Tas cik hnuz xiêz 05/9, 151 cxênhz ntâu lênhx shux xênhz ntơưv 337 tsêr cơưv nhoz cxuô cxênhx cơưv hâur thax tsav tỉnh Lai Châu tưz krêz shông cơưv yiêz. Uô ntêx hnuz krêz shông cơưv yiêz, Sở Zoz zuzz Lai Châu tưz choz trâu cxuô luz tsêr cơưv, lar heik zos têx tsêr cơưvtox siêz đêz đrôngs, thax tsav tsôngv box heir nênhs tsơưs txov nhêv bax tsaz yênhx, six hơưv tsưr tsix krêz shông cơưv yiêz cov huv đros trâu tsênhv tsênhz ntơưv thax tsav qơư. Zơưv Lưu Hồng Phương, Phưv Giám đốc Sở Zoz zuz Lai Châu heik pâuz, tỉnh tsưr ziv hâur shông cơưv no cux tror hlôngr yiêz tsaz yênhx zoz zux phưv thôngz, cux li fuô uô tsaz yênhx zoz zux cxênhx nhuôs zâu yiêz. Chênhr viv li, Sở zuôr tror phênhz têx lênhx canr bôv lês uô hâux lưv seiz car, cưk kriê ntơưr cov huv đros taz por tsơưr lươngv, lênhx nênhs uô hâux lưv, lar heik zos khưx phưx muôx tsi txâuk cưk kriê ntơưr li nhiv no./.

                                           Khắc Kiên-Riê Lâux cxeik, nhênhv

          Shông cơưv no, Yên Bái muôx 7 cxênhz 100 chor lớp cơưv, đros 230 cxênhz ntâu lênhx shux xênhz. Uô ntêx shông cơưv yiêz, zuôr xar 150 qar cơưv yiêz thiêz 100 cxênhz ntâu qar bộ môn nhoz têx tiv phaz tưz tâu uô tiêr thiêz chox lok sir zôngv. Zơưv Đào Anh Tuấn, Phưv giám đốc Sở zaoz zux tỉnh Yên Bái puz pâuz: nhiv no tiv phaz tsênhv yuôr qênhx shênhx muôx tsi txâuk cưk kriê ntơưr, tiv zix zos cưk kriê tin học thiêz luk Anh nhoz têx tsêr cơưv tox siêz, viv li tỉnh Yên Bái thiêz nganhx zaoz zux tsênhv yênhx trus khưx phưx: “Đros iz tỉnh tox siêz li Yên Bái chiê khưx phưx tâu qênhx shênhx muôx tsi txâuk cưk kriê ntơưr tsuv muôx six hơưv thiêz uô yênhx trus. Pêz tưz heik tỉnh, têx tiv phaz uô têx tsưr ziv bax, pheiz côngz cưk kriê muôx tsưr ziv kriê cov huv đros hâur têx tsêr cơưv. Đros cưk kriê luk Anh tror tâu heik muk txix TP yên Bái thiêz têx huyện Yên Bình, Trấn Yên, thị xã Nghĩa Lộ muk paz huyện tox siêz Trạm Tấu, Mù Cang Chải…../.

(Thừa Xuân-Txâur Vax cxeik nhênhv)

           Ntơưv tỉnh Sơn La, 600 ntâu luz tsêr cơưv, 370 cxênhz ntâu lênhx shux xênhz cxuô cấp tưz shir phaz lus dưv ntênhs krêz shông cơưv yiêz. Luôs hâux lưv krêz shông cơưv yiêz ntơưv cxuô luz tsêr cơưv tsưr tsix uô jông thiêz sei, lov jêv, muôz cêr shir phaz trâu cưk kriê ntơưr, shux xênhz hâur shông cơưv yiêz. Cưk kriê Nguyễn Thị Quế, thơưx seiz car tsêr cơưv cxênhx iz Chiềng Lề, TP Sơn La heik pâuz: “Uô lơưr tsưr ziv shông cơưv, tsêr cơưv xav tinhv hlôngr yiêz tsưr ziv kriê txux chi; tiv 2 gra siêz chor canr bôv, cưk kriê ntơưr, nênhs uô hâux lưv hâur tsêr cơưv li txơưx jênhv; sik thôngx siêz, bax, xar tơưv têx tsưr ziv jông hâur lês uô hâux lưv zok muôz....chiê gra siêz tsơưr lươngv zoz zux trâu shux xênhz”./.

                                    Trấn Long-Riê Lâux cxeik, nhênhv

          Cux nhoz Sơn La, lơưr Chi cục jênh số- tsưr ziv xênhz zus nhuôk tỉnh li thôngz sâu, shông 2022, tas nro tỉnh muôx zuôr xar 700 lênhx nênhs siz zuôr nzor thâuv tsi tâu txưv shông, tsav 10% ntâu chor gơưv niêv txir. Hâur 3 luz hlik hâur shôngk shông 2023, tas nro tỉnh muôx 335 lênhx nênhs siz zuôr nzor, phênhv ntâu zos nhoz thax tsav tsôngv box Hmôngz, Thái. Têx huyện muôx lênhx nênhs siz zuôr nzor zos: Phù yên, Bắc yên, Mường La.Chiê phax tar thiêz tso tsês qênhx shênhx no, zơưv Xuân Nếnh Xênhv Thox, Phưv tsar Ban mênhx cxưx tỉnh Sơn La puz pâuz, nhiv no têx tiv phaz tsênhv chêx chôngk thôngz xor mông txos têx lênhx mê nhuôk shux xênhz tsêr cơưv cxênhx 3, cxênhx 2 chiê têx mê nhuôk jênhv pâuz tâu têx tsi jông thâuv siz zuôr nzor, siz zuôr cxênhz jê. Têx đoanx thêv nhoz jêx jos cux paz max chiê gôngr phênhv txu grês qênhx shênhx siz zuôr nzor hâur tsôngv box mênhx cxưx tsơưs nênhs./.

(Bích Thủy-Txâur Vax cxeik nhênhv)