Hnuz 5/7, Phưv Chủ tịch Côx hôiv Trần Quang Phương thiêz đoanx côngz xưv Côx hôiv tưz muk qênhz shuôk hâux lưv uô chor Tsaz yênhx tsưr ziv têz qơưk ntơưv tỉnh tox siêz Lào Cai. Phưv Chủ tịch Côx hôiv Trần Quang Phương ntâuk gri siêz Lào Cai li têx sir jos hâur kriz uô Côx hôiv li Nghị quyết thiêz chor tsaz yênhx tsưr ziv têz qơưk. Đhâu co paz txo grêk tsơưs ntâu chor chuôz zis pluôs (grêk 5,82% shông 2022; ciês 10 xar muôx chor ziv chuôz zis pluôs chôngz tiv zix tỉnh grêk 11% ntâu). Phưv Chủ tịch Côx hôiv Trần Quang Phương hêik Lào Cai tsuv sir jos chox kriê, kriz uô cov jông đuô, muôz pênhr nhiêx muôx 100% thiêz uô cov tiêr têx luôs hâux lưv lơưr tsưr ziv tưz tso tơưv. Iz chas co, Lào Cai cux tsuv qênhz yuôx, ntâuk gri chor chuôz zis pluôs, zuôr xar pluôs yênhx shông chiê muôx tâu tsưr ziv paz, yưv pênhr:

“Lơưr cur mak sơưr đơưk hâur zuk vax huôv nhênhz chơưv têx tsưr ziv chiê uô uô cê, phêiz côngz uô hâux lưv cov uô tâu trơưk tsưr ziv thiêz kriz uô cov huv đros. Sơưr đơưk zuôr nhênhz chơưv choz zok tas nro pênhr nhiêx 3 tsaz yênhx trâu cấp huyện, kriz uô ntơưv iz luz huyện tưz chiê kriz uô sêz puôk uô tâu li Nghị quyết Côx hôiv tưz tso tơưv”./.

An Kiên-Lik Thox cxêik nhênhv

Đhâu iz đraz six cxiv uô tsưr ziv yênhx tsênhv qơư sir zôngv kôngz nuv công nghệ siêz; tsênhv qơư tsiv uô xiv huv kôngz nuv thax tsav Tây Bắc, tỉnh Sơn La tưz muôx zuôr xar 22 cxênhz 500 hecta mênhv chêx tsoz chos lơưr tsưr ziv tsiv uô kôngz nuv jông thiêz têx ploz tsênhr txơưr; 281 mã số thax tsav chos đros mênhv chêx 4 cxênhz 600 hecta ntâu tsoz ntông nox txir phưx vưv muôs tơưv saz đrâuv têz qơưk. Txos nhiv no, tỉnh tưz muôx 17 tsêr meir thiêz 500 ntâu qơư tsiv uô xiv huv kôngz nuv. Shông 2022, txơưv trâus zênhr shar ntâu tiv moz Covid-19 thiêz kinh têr tsi huôv tsar, tsiv grê kôngz nuv tas nro tỉnh cux chuôz ndê 2,23%, njuôs xav 6 luz hlik hâur shôngk shông chuôz ndê 5,74%...Zơưv Nguyễn Hữu Đông, Ủy viên TW Đangv, Bí thư tỉnh ủy Sơn La puz pâuz:

“Trung ương cux lok six xar njôngr Sơn La hâur ntu zuôr txos zuôr yênhx tsênhv qơư tsêz chos, tsiv uô xiv huv kôngz nuv thax tsav Tây Bắc. Uô trơưk Bộ chính trị li ntâuk grê, pêz zuôr sir jos tsov cưv huôv tsar năng lượng thiêz zuôr huôv tsar công nghiệp tsiv uô xiv huv kôngz nuv thiêz zos vênhv thix tâu tỉnh tsov cưv xuz thơưx”./.

(Thanh Thủy-Txâur Vax cxeik nhênhv)

Khov muôx 3 tsaz yênhx tsưr ziv têz qơưk, txix shông 2022 txos nhiv no huyện Mường Tè, tỉnh Lai Châu tâu yưv pênhr xar muôx 350 tiv đêiv. Lơưr co, thax tsav qơư tưz choz trâu chinhr quyền têx xar, thị trấn uô tsưr yưv pênhr 16 dưv anr, khov lơưr nus pêx xênhv li siêz xar. đhâu xar muôx 2 shông kriz uô chor dưv nar, chor jêx jok tưz muôx ntâu hlôngr yiêz, pêx xênhv luz nênhx cux tưz hlôngr yiêz ntâu, tiv zix zos tsôngv box mênhx cxưx tsơưs nênhs muôx luz nênhx txov nhêv li: Cống, Mảng, Si La, La Hủ… Zơưv Đào Văn Khánh, Chủ tịch Ủy ban huyện Mường Tè, tỉnh Lai Châu puz pâuz, txos nhiv no thax tsav qơư tưz muôx 3 xar uô tiêr cxiv tsa jêx jok yiêz thiêz shông no sir jos cov muôx nzir 1 xar uô tiêr cxiv tsa jêx jok yiêz. Tsaz yênhx txo grêk yêiz pluôs tưz paz txo grêk chor chuôz zis pluôs hâur huyện yênhx shông txix 6 txos 7% thiêz nhiv no yuôr xar muôx 52% lơưr tsưr ziv yiêz./.

Khắc Kiên-Lik Thox cxêik nhênhv

Iz chuôz zis muôx 6 lênhx nênhs nhoz xã Phình Sáng, huyện Tuần Giáo, tỉnh Điện Biên sik thâux sâuv iz luz yêz meir, thâuv tsênhv muk đhâu njưk đêx trâus kruôr đêx tưz trâus đêx sâuv trôngz ntưs lok cuôr yôngz lơưv 2 tul mê nhuôk lok six pôngz siêz. Chuôz zis trâus nanv zos lênhx nênhs hâur tiv phaz thiêz txuz hâux lưv no muôx yưv thâuv 5 six 20 phênhz zar hnuz keix hnuz xiêz 4/7. Thâuv co, tix lâuk Của Xênhv Shôngx 2 niêv txir nhoz jos Nậm Din thâux 4 tul mê nhuôk sâuv luz yêz meir muk txix pêv têz tror lok tsêr. Thâuv muk đhâu njưs đêx nhoz tsênhv qơư thax tsav jos txơưv trâus đêx cuôr yôngz sâuv trôngz siêz lok. Tiv tsi tsưv ziv, đêx lox viv li luz yêz meir trâus kâus. Ciês thâuv jênhv tâu xor mông, chính quyênx tiv phaz tưz huiz tôngv têx lưx lươngv ntơưv qơư thiêz tsôngv box paz nriêr lênhx nênhs. Đhâu 1 six hơưv sir jos nriêr, tix lâuk Của 2 tul mê nhuôk tưz tâu nriêr pov thiêz chox muk qơư y tế chơưv kho taz sik chơưv tsi tâu./.

(Vũ Lợi-Txâur Vax cxeik nhênhv)