muk lơưr saz Sơn La-Hà Nội đrâuv trâu luz yêz meir gra biển 26F4-3158, đhâu co tror đrâuv têx côngz tsinhx sâuv cêr ar./.

(Trấn Long-Lan dịch đọc)