Thôngz sâu txix ngênhx ju lix ntơưv qơư tso pov, xav hur si têx lênhx kruô tuôx Lào Cai ndis shuôs têz qơưk uô si hâur 2, 3 hnuz so nhiv kruôr đhâu muôx 220 cxênhz ntâu lênhx, tsơưs đuô tsưr ziv njuôk xav xuz thơưx zos 290 cxênhz lênhx. Hâur co, thax tsav iz txưv to bê zos Sa Pa tsuôk tok tâu 95 cxênhz ntâu lênhx kruô, bâuv iz đraz pir li tsưr ziv njuôkx xav. Txơưv chor kruô tuôx ndis seiz têz qơưk tsi chôngz li tsưr ziv njuôk xav, taz sik tas nro Lào Cai phênhv sâu tâu txix ju lix hâur têx hnuz so ntênhk tax 700 tyv đeiv, tsar ndê 30% pir li shông uô ntêx. Ntâuk grê cxuô lok têx li heik co tso pov, ntơưv Lào Cai uô têx luôs hâux lưv phưx vưv kruô tuôx ndis shuôs têz qơưk, taz por truôx tuk thiêz jông. Ntâu xor xưv, txux chi, qơư  jông tâu tsôngv kruô kruôs txos li: Ntênhs hội pax nyuô blêiv Fansipan, Hnuz hội ndis seiz nênhs Cho Sa Pa têx txux chi vênhx huôv jông, hnuz hội vênhx huôv Nghĩa Đô (Bảo Yên)…../.

An Kiên-Riê Lâux cxeik nhênhv

     Txos hnuz so uô kaz ciês hâur jiês so ntênhk 30/4-1/5, lơưr qơư tsar đrêk yêz thâux xa kruô tỉnh Yên Bái thiêz têx huyện hêik pâuz, chor kruô muk lok chuôz ndê chông lênhx đuô, taz sik tsik pov muôx yưv muk lok tsik tâu thiêz têx yêz thâux chôngz lênhx nênhs. Zơưv Đinh Đăng Khoa, Phưv Giám đốc Công ty Cổ phần Vận tải Cêr đêx-Cêr ar Yên Bái puz pâuz: Jiês so ntênhk shông no chor kruô cux chuôz ndê chôngz, taz sik tsik muôx yưv thôngx chôngz, tsik tsuv cxaz nzir têx yêz. Hâur jiês so ntênhhk, lưx lươngv muôx vax huôv tỉnh Yên Bái cux tsik so qênhz yuôx, hêik thiêz xưv lik têx uô cxâuv lok ngaz tuk zoz thôngz, tiv zix zos têx qir tiv zôngx ziv uô muôx yưv txiêz nanv zoz thôngz li muk chênhr, hâuk chơưr biaa thâuv tsar yêz…/.

Thừa Xuân-Lik Thox cxêik nhênhv

      Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Điện Biên heik pâuz sei: Coz nas lox, chuô hloz nhiv kruôr đhâu lok hâur thax tsav chor huyện Điện Biên, Tủa Chùa thiêz TP Điện Biên Phủ tưz uô ruôr hiêv tas ntâu têz qơưk thiêz tsôngv pêx xênhv têx chuôz zênhx chuôz tas. Njuôk xav tas nro têx trâul ruôr hiêv tas muôx nhos 7,6 tyv đeiv. Nhiv no Ban seiz car phax tar ntux uô ruôr hiêv thiêz zok nriêr chơưv paz lênhx nênhs chor huyện tsênhv đros Ủy ban cxuô xã, taz viv muk ntơưv qơư qênhz shuôs têx trâul puôk tsuôx, tsi jông thiêz chox kriê cxuô ban ngênhx ntơưv qơư paz max chor chuôz zis trâul ruôr hiêv cxiv kho, khưx phưx têx tsi jông, truôx tuk luz nênhx. Lơưr qơư njuôk ntux yar ntux nas tỉnh Điện Biên, nhiv no tsênhv zos cheix ntux txơưr txar phiv liv, viv li zôngx ziv muôx yưv têx tsi jông li: Lok nas lox, khâur jênhs chuô…. Chênhr zos li heik co, tsôngv pêx xênhv sơưr đơưk tsuv sox seiz njôngr ntux têx txơưr txar  thiêz chênhr phax./.

Vũ Lợi-Riê Lâux cxeik, nhênhv

       Công an huyện Mộc Châu (Sơn La) puz pâuz, taz viv nhiv kruôr muôx cuêz tênhv tik cêr cxâuv trâu Đinh Văn Khiến, zus shông 2003, nhoz jok Ngà, xar Tân Xuân, huyện Vân Hồ (Sơn La) lok kror cxâuv “Huôz nox zuôr cxuô zav”. Uô ntêx co, Công an huyện Mộc Châu txêik tâu iz lênhx nênhs xa ntơưr tuôx tiêk xar muôx 8 six  tsâuk ntux, hnuz 29/4 thâuv tsênhv đrêk mnôngs điện thoại ntơưv ntu cêr nhoz tiểu khu 8, xar Chiềng Sơn, huyện Mộc Châu chêk trâus oz lênhx hluôk nênhs lok ntâuk. Đhâu co, oz lênhx nênhs no huôz luz mêir điện thoại thiêz nhiêx txiêx gra khiêr muk. Công an huyện Mộc Châu tưz sir jos qênhz yuôx, zok nriêr thiêz xav jênhv tâu nênhs huôz co zos Đinh Văn Khiến. Nhiv no, txuz hâux lưv tsênhv tror tâu cơ quan Cảnh sát qênhz yuôx, Công an huyện Mộc Châu tror qênhz yuôx nriêr pâuz cov tsênhz mênhx./.

TTTB-Lik Thox cxêik nhênhv