Hâur shông 2022, tỉnh Sơn La tưz cxiv uô jông 213 txox cêr muk lol jêx jok, ntêr 105 ntâu cêik, xav hur si têx nhiêx txiêx yưv uô tas zuôr xar 135 tyv đeiv. Hâur co, pêx xênhv gôngr côngv xar muôx 44 tyv đeiv, phênhv ntâu zos hnuz côngz lox tôngv, muôz ar thiêz paz têx suôz jêz uz no….. Txos nhiv no, Sơn La tưz muôx 78 hâur 188 xã uô tiêr luôs hâux lưv uô cêr muk lol jêx jok hâur cxiv tsa jêx jok yiêz. Zơưv Nguyễn Văn Chính, Phưv Giám đốc Sở Zoz thôngz tỉnh Sơn La heik pâuz:

“Ngênhx zoz thôngz zuôr tror nhênhz chơưv trâu Ủy ban tỉnh, cxuô thax tsav qơư uô têx tsênhv chei lok cxiv uô jông cêr muk lol jêx jok, zov chênhr zos yax kriê, vênhv tôngv pêx xênhv đros uô thiêz seiz car, tsưx phưv; sir jos nhênhz chơưv sir zôngv, seiz car zôngv têx nhiêx txiêx trơưk tsưr ziv, lar heik zos têx nuv uô cik txos sir zôngv pênhr”./.

Lê Hạnh-Riê Lâux cxeik nhênhv

Ủy ban tỉnh Lào Cai nhiv kruôr tso tơưv tsưr ziv lok “fuô uô luôs hâux lưv por hưv, tsoz phưz nhuôs zâu”, choz Sở Lox tôngv saz pênhz thiêz xã hội zos qơư seiz car, hux jos đros cxuô sở ban ngênhx, tsưr tsix uô têx luôs hâux lưv tsênhv tsênhz. Hâur co, chiê xưv lik qênhx shênhx têx nênhs lâul liv zôngv nhuôs zâu chiê thor nox kruô ndis shuôs têz qơưk ntơưv Sa Pa, tỉnh Lào Cai tưz choz hâux lưv tsênhv tsênhz trâu yênhx lênhx nênhs thiêz cơ quan, taz viv lok luôs hâux lưv co. Công an thị xã Sa Pa zuôr khov lok Ủy ban phường li têx ntâuz ntơưr xuz thơưx, têx uô cxâuv hâur liv zôngv nhuôs zâu muk thor nox chiê qênhz yuôx, xưv bluô chor nênhs liv zôngv nhuôs zâu li heik sâuv, muôz tik cêr cxâuv trơưk chei têz qơưk cui tinhv./.

VOV4-Riê Lâux cxeik, nhênhv

Sir jos cov zos huyện huôv tsar hênhr thiêz tax tâu zos đô thị hov 4, canr bôv, đảng viên, pêx xênhv cxuô mênhx cxưx huyện Sông Mã zênhz shôngx tror sir jos phuôx huiz sik côngv siêz, xar tơưv hâur kriz uô jênhv vưv. Têx shông jê lok no huyện tưz sir zôngv uô kôngz nuv công nghệ siêz, lơưr saz hữu cơ, đros trâu công nghiệp uô, tax tâu ploz tsênhr muôs tơưv saz đrâuv têz qơưk, Sông Mã tưz zos yênhx iz hâur têx thax tsav chos ntâu txir lưv tsiz tiv zix tas nro têz qơưk đros xar muôx 7.500 héc ta, yênhx shông sâu tâu muôx 60.000 ntâu tấn. Chor hax huv txir lưv tsiz Sông Mã muôx tsơưr lươngv siêz, tâu muôs muk trâu têz qơưk Trung Quốc, Anh thiêz EU. Zơưv Lò Văn Sinh, Chủ tịch Ủy ban huyện Sông Mã, tỉnh Sơn La.

“Uô ntêx mak pêz tsênhv yuôr ntâu kror, hâur co tsuv uô lơưr huôv tsar kinh têr xar hôiv uô ntêx tso, lơưr co zos têx luôs hâux lưv tuôr truôx ngaz tuk côx phax, viv pêz zos huyện ntus đriv; txuôk lơưr co zos huôv tsar đros trâu ngaz tuk xar hôiv, y têr, zoz zux, uô li co chiê thị trấn ziv hnuz ziv huôv tsar thiêz uô cov tâu zênhx liv Nghị quyết Đại hôiv Đảng bôv tưz tso tơưv”./.

Trấn Long-Lik Thox cxêik nhênhv

Đros sir jos chox hax huv Việt txos trâu nênhs sir zôngv nhoz thax tsav tox siêz, jêx jok, ntus đriv, têx shông đhâu, tỉnh Lai Châu tưz kriz uô tâu truôx jông Cxiv vênhv tôngv “Nênhs Việt Nam sir zôngv hax huv Việt Nam” chiê paz trâu pêx xênhv nhoz tox siêz, nhoz đêz, ntus đriv tâu sir zôngv Việt Nam li ntâu zav hax huv jông. Iz zav li huyện Phong Thổ muôx 600 ntâu chuôz zis kinh doanh, muôs hax huv ntơưv 17 xar, thị trấn. xar muôx 80% hax huv Việt Nam li: cuô mik, nduôr thax, cxuô zav hax huv, chuôz zênhx sir zôngv, chuôz zênhx điện tử, chuôz zênhx y têr… tâu muôs hâur têx qơư muôs huv lox, zâu, qơư muôs yuôx sâuv thax tsav huyện. Tiv zix, chor chuôz zis, hợp tác xar tưz uô tơưv ntâu zav hax huv tsơưr lươngv tax tâu lơưr tsưr ziv OCOP thiêz tâu muôs sâuv têx ciêz đrôngs hâur thiêz đrâuv têz qơưk li: cxur , yuôx zêx lâul, coz nênhl đơưz, njêl hồi, njêl tầm./.

VOV4-Lik Thox cxêik nhênhv)