BHXH tỉnh Lai Châu nhiv kruôr sik côngv đros zênhx hàng muôv muôs cổ phần yưv pênhr thiêz huôv tsar VN-chi nhánh Lai Châu khơưk muôz 261 đeiv ntơưr BHXH txưv zênhv thiêz ntơưr BHYT trâu tsôngv box muôx luz nênhx txov nhêv tiv coz nas chuô số 3 tas nro tsiv grê 276 tsov đeiv. Chor nhiêx txiêx no zos zênhx hangx muôv muôs cổ phần yưv pênhr thiez huôv tsar VN- chi nhánh Lai Châu paz txưv. Pos Vũ Thị Hoài Gương, Phưv giám đốc BHXH tỉnh khav tênhv, BH zos Đảng thiêz pêz têz qơưk li iz chính sách nox nhoz xã hội coaz tsôngv chiê paz tsôngv box tâu por vêv, tsoz phưz jông đas jos. Hâux lưv paz ntơưr BHXH txưv zênhv thiêz ntơưr BHYT jiês no zos gôngr phênhv pheiz kênh, paz pox nhuôk tror cxiv kho luz nênhx. Pos Lê Thị Ngọc, nhoz tuêv 7, phường Quyết Tiến, TP Lai Châu, tâu jênhv paz ntơưr BHYT shir phaz heik:

“Cur chuôz zis muôx cur tuk txir trâus txiêz nanv, 1 lênhx cxơưx trâu chuôz zis thiêz tsoz phưz 2 tul mê nhuôk tsênhv zâu, luz nênhx lok six phev liv viv li tsi car xar txos hâux lưv zuôr ntơưr BH. Hnuz no tâu tsaz yênhx khơưk muôz ntơưr BH, chiê tov kaz no thâuv muôx moz gênhs zuôr tâu paz txưv chiê chuôz zis txu grês phênhv tưs têx phêv liv”./.           

(K.Kiên-Txâur Vax cxeik nhênhv)

Đhâu iz hlik ntâu cxiv tsa, dưv anr qơư nhoz yiêz Làng Nủ, xã Phúc Khánh, huyện Bảo Yên, tỉnh Lào Cai tsênhv fuô uô tâu jông trơưk hâux lưv tso tơưv. Iz luz jok yiêz đros thiêz têx tsêr tsar lơưx tsênhv jux juk uô tiêr, iz phênhv tưs paz đơưk tsôngv pêx xênhv nhoz no têx cêr plox, pôngz siêz. Đhâu têx luôs hâux lưv khơưz kror ndêx, đhok têx kraz, cxiv puôz nja tsêr, txos nhiv no, têx luz tsêr yiêz xuz thơưx nhoz Làng Nủ tưz tâu vor vuôk, yênhx tsêr tsar lơưx xưk tsôngv box cêr phôngz cxưx. Njuôk xav uô tiêr iz luz tsêr zuôr tas nhos 20-30 hnuz. Cxuô taz viv tsênhv sir jos cov txos hnuz 22/12 zuôr uô tiêr tas nro 40 luz tsêr thiêz iz tsêr cơưv ntơưr, tsêr vênhx huôv, đros trâu têx côngz trênhx zov chênhr hâur thax tsav Làng Nủ. Thượng tá Vũ Đình Dũng, Binh đoanx 12-Bộ Côx phax, seiz car côngz trênhx cxiv uô têx tsêr ntơưv Làng Nủ heik pâuz, huôk njôngr têx hnuz kruôr krơưr, sơưr đơưk sir jos lês uô têx hâux lưv zok muôz, nhiv no pêz muôx xar txos 300 lênhx nênhs sik hlôngr njo uô hâux lưv hâur niêx hnuz hmo.

“Hmo ntux mak pêz uô têx hâux lưv siz thiêz zôngx ziv mê njik, iz zav li khơưz kuô tsêr, cxok ndêx, đhok uô kror trôngx, lênhv plas tsêr, taz sik pêz cux heik sơưr đơưk uô hâux lưv tsuv taz por truôx tuk”./.

An Kiên-Riê Lâux cxeik nhênhv

Đhiê pax vuôs xòe- zos nênhs Thái ntơưv VN li iz vênhx huôv trâur lâuk tưz tâu Tsưr tsix zaoz zux, khoa học thiêz vênhx huôv LHQ (UNESCO) sâu jênhv zos di sản vênhx huôv phi vật thể jông. Chiê di sản pax vuôs xòe Thái tror tâu tuôr tsês, phuôx huiz tsiv grê hâur luz nênhx xã hội, têx cấp, nganhx, tiv phaz hâur thax tsav Tây bắc tưz thiêz tsênhv sir jos krêz uô huôx tôngv tsênhv tsênhz. Ntơưv Sơn La, nhiv kruôr jê ntơưv no, jiês xuz thơưx pax vuôs xòe Thái tâu chox lok thik hâur cxix luôk tsêr cơưv nhoz tỉnh. No zos jiês thik “Nriêr pâuz pax vuôs xòe Thái” tsưr tsix hâur tsaz yênhx ngoại khóa nhoz tsêr cơưv cxênhx 1, cxênhx 2 Chu Văn An, nhoz tsêr cơưv Đại học Tây Bắc TP Sơn La, tỉnh Sơn La. Shux xênhz Lò Đức Anh, cơưv lớp 12A, lênhx nênhs chiv chir xar tơưv tiết mục trâu zuk tuêv thik pheiz kênh:

“Cur pov lok six shir phaz. Cur zos iz lênhx nhuôk mênhx cxưx Thái thiêz zos hluôk nênhs, cur lok six xar tâu cơưv cxaz thiêz heik kriê txos têx fênhx zưs txơưr pâuz lok mênhx cxưx Thái li vênhx huôv jông, hâur co muôx 6 yax pax vuôs xòe Thái. Cur zuôr đros têx fôngx zưs tuôr tsês vênhx huôv jông no”./.

(Thu Thùy-Txâur Vax cxeik nhênhv)

Công an huyện Mù Cang Chải, tỉnh Yên Bái nhiv kruôr ntêk cxov Phàng Xênhv Thox thiêz Phàng pox niêv zos Trông Xênhv Zax, xênhz shông 1989 nhoz jok Pú Nhu Háng Sung, xã La Pán Tẩn, huyện Mù Cang Chải lok sâuv tuôr tsês lênhx nênhs tsi trơưk chei ntơưv jok Pú Nhu Háng Sung, xã La Pán Tẩn.

Trơưk li cơ quan qênhz yuôx, thâuv hli 5/2024, Phàng gơưk 2 niêv txir tsi so trâus muôx moz gênhk, muk kho ntâu qơư lok moz tsi jông thiêz txos hnuz 19/7 tưz hu chor cưr tix tuôx ntơưv tsêr chiê seiz lax sêz zuôr kho li chas. Txos 4 six zar zuôr tsâuk ntux đros hnuz, Lưv Xênhv Muôk, xênhz shông 1961 nhoz uô cê iz jok tuôx seiz shuôs. Thâuv co Phàng tưz xar tiêk, Lưv thiêz Lưv pox niêv zos Mào Xênhv Thox gơưk uô nênhz, tso đaz tuôx, Phàng 2 niêv txir thiêx trâus muôx moz li ntơư, chênhr viv li Phàng thiêz iz cxiê lênhx cưr tix tưz muôz Lưv 2 niêv txir ntêk khi tsês. Txos 5 six ntâu tsâuk ntux, zơưv Thox Xênhv Lik, tổ tsar tổ txiv ngaz jok Pú Nhu Háng Sung tuôx cov tso Lưv 2 niêv txir, tsi tâu muôz khi li co, thâuv ntơư lơưr thiêx tso. Cơ quan Cảnh sát qênhz yuôx Công an huyện Mù Cang Chải tưz tso tơưv quyết định ntêk cxov Phàng Xênhv Thox, Án Xênhv Thox lok sâuv khi tsês lênhx nênhs tsi trơưk chei lơưr yôngx 2, Grê 157 Bộ luật hình sự. Iz chas ntơư, tso tơưv quyết định ntêk Thông Xênhv Muôk, Cuôv Xênhv Thox, Đruôl Xênhv Thox lok sâuv khi thiêz tuôr tsês lênhx nênhs tsi trơưk chei lơưr yôngx 1, Grê 157 Bộ luật hình sự. Nhiv no txuz nuv co tsênhv tâu cơ quan Cảnh sát qênhz yuôx Công an huyện Mù Cang Chải tror qênhz yuôx, uô tsênhz mênhx./.

VOVTB-Riê Lâux cxeik, nhênhv