Chi cục seiz car tsơưr lươngv kôngz jôngr nuv thiêz shuôz njês, Sở kôngz nuv thiêz huôv tsar nôngx cxênhz tỉnh Yên Bái nhiv kruôr đros Công ty cổ phần RYB tsưr tsix jiês muôs tơưv hax huv kôngz nuv tỉnh Yên Bái trâu niêv ciêz Anh, đros 10 xiv huv xuz thơưx. Têx xiv huv no tưz tâu qênhz yuôx têx ploz tsênhr lok taz por zav nox, tsơưr lươngv lơưr châu Âu li ploz tsênhr thiêz muôx cxix cxuô ntâuz ntơưr muôs tơưv. Pos Lâm Thị Kim Thoa, giám đốc HTX Suối Giàng, huyện Văn Chấn, taz viv muôx xiv huv yuôx zêx muôs tơưv trâu têz qơưk Anh pheiz kênh:

“Thâuv cir hôx thôngx hâur 2 saz oeez tưz ciêr chênhr txix cxuô tsưr ziv chiê xiv huv yuôx zêx HTX tax ploz tsênhr ntiêx têz, đros têx ploz tsênhr lok zav nox mak niêv ciêz Anh thôngx ziv. Thôngz đhâu iz ntu mak chor hax huv xuz thơưx tưz tâu muôz trâu sâuv container chiê thâux muk têz qơưk Anh”./.

(Đinh Tuấn-Txâur Vax cxeik nhênhv

Piz huôx tôngv txix ciês hâur six cxiv, Tsênhv qơư Phưx vưv hành chính công tỉnh Lào Cai tưz sêi đrơưv zos yênhx iz hâur têx taz viv sơưr thơưx lok hlôngr yiêz hành chính đros trâu hlôngr yiêz sôr ntơưv thax tsav qơư. Đros muôx 25 cơ quan, taz viv kriz uô txêik jênhv têx ntâuz ntơưr, muôz têx ntâuz ntơưr đơưk uô tiêr, iz hnuz cơ quan no tok xar muôx 300 ntâu lênhx nênhs, tsưr ziv uô hâux lưv tsik so tâu hlôngr yiêz, tiv zix hâur shông 2023 chiê sir jos uô tas hâur kaz six cxiv zuôr muôz tas nro têx ntâuz ntơưr hành chính cấp tỉnh lok đơưk tu ntơưv iz kror qơư. Hâux lưv txo grêk tsơưs six hơưv đơưk tu têx ntâuz ntơưr hành chính tưz paz trâu Lào Cai cxênhx txuôs tâu muôx 700 ntâu tiv đêiv xav txix thâuv hâur six cxiv. Đhâu co txêik jênhv tâu pêx xênhv thiêz doanh nghiệp li  99% ntâuk gri thôngx ziv đros hâur tas nro cxuô kror hâux lưv./.

An Kiên-Lik Thox cxêik nhênhv

Lai Châu zos tỉnh tox siêz ntus đriv muôx ar têz nxaz, cheix ntux nas shông tưs cux muôx tox poz, cêr muk lok tsi tâu. Txix hâur shôngk shông txos nhiv no, tiv phaz cux muôx ntâu qơư muôx tox poz sâuv têx ntu cêr. Nhiv no tsênhv qir lok trâu cheix ntux nas, viv li têx lưx lươngv taz por zaoz thôngz nhoz tỉnh tsênhv chuv tôngv krêz uô ntâu tsưr ziv, truôx siêz tsi chiê cêr muk lok tsi tâu. Zơưv Nguyễn Văn Hưởng, Phưv giám đốc Sở zaoz thôngz vênhv teiv Lai Châu puz pâuz:

“Nhiv no Sở cux tưz chox kriê têx phongx, ban muôx lênhx coaz, têx tsưr thâux muôx tsưr ziv bax meir, lênhx nênhs cux xưk li chuôz zênhx dưv phax sâuv têx qơư njuôs xav muôx tox poz. Thôngx cxix, Sở cux chox kriê têx taz viv seiz car têx qơư njuôs xav muôx tox poz chiê car chêx, taz por tsonogv box thiêz yêz muk lok tâu sei tiv zix”./.

(K.Kiên-Txâur Vax cxeik nhênhv

Uô lơưr hâux lưv sêiz kaz, ntâuk gri yưv pênhr txix chor dưv anr sâuv thax tsav tỉnh Sơn La, hâur 3 shông tror lok no, Sở Tsưr ziv thiêz Yưv pênhr tỉnh Sơn La tưz qênhz yuôx, sêiz kaz 840 ntâu dưv anr, hâur co pov muôx 14 dưv anr yưv pênhr uô cxâuv. Chor dưv anr pov uô cxâuv tsêx trung nhoz chor dưv anr yưv pênhr sir zôngv pênhr nhiêx txơưr; phênhv ntâu zos yưv pênhr tsik uô lơưr têx hêik pâuz lok sêiz kaz, ntâuk gri yưv pênhr tsik so lơưr cui tênhv; chor nênhs yưv pênhr tsik uô jông huv zos lơưr têx tsênhv njiêz tưz đăngk cir ntơưv Cuêz tênhv tsưr ziv yưv pênhr. Zơưv Phùng Mạnh Hiệp, Phưv Giám đốc Sở Tsưr ziv thiêz Yưv pênhr tỉnh Sơn La puz pâuz:

“Chor cơ quan, taz viv, tiv zix zos chor tsưr yưv pênhr tsik tâu uô jông, ndar six hơưv hêik pâuz têx phiv liv. Sik côngv nhoz têx cơ quan, ban, nganhx muôx vax huôv hâur njuôk xav thiêz sêiz kaz kriz uô dưv anr tsik tâu truôx jông, tiv zix zos têx dưv anr tsik zos yưv pênhr txix nhiêx txiêx têz qơưk. Iz chas co, zos Têz qơưk têx cêr chêi lok côngz xưv sêiz kaz, ntâuk gri yưv pênhr côngz tsik tâu truôx tuk, têx thâuv tsênhv muôx hlôngr yiêz, têx ntâuz ntơưr chox kriê lok côngz xưv sêiz kaz ntâuk gri yưv pênhr côngz kênhz đuô tsưr ziv tso tơưv”./.

Lê Hạnh-Lik Thox cxêik nhênhv)