Zar hnuz kêix xiêz 6/9, UB tỉnh Sơn La tưz tsưr cơưv Hội nghị côngz fố Chủ tịch UB tỉnh Quyết định uô Chánh văn phòng UB tỉnh. Ntơưv jiês cơưv hội nghị, hâu nov Sở Nội vụ tỉnh Sơn La côngz fố Chủ tịch UB tỉnh Quyết định chiê zơưv Trần Bình Minh, Phưv Giám đốc Sở Nội vụ, uô Chánh Văn phòng UB tỉnh hâur 5 luz shông, xav txix hnuz xiêz 6/9/2023 txos hnuz xiêz 6/9/2028. Hêik ntơưv jiês cơưv Hội nghị, zơưv Đặng Ngọc Hậu, Phưv Chủ tịch UB tỉnh Sơn La vav njôngr, zơưv Trần Bình Minh zuôr sir tas đas jos, tsưr ziv đros UB tỉnh uô tâu truôx jông cxuô luôs hâux lưv zok muôz./.

Tsu cxêik nhênhv-Lê Hạnh

        Qir trâu shông cơưv yiêz 2023-2024, tỉnh Điện Biên muôx 200 cxênhz ntâu lênhx shux xênhz, hâur co tsênhv yuôr lok six ntâu thax tsav phiv liv, shux xênhz muôx vax tsêr txov nhêv. Đhâu hlo krêz shông cơưv yiêz, ntâu poz huv, hâux lưv uô tsênhv tsênhz tưz tâu fuô uô thiêz muôz paz trâu shux xênhz chiê têx nhuôs tso siêz cơưv txux hâur shông cơưv yiêz. Iz chas ntơư, ntâu côngz trênhx hluôk nênhs nhiv kruôr tâu Tỉnh đoanx, Hội Liên hiệp hluôk nênhs Việt Nam tỉnh Điện Biên đros têz qơưk Tsênhv qơư uô têx nuv jông siêz, dưv anr cxơưz paz đas jos thiêz dưv anr tu têx nhuôs muôx luz nênhx txov nhêv fuô uô hâur six hơưv krêz shông cơưv yiêz 2023-2024 đros thiêz têx nhiêx paz xar muôx 6,6 tyv đeiv tsês trâu shux xênhz heir nênhs tsơưs, tsôngv pêx xênhv muôx luz nênhx txov nhêv. Têx taz viv chơưv paz cux paz uô 2 côngz trênhx jông siêz ntơưv jok Tiêx Njênhx lok zos Tìa Ghếnh, xã Xaz Zôngz thiêz jok Xăm Măn, xã Keo Lôm, huyện Điện Biên Đông, xav hur si tas muôx 700 tsov đeiv..... Chor hlôngr njêx muôs Dưv anr cxơưz paz têx nhuôs muôx luz nênhx txov nhêv muôz 3 cxênhz ntâu pluôk su trâu shux xênhz nox hâur shông cơưv yiêz 2023-2024 thiêz yo puz trâu 3 cxênhz ntâu lênhx shux xênhz heir nênhs tsơưs ntơưv têx tsêr cơưv txov nhêv hâur huyện Điện Biên Đông./.

 Vũ Lợi-Riê Lâux cxeik, nhênhv

          23 lênhx cưk yuôx Bác sĩ nhoz tsêr kho moz Đại học Y Hà Nội tưz tuôx trâu tỉnh tox siêz Laox Cai chiê paz chơưv kho moz gênhk trâu px. Chor cưk yuôx hêik ntơư, tâu phêiz muk trâu 7 luz tsêr kho moz huyện thiêz iz tsênhv qơư y tế huyện, tỉnh Laox Cai. Chor cưk yuôx co, muôx txâuk tsưr ziv, txux chi sêiz njuôk shuôk moz, chơưv kho moz gênhk. Pir li moz sâur nyar plơưr, chơưv moz hnhar….Txix ntơư, tưz paz phênhv trâu cxuô lênhx cưk yuôx kho moz nhoz cxuô huyện pâuz cxaz nzir tsưr ziv, txux chi njuôk shuôk, chơưv kho cxuô zav moz gênhk trâu px nhoz thax tsav tox siêz đêz đrôngl./.

Tsu cxêik nhênhv-An Kiên

          Qir txix hnuz xiêz 05/9, Công an TP Yên Bái tso têx lênhx pox niêv Cảnh sát zoz thôngz uô luôs hâux lưv tơư kriê cêr trâu têx yêz muk lol ntơưv iz cxiê qơư muôx tênhz cêr hâur thax tsav TP. Ciês hâur hnuz xuz thơưx uô hâux lưv, chor pox niêv Cảnh sát zoz thôngz tưz tơư kriê cêr, phênhz yêz muk lol truôx tuk, tsi chiê muôx yưv têx tsi jông sâuv cxuô txox cêr; paz max shux xênhz li niêv txir thiêz têx nhuôs shux xênhz hâur têx hnuz shông cơưv yiêz. Tso têx pox niêv cảnh sát zoz thôngz lês uô luôs hâux lưv li heik sâuv cux zuôr paz muôx têx jông, uô trâu pêx xênhv sưv jê đuô, cxiv tsa lưv lươngv cảnh sát zoz thôngz Yên Bái uô tâu jông hâux lưv zok muôz viv tsôngv lax pêx xênhv./.

Đinh Tuấn-Riê Lâux cxeik, nhênhv