Chiê pov nzor, yưr lir têx hâux lưv uô cxâuv muôx lênhx coaz txos côngz xưv por vêv tênhx qơư, hâur đêx hâur chiv tsiv uô xiv huv kôngz nuv 2024-2025, tỉnh Sơn La tưz cuiz tênhv yênhx lix Tuêv côngz xưv seiz car hâux lưv uô trơưk pháp luật li cui tênhv lok por vêv tênhx qơư, hâur đêx đros têx qơư tsiv uô xiv huv kôngz nuv lox nhoz hâur tỉnh. Huôx tôngv seiz car tâu uô sauav tas nro têx huôx tôngv tsiv uô xiv huv kôngz nuv 2024-2025; hâur co, uô hâux lưv seiz car ciês ntơưv têx qơư tsiv uô iz luz hlik iz jiês. Tuêv côngz xưv zuôr truôx siêz yưr lir, uô txos qơư, trơưk cui tênhv đros têx uô cxâuv, lok sik thix ziv cấp muôx vax huôv yưr lir (zos muôx). Thôngx cxix, thix ziv têx njiêz luv muôx lênhx coaz txos côngz xưv por vêv tênhx qơư, hâur đêx đros têx qơư tâu seiz car. Huôx tôngv seiz car zuôr truz ntêr txix nhiv no txos tas hnuz 31/5/2025./.

Thu Thùy-Txâur Vax cxeik nhênhv

              Lơưr zơưv Nguyễn Văn Nhất, Phưv Chủ tịch Ủy ban huyện Bảo Yên, tỉnh Lào Cai, đhâu trâus coz chuô sôr 3 ruôr hiêv, tas nro huyện muôx zuôr xar 300 luz tsêr trâus puôk tsuôx tas hur si thiêz xar muôx 1.000 ziv chuôz zis nhoz hâur têx qơư zôngx ziv muôx ar poz. Đhâu ntâuk gri, tsưr ziv txar pox nhuôs lok nhoz shơư trâu hâur têx jêx jok txơưr zôngx ziv đuô lir li nriêr kror qơư nhoz yiêz tsêx trung xav tas nro pênhr jos yưv uô, cuiv ar thiêz têx ntâuz ntơưr kriz uô. Iz chas co, chor chuôz zis txar qơư nhoz co cux zuôr nhoz jê tâu ntơưv zuk têx ar têz uô nox kuz thiêz sir zôngv tâu cxuô zav zênhx muôx uô ntêx. Lok uô ntâuz ntơưr têx ar têz, chinhr quyền zuôr paz cov zôngx ziv tiv zix chiê pox nhuôs nzor tơưv đhâu têx qơư lav nhoz, taz sik tsuôk zos paz trâu chor ziv chuôz zis tsuv txar qơư nhoz sêi đrơưv. Zơưv Nhất puz pâuz: “Bảo Yên li tsưr ziv uô zos txix jêx jok txos xar, uô cov tsênhz mênhx, siz bâus, dân chuv, ndar six hơưv thiêz huv chêi têz qơưk. Chuôz zis tưs tsiktrâus hiêv mak liv zôngv tsênhv chêi no pêz zuôr xưv lik cov truôx jông”./.

An Kiên-Lik Thox cxêik nhênhv

               Chiê muôz siêz hâux lưv zaoz zux, canhv pov têx lênhx nênhs uô cxâuv lok taz por zaoz thôngz, Phongx cảnh sát zaoz thôngz-Công an tỉnh Lai Châu tưz chuôz tsar côngz xưv qênhz yuôx, yưr lir têx uô cxâuv. Co tsi taz zos uô jông Bộ công an li chox kriê mak tsênhv zos tsưr ziv txu grês uô cxâuv, txu grês txiêz nanv zaoz thôngz muôx yưv.

              Đros têx tsưr ziv uô tsênhv tsênhz, côngz xưv qênhz yuôx, seiz car, yưr lir uô cxâuv zuôr muôx txux zôngv canhv pov, đhâu co gôngr phênhv txu grês têx uô cxâuv, ndar txos cxuô lênhx nênhs puôr lênhx uô jông cui tênhv lok taz por zaoz thôngz. Hâur hli 9/2024, lưx lươngv CSGT tas nro tỉnh Lai Châu yưr lir 350 luz yêz ô tô uô cxâuv. Tas nro tỉnh muôx 16 txuz txiêz nanv zaoz thôngz muôx lênhx coaz txos hâuk chơưr bia thiêz zax zênhz, uô 4 lênhx nênhs tuôs, 22 lênhx trâus saz (chuôz ndê 5 txuz, 3 lênhx nênhs tuôs, chuôz ndê 5 lênhx trâus saz)Lưx lươngv CSGT tưz pov thiêz yưr lir 1 cxênhz 421 lênhx nênhs, khiêz nhiêx txiêx 4,597 tỷ đeiv; sâu tsês yêz thiêz ntơưr tso chei tsar yêz 1 cxênhz 421 lênhx nênhs./.

Báo Lai Châu-Txâur Vax cxeik nhênhv

            Nhiv no, tsênhv zos chêix pêx xênhv sâuv thax tsav xar Pá Khoang, Mường Phăng (TP.Điện Biên Phủ, tỉnh Điện Biên) tsêx trung sâu têx liêx. Thâuv sâu tâu, chor ziv chuôz zis nhoz trơưk ntux cêr Tà Lèng-Mường Phăng tưz zôngv chor ntus cêr chiê jiêz blêx, uô phiv liv txos ngaz tuk zoz thôngz.

            Zơưv Quàng Văn Việt, Chủ tịch Ủy ban xar Pá Khoang puz pâuz: ntu cêr Tà Lèng-Mường Phăng muk đhâu xar Pá Khoang chor jêx jok chiê muk trâu qơư di tích Sở Chỉ huy ntâuk tros châuz Điện Biên Phủ nhoz Mường Phăng. Yênhx hnuz muôx lok six ntâu yêz, tiv zix zos yêz thâux kruô muk ndis shuôk têx di tích no muk lok đhâu, hâur co muôx ntâu luz yêz thâux xa kruô lox. Pêx xênhv nav cêr chiê jiêz blêx, nhaz blêx zos qir tiv uô muôx yưv tsik tsơưs chor txuz txiez nanv zoz thôngz sâuv ntu cêr no. Lơưr zơưv Việt, chiê txo grêk tsơưs txiêz nanv zoz thôngz sâuv ntu cêr Tà Lèng-Mường Phăng, chinhr quyền xar tror sir jos yax kriê, hêik pêx xênhv tsik jiêz blêx trơưk têx ntus cêr. Xưv lik truôx chor nênhs uô cxâuv. Pêx xênhv cux hlôngr yiêz đuô tsưr ziv uô nox, côngv têk đros chinhr quyền xar cxiv tsa jêx jok yiêz, vav mênhx, hur jông./.

Báo Điện Biên-Lik Thox cxêik nhênhv