Hnuz 3/2, tỉnh Lào Cai tưz tsưr tsix Jiês cơưv kriz uô jênhv vưv thâuv hâur chêix ntux yiêz Naz shông ciês hâur hnuz piz kriz uô hâux lưv đhâu jiês so Tsiêz. Zơưv Vũ Xuân Cường, Phưv Bí thư Thường trực Tỉnh ủy, Chủ tịch Hôiv đôngx tỉnh Lào Cai hêik cxuô cấp, cxuô nganhx, thax tsav qơư tsuv sir jos uô ciês txix thâuv hâur shôngk shông chiê uô tâu jông Tỉnh ủy li Nghị quyết sôr 55 lok têx tsưr ziv, jênhv vưv shông 2025 tưz tso tơưv: “Cxuô cấp, cxuô nganhx, yênhx cơ quan, taz viv, yênhx canr bôv, đảng viên, côngz chức tsuv xav jênhv trâu zuk têx hâux lưv tsuv uô ciês đhâu jiês so Tsiêz thiêz têx hâux lưv tsuv tâu sir jos uô hâur shông 2025 no”./.

An Kiên-Lik Thox cxêik nhênhv

          Ntơưv têx tiv phaz li phường Yên Ninh, TP Yên Bái, tỉnh Yên Bái; zênhx pênhz phax Sin Suối Hồ, xã Sin Suối Hồ, huyện Phong Thổ, tỉnh Lai Châu thiêz TP Sơn La, tỉnh Sơn La tưz sik đros tsưr tsix uô ntênhs “Tsiêz chos ntông tiêv tiêv ndo txos Hloz Hôx” cheix ntux yiêz Naz shông 2025. Phongz yaox “Tsiêz chos ntông” tâu tsưr tsix reik đros uô côngz xưv seiz car, por vêv thiêz chos jôngr, chos ntông txix ciês hâur shôngk shông 2025. No zos jiês huiz tôngv pênhr jos, paz têx chiêz coaz, tsưr tsix, doanh nghiệp, đoanx thêv, tsêr cơưv, lưx lươngv vũ trang thiêz cxuô cxênhx nênhs sir jos cxaz chuôz chos ntông, chos jôngr, zơưv Hà Như Huệ, giám đốc Sở kôngz nuv thiêz huôv tsar nôngx cxênhz tỉnh Sơn La puz pâuz: “Đros SƠn La, shông tưs no cux zos huôx tôngv lok six muôx ziz njiêz tsênhv tsênhz, paz phongz yaox chos ntông, chos jôngr, por vêv tênhx qơư; paz uô niêv đrôngs, nôngx cxênhz jông jav đuô, paz huôv tsar jôngr…”./.

VOVTB-Txâur Vax cxeik nhênhv

           Chor ntênhk hôiv li Gruôv tox, Xòe Chiêng, Lùng Tùng, Hạ Khuống, Txi côngv jôngr, Xên Bản, Đoong Xía…. Hêik txos têx vênhx huôv mênhx cxưx jông zos têx xor xưv tâu kriz uô hâur Ntênhk hôiv Chêix ntux yiêz ntơưv Lai Châu shông no. Sở Vênhx huôv, Thể thao thiêz Du lịch Lai Châu puz pâuz, shông no ntơưv thax tsav qơư zuôr tsưr tsix xar muôx 80 huôx tôngv vênhx huôv, thể thao, du lịch, hâur co txix nhiv no txos tas hli 3zuôr tsưr tsix xar muôx 30 ntênhk hôiv ntux yiêz. Iz ntênhk hôiv ntux yiêz puôr lênhx muôx têx vênhx huôv mênhx cxưx jông. Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch Lai Châu puz pâuz: Chor ntênhk hôiv ntux yiêz ntơưv Lai Châu puôr lênhx muôx kror cxuô zos hêik txos têx vênhx huôv hâur uô kôngz nuv, lênhx nênhs thiêz têx đrox tsuôs chiv xênhz. No zos jiês chiê tsôngv box cxuô mênhx cxưx uô tsâus ntux têz tưz paz sâu tâu kôngz lôngk ntâu thiêz vav muôx tâu iz shông yiêz luz nênhx tsâu sor, thiêz shir phaz./.

Khắc Kiên-Lik Thox cxêik nhênhv

           Lok hnuz lơưr kaz ciês hâur hli 1 zênhz lix yênhx shông, pox nhuôk mênhx cxưx Hmôngz nhoz Nà Hẩu, huyện Văn Yên, Yên Bái ho gra lơưr buô đuz, lâur keiz đơưz, pox keiz đuz, chơưr, nduôr…muk pêv har jôngr chiê tsưr tsix “tsiêz hu plis jôngr” đros co zos têx huôx tôngv tưr thik thiêz piêr đhiê têx tsưr ziv uô si trâur lâuk, heik cưr cxiêx, đhiê pax vuôs…Đros têx tsiv grê coaz tsôngv co, hli 12/2024, tsôngv box Hmôngz Nà Hẩu li Ntênhs hu plis jôngr tưz tâu Bộ vênhx huôv-thiv thao thiêz ju lix côngz jênhv zos di sản vênhx huôv phi vật thể têz qơưk. Zơưv Phạm Trung Kiên, Phưv Chủ tịch UB huyện Văn Yên, tỉnh Yên Bái puz pâuz: “Huyện tưz tso tơưv tsưr ziv tuôr tsês thiêz phuôx huiz tsiv grê vênhx huôv phi vật thể đros tsôngv box Hmôngz Nà Hẩu li ntênhs hu plis jôngr txos shông 2030. Thiêz ntu zuôr txos pêz zuôr tror heik kriê ntênhs phêv no, thôngx cxix tsưr tsix ntênhs phêv reik đros têx huôx tôngv yax mông lok por vêv tênhx qơư thiêz huôv tsar truôx tsưr ziv uô nox trâu tsôngv box”./.

Thừa Xuân-Txâur Vax cxeik nhênhv