Tas nro tỉnh Yên Bái nhiv no muôx zuôr xar 3.000 doanh nghiệp, iz shông gôngr côngv muôx 60% ntâu phênhv sâu hâur thax tsav tỉnh. Xav hâur shông 2022, muôx 37 dự án tâu tỉnh Yên Bái thôngx ziv chiê yưv pênhr uô đros muôx tas nro pênhr nhiêx đăngk cir zos zuôr xar 10,8 cxênhz tiv đêiv, tas nro chor dự án tâu tỉnh cuêz tênhv yưv pênhr zos 600 dự án. Iz cxiê tập đoàn, doanh nghiệp lox li: Vingroup, TH, Eurowindow, APEC, Cường Thịnh Thi, Bảo Lai… tsênhv kriz uô têx dự án lox thiêz têx kror muôx liv ntơưv tỉnh. Chor dự án tưz uô tiêr tâu muôz lok huôx tôngv tưz paz muôx tâu ntâu kror jông hâur kinh doanh, paz hlôngr yiêz jông hâur kinh têr, gra siêz tsiv gri uô nox, paz muôx hâux lưv uô trâu 45.700 ntâu lox tôngv, đros phênhv sâu xav luz đraz txix 7-8 triệu đêiv iz lênhx nênhs iz hli./.

T.Xuân-Lik Thox cxêik nhênhv

Têis cik 5/3, ntơưv hêir nênhs Thái đơưz Tây Bắc li thax tsav ar liêz nhoz xar Mường So, huyện Phong Thổ (Lai Châu) tưz tsưr tsix Ntênhk hôiv Nàng Han. No zos hêir nênhs Thái đơưz li phongx cxưx cxôngx nzor, chiê ndo txos lênhx pox niêv zênhz shông Nàng Han-iz lênhx pox niêv uô thơưx hêir nênhs Thái đơưz tưz sir jos chiê ntâuk châuv tros châuz, paz trâu jêx jok tâu tiêx tuk. Têx shông jê lok no, ntênhk hôiv tâu tsưr tsix tsik so tưz zaz zâuv chôngz lênhx nênhs thiêz tsôngv kruô tuôx sêiz shuôk. Tsôngv box Thái đơưz nhoz Mường So, Khổng Lào, huyện Phong Thổ li ntâu kror vênhx huôv jông tâu tuôr chiê thiêz phuôx huiz. Ntênhk hôiv tsênhv zos jiês chiê pêx xênhv cxuô mênhx cxưx sik đros uô têx vênhx huôv jông, paz trâu têx huôx tôngv vênhx huôv, vênhx nghệ, têx zav uô si cxôngx nzor tâu huôv tsar, tuôr chiê thiêz phuôx huiz jông./.

Khắc Khiên-Lik Thox cxêik nhênhv

1 cxênhz 100 ntâu luz tsêr kâus kiz jik tưz tâu huyện Sông Mã, tỉnh Sơn La paz uô yiêz đros tas nro nhiêx txiêx uô zos yênhx châuv tỷ đeiv hâur 2 shôngk đhâu. No zos chêx cuk thâuv tas nro cxix luôk chính trị sik côngv tês vênhv tôngv thiêz huiz tôngv têx tsưr tsix, lênhx nênhs siêz jông chiê paz têx ziv chuôz zis pluôs. Lơưr co ntâu taz viv, lênhx nênhs siêz jông hâur thiêz đrâuv tỉnh tưz đros huyện Sông Mã sik paz nhiêx cxiv kho thiêz uô tâu ntâu luz tsêr truôx jông chox lok nhoz, phênhv nhiêx paz iz ziv 20 tsov đeiv. Zơưv Nguyễn Chí Chung, Phưv CHủ tịch UB huyện Sông Mã, tỉnh Sơn La puz pâuz:

“Txos nhiv no, huyện Sông Mã tưz uô tiêr hâux lưv paz paz uô tsêr trâu chor chuôz zis pluôs. Ntơư zos chor chuôz zis hnuz nhôngs muôx txix 40 shông tror sâu. Hâur shông 2023, pêz tsênhv yuôr 107 ziv chuôz zis tsi tâu muôx 40 shông hnuz nhôngs txov nhêv lok tsêr nhoz thiêz huyện Sông Mã tsênhv zuôr krêz uô ntâu tsưr ziv paz, tiv zix zos huiz tôngv pênhr jos sik côngv tês đros huyện paz nhiêx txiêx chiê tsôngv box muôx tsêr truôx khor nhoz, sir jos hâur shông 2023 uô cov tiêr 100% hâux lưv tso tơưv”./.

(Trấn Long-Txâur Vax cxeik nhênhv)

Thâuv txos cheix ntux yiêz, huôz za đơưz pâus sâuv têx nta trôngz nhoz tox siêz Si Ma Cai, têx tsoz txir juôx lox pax tơưs đơưz jông uô thax tsav qơư lok six jông jav. Nôngz txir juôx chos nhoz no phênhv ntâu zos txir juôx VH 6, lok sik txir juôx Tai Nung, muôx hâuk pâus txix Đài Loan. Qir tâu chos ntơưv Si Ma Cai tâu 10 shông ntâu, taz sik muôx nhos 5-6 shông no, txir juôx tâu seiz zos tsoz chos paz cxuôv cêr yeiz pluôs nhoz Si Ma Cai. Nhiv no, tas nro huyện muôx muôx nhos 700 hecta, đros chính quyênx tiv phaz li sik côngv, tsoz txir juôx tâu chos, tsoz phưz jông, sâu tâu 10-12 tênhr txir iz hecta, liv zix sâu lok muôx nhos 200 tsov đeiv. Txix shông 2022, huyện Si Ma Cai tưz cuiz tênhv krêz ntênhs “Pax txir juôx jông jav”. Đhâu shông xuz thơưx tsưr tsix yênhx côngz, shông no, Ntênhs pax txir juôx Si Ma Cai tror tâu krêz uô lok hnuz xiêz 4/3, ntơưv thax tsav chos tsênhv zos Quan Hồ Thẩn./.

(An Kiên-Lan dịch đọc)