Hnuz xiêz 6/7, ntơưv qơư công nghiệp Bắc Văn Yên, nhoz xã Đông Cuông, huyện Văn Yên, UB tỉnh Yên Bái tưz sik côngv đros Công ty cổ phấn Erex (Nhật Bản) tsưr tsix ntênhs krêz uô dự án tsêr meir nhiên liệu sinh khối Erex Sakura Yên Bái. No zos hâux lưv muôx ziz njiêz hơưv tos chiv nhênhv 50 shông tuôv cêr fôngx zưs VN-Nhật Bản (1973-2023). Dự án tsêr meir tâu yưv pênhr uô zos zuôr xar 475 tỷ đeiv, sâuv mênhv chêx đar 3 hecta, công suất 150 cxênhz tênhr njiêr sinh khối thiêz 150 cxênhz tênhr môngr ntông iz shông. Tsêr meir li xiv huv uô tâu tâu zôngv đêz đar trâu têx qơư công nghiệp, têx tsêr meir nhiệt điện...../.

Tuấn Xuân-Txâur Vax cxeik nhênhv

27% zos têx pênhr nhiêx yưv uô têz qơưk tsaz yênhx ntơưv Lào Cai hâur iz đraz shông hâur shôngk shông 2023, pir li tsưr ziv tso tơưv mak no zos iz kro lok six tsơưs. Tsi tsơưs têx phiv liv uô tuôr thênhv txos muôz chor pênhr nhiêx co uô têx tsaz yênhx, chênhr viv li tỉnh tsuv muôx tsưr ziv đơưk tu.

Pênhr nhiêx mak muôz uô ntêx, T.Ư thiêz tỉnh tsưr ziv fuô kriê tov kaz-Co zos tsưr ziv đơưk têx phiv liv. Ntâu tsưr ziv fuô kriê tsi tsênhz mênhx, ntâuz ntơưr uô phiv liv, tsi huv đros tsênhv tsênhz ntơưv qơư, uô têx lênhx tsưr yưv pênhr tsi car uô viv nyei uô cxâuv. Zơưv Lê Ngọc Dương, Chủ tịch Ủy ban huyện Mường Khương heik pâuz nzir:“Têx phiv liv hâur muôz pênhr nhiêx uô têz qơưk têx tsaz yênhx nhiv no phênhv ntâu zos cik txos T.Ư têx ntâuz ntơưr fuô kriê. Tsênhv tsênhz, Mường Khương muôx dưv anr cik txos têx chei paz max chos yuôx zêx thiêz chor tsoz chos chênhr. Pêz xav tinhv iz shông 15 tyv đeiv. Shông 2022, pêz chiê pêx xênhv chos lơưv, nhiêx txiêx cux muôz uô hur si lơưv, taz sik tsi pâuz T.Ư fuô kriê li chas, shor zos tsưr yưv pênhr uô đấu thầu lok sik taz viv sơưr đấu thầu cux tsi tâu pâuz mênhx”./.

                                                                                        CTV-Riê Lâux cxeik nhênhv

Tsuôk hâur iz đraz shông no, tỉnh Lào Cai muôx 387 doanh nghiệp tsuv taz tso tsês huôx tôngv, 44 doanh nghiệp tso tsês tsi huôx tôngv, chuôz ndê 14% ntâu pir đros tsêz no.Txơưv tỉnh Lào Cai tưz chêx chôngk chox kriê, car chêx têx phêv liv muôx lênhx coaz txos ntâuz ntơưr, krêz uô têx tsưr ziv cxơưz tiês huôv tsar doanh nghiệp. Taz sik, tiv moz Covid-19 đros ntâu luôk hâux lưv li nhiêx txiêx trâus pôngz grê, nhiêx liv nhoz zênhx hangx ndê siêz uô zênhr shar txos doanh nghiệp li huôx tôngv tsiv uô kinh doanh. Tỉnh Lào Cai tsênhv sir jos chox kriê krêz uô têx tsưr ziv paz txưv doanh nghiệp car chêx phêv liv, zaz zâuv yưv pênhr đros tsưr ziv chuôz tsar chor doanh nghiệp yênhx lix yiêz thiêz cxơưz tiês huôx tôngv tsiv uô muôx chêx cuk./.

CTV-Txâur Vax cxeik nhênhv

Tuôx trâu xã ntus đriv Phiêng Khoài, huyện Yên Châu, tỉnh Sơn La hâur têx hnuz no, đros têx têz txir mo môngk txi txir ndư tsôngv pêx xênhv tsênhv taz tov sâu đê, tsênhv muôx têx vax txir juôx lok zos txir lê qir siêr jov jơưk zuôr jông đê thiêz. Tâu chos hâur thax tsav Phiêng Khoài xar muôx 10 shông lok no, tsoz txir juôx tâu ntâuk grê zos jông chos trâu suôv qơư no, gra lok phênhv sâu siêz trâu pêx xênhv. Shông 2014, pos Đinh Thị Mây, nhoz jok Cồn Huất 1 chuôz zis zos ziv xuz thơưx hâur xã Phiêng Khoài, huyện Yên Châu, tỉnh Sơn La gra zav txir co lok chos hâur têx liêx têz yuôx zêx tsi jông, niêx shông sâu đê tsi tâu nju ntơư. Txos shông 2018, tsoz chos nox txir no qir txi txir tâu sâu đê fâuv xuz thơưx. Seiz pov huôv tsar chos tâu trơưk tsưr ziv, pos Mây tưz krêz đar liêx têz chos xar muôx 6 ha, đros thiêz 4 cxênhz tsoz. Shông no njuôk xav zuôr sâu đê tâu nhos 30 ntâu tênhr, gra lok phênhv sâu muôx 900 tsov đeiv./.

                                                                       Thanh Thủy-Riê Lâux cxeik nhênhv