Ủy ban Thường Côx hôiv li đoanx côngz xưv zos pos Nguyễn Thị Thanh, Ủy viên BCH T.Ư Đảng, Ủy viên Ủy ban Thường vụ Côx hội, Tsar ban côngz xưv đại biểu, Phưv tsar Ban tsưr tsix  T.Ư uô thơưx chox đoanx tưz muôz nhiêx txiêx paz max uô tsêr nhoz trâu têx chuôz zis txov nhêvthiêz paz tsaz yênhx “Tsêr sor siêz, txiv ngaz xã hội” tỉnh Điện Biên. Ntơưv tsaz yênhx, pos Nguyễn Thị Thanh tưz muôz 480 tsov đeiv nhiêx paz cxiv uô 8 luz tsêr niêv côngv siêz trâu têx chuôz zis pluôs hâur tỉnh (iz luz tsêr tâu paz 60 tsov đeiv). Tsêr nhiêx Kôngz nuv thiêz huôv tsar tox siêz Việt Nam chơưv paz 3 tyv đeiv trâu tsaz yênhx “tsêr sor siêz, txiv ngaz xã hội” tỉnh; Công ty bảo hiểm tsêr nhiêx kôngz nuv muôz 150 tsov đeiv paz têx chuôz zis pluôs thiêz chuôz zis muôx côngz trâu têz qơưk hâur thax tsav tỉnh./.

Báo Điện Biên-Riê Lâux cxeik nhênhv

UBND tỉnh Yên Bái nhiv kruôr muôx ntâuz ntơưr hêik chor sở, ban, nganhx, UBND huyện, thị xar, thành phố chuôz cxaz uô sêiz kaz phax tar caz moz Ma-bớc. Đros Sở Y têr mak tsuv tsik so sêiz kaz jông qênhx shênhx caz moz hâur têz qơưk thiêz sâuv ntiêx têz thiêz hêik pâuz sêi trâu UBND tỉnh hâur côngz xưv chox kriê phax, tar caz moz; sik côngv sêiz kaz truôx jông chor nênhs lok hâur têz qơưk, thax tsav qơư txix têx qơư muôx caz moz ntơưv côngv thôngx thiêz têx qơư y têr. Sở Thôngz mông thiêz Yax mông chox kriê têx cơ quan Thông tấn pov chir sâuv thax tsav sir jos uô côngz xưv yax mông txix ntâu tsưr ziv têx tsưr ziv phax, tar caz moz chiê pêx xênhv tsik cxơưx thiêz uô truôx jông têx tsưr ziv phax tar caz moz lơưr Bôv Y têr hêik kriê. UBND têx huyện, thị xar, thành phố chox kriê têx taz viv y têr sâuv thax tsav, cxuô thax tsav qơư sêiz shuôk jông qênhx shênhx caz moz, bax jông têx tsưr ziv, chuôz zênhx chiê phax tar caz moz cov tâu jông tiv zix./.

Báo Yên Bái-Lik Thox cxêik nhênhv

Sở zoz zux tỉnh Sơn La nhiv kruôr ntâuk grê hội sik tưr thik xar tsưr ziv tsiv uô têx chuôz zênhx uô si, phưx vưv kriê ntơưr cxênhx nhuôs zâu jiês tiv iz, shông cơưv 2022-2023. Đhâu xeir tsov, Ban tsưr tsix tưz txeik tâu 36 qơư zoz zux cxênhx nhuôs zâu nhoz cxuô huyện, TP li 36 xiv huv, chuôz zênhx tsiv uô tâu jông tưr thik cấp tỉnh. Têx chuôz zênhx uô co tâu pheiz uô 3 kro, zos chor đuôz phưx vưv kriê têx nhuôs cơưv txux; chuôz zênhx kriê nhuôv cơưv shâuv, uô trơưk; têx chuôz zênhx uô si….. Pos Nguyễn Thị Hương Giang, Tsar phongx zoz zux TP Sơn La, taz viv tưr thik tâu hov iz hâur jiês thik no heik:

“Hội thik tưz paz lok six jông trâu xar tsưr ziv tsiv uô têx chuôz zênhx uô si, phưx vưv kriê txux chi, muôx têx nzaz nzơưv têx zav tsi zuôr, tsi zôngv txos ntơư chiê tsiv uô chuôz zênhx uô si trâu nhuôs zâu, phưx vưv kriê ntơưr, paz têx nhuôs zâu pâuz txos ntâu zav hâur tsêr cơưv, luz nênhx xênhz huôx. Thôngz đhâu hội thik, uô trâu tsêr cơưv, chuôz zis, xã hội, lar heik zos chor shux xênhz li niêv txir muôx cêr sik thôngx siêz, siz paz hâur tsoz phưz, choz kriê nhuôs zâu cêr uô nênhx ziv hnuz ziv truôx jông đuô”./.

Trấn Long-Riê Lâux cxeik, nhênhv

Xor mông txix Công an tỉnh Lai Châu puz pâuz, đhâu uô tiêr cxix cxuô têx ntâuz ntơưr, nhiv kruôr no, Công an tỉnh Lai Châu đros iz cxiê taz viv muôx vax huôv tưz ruôr tâu yênhx côngz chuyên án; cxov tsês 15 lênhx nênhs zos canr bôv, công chức iz cxiê sở, ban, nganhx thiêz têx huyện uô cxâuv lok muôz thiêz txêik jênhv nhiêx txiêx tsik zos chêi thâuv qênhz yuôxchor dự anr chos jôngr. Tsênhv tsênhz, lưx lươngv muôx vax huôv tưz cxov, qênhz shuôk sêiz 9 lênhx nênhs txêik jênhv têx nhiêx txiêx tsik zos chêi. Chor nênhs no phênhv ntâu zos Trưởng ban, kuz Trưởng ban sêiz car jôngr phax phưv têx huyện ntơưv Lai Châu. Thôngx cxix, lưx lươngv muôx vax huôv tưz cxov, qênhz shuôk sêiz 6 lênhxnênhs hâur Đoanx Qênhz yuôx uô cxâuv lok txêik jênhv têx nhiêx txiêx tsik zos chêi. Cơ quan Cảnh sát Qênhz yuôx, Công an tỉnh Lai Châu tsênhv sir jos qênhz yuôx, kriz đar chuyên anr thiêz xưv lik cêr chêi têz qơưk li têx cui tênhv./.

Khắc Kiên-Lik Thox cxêik nhênhv