18 cxênhz ntâu tyv đeiv, hâur co 7 cxênhz ntâu tyv đeiv zos têx pênhr nhiêx tỉnh Lào Cai hu zâuv sơưr đơưk siz chos gôngr paz txix shông 2021 txos nhiv no trâu huôv tsar ciêz đrôngs thiêz cxiv uô têx cêr muk lol hâur thax tsav. Nhiv no, nhoz têx ciêz đrôngs thiêz chor thax tsav tox siêz tưz uô tâu luôs hâux lưv njuôk hov cxuô tax 100%. Lào Cai sir jos, ntu txos shông 2025 tsuv zuôr trâul txos 130 cxênhz ntâu tyv đeiv chiê huôv tsar ciêz đrôngs thiêz cxiv uô têx côngz trênhx. Hâur co, pênhr hu zâuv sơưr đơưk sik đros paz tsav 83%. Chênhr viv li, luôs hâux lưv hu zâuv yưv pênhr uô muôx pưs txux zov chênhr thiêz quyết tinhv chiê uô tâu têx luôs hâux lưv huôv tsar kinh tế-xã hội hâur tỉnh./.

VOVTB-Riê Lâux cxeik nhênhv

          Qiv hơưv kruôr gis, nyar ntux cuz sor tsênhv uô ntâu har jôngr nhoz tỉnh Sơn La zôngx ziv trâus hluôr tơưk txêik cuz; hâur co, têx huyện li Mường La, Thuận Châu, Mộc châu thiêz Phù yên tsênhv canhv pov zôngx ziv trâus hluôr tơưk cuz jôngr. Chiê chuv tôngv phax tar cuz tox cuz jôngr, nganhx qênhz jôngr tiv phaz tưz chuôz tsar lưx lươngv seiz njôngr thax tsav qơư; cxơưz tiês yax mông muôz siêz têx tsưr jôngr thiêz tsôngv box nhoz uô nênhx jê har jôngr li jênhv pâuz lok phax tar cuz tox cuz jôngr, tiv zix zos tsuv hlơưr têz trơưk six hơưv cui tênhv, tsi ntor luôx jôngr, chuv tôngv sâu têx blôngx ntông kruôr chiê txu grês qênhx shênhx cuz jôngr....Xav txix hâur shôngk shông txos nhiv no, sâuv thax tsav tỉnh Sơn La muôx 20 ntâu txuz cuz jôngr, uô ruôr hiêv 50 hecta jôngr; pir đros tsêz no, chor txuz cuz jôngr muôx yưv ntâu đuô./.

(Thu Thùy-Txâur Vax cxeik nhênhv)

        Hâur têx hnuz so 30/4 - xiêz 01/5 thiêz krêz uô ju lix cheix ntux sor shông 2023, tsôngv kruô tuôx chor qơư ju lix nhoz Yên Bái ndis seiz têz qơưk uô si tsar ndê 70% ntâu pir li shông 2022. Tas nro tỉnh tok muôx 120 cxênhz ntâu lênhx kruô, hâur co kruô ntiêx têz tax 5 cxênhz ntâu lênhx nênhs. Xav hur si têx phênhv sâu tâu txix ju lix tax 94 tyv đeiv. Thị xã Nghĩa Lộ zos thax tsav qơư hâur tỉnh muôx ntâu kruô tuôx ndis shuôs uô si đuô hur si đros thiêz 31 cxênhz ntâu lênhx, txuôk lơưr co zos chor huyện Mù Cang Chải, Trạm Tấu, Yên Bình. Hâur six hơưv co, Yên Bái muôx zuôr xar 50 xor xưv vênhx huôv, ju lix jông tâu tsưr tsix. Ntâu txux chi, hâux lưv zuôr tâu uô ntêr tax txos tas shông li: Ndis seiz têx tox trôngz câuv har uô si…. Shông 2023, tỉnh tox siêz Yên Bái sir jos hu zâuv cov muôx 1 tsov ntâu lênhx kruô tuôx ndis shuôs têz qơưk uô si, hâur ntơư kruô ntiêx têz muôx nhos 10%, phênhv sâu tâu txix têx hâux lưv ju lix tax 1.350 tyv đeiv./.

                            Thừa Xuân-Riê Lâux cxeik, nhênhv

       Công an tỉnh Lai Châu nhiv kruôr tsưr tsix kruôk têx tập thể, lênhx nênhs uô tâu jông hâux lưv hâur tơưv txênhz ruôr yênhx côngz chuyên án 0423T, ntês tâu 2 lênhx nênhs phamv cxâuv zos Ly Chờ Tùng xênhz shông 1988 nhoz jos Huổi Lính xã Nậm Chà, huyện Nậm Nhùn (Lai Châu) thiêz Zax A Cu xênhz shông 1996 nhoz jos Huổi Khương, xã Pa Tần, huyện Nậm pồ (Điện Biên) viv muôv muôs 16 đeiv zênhz đơưz.

        Đhâu chuyên án, lưx lươngv công an Lai Châu tror ntâuk grê, zuôr chênhz zênhv hâur côngz xưv tơưv txênhz phax tar têx zav nênhs phamv cxâuv heik cxuô thiêz nênhs phamv cxâuv zax zênhz heik taz, gôngr phênhv lok côngz xưv phax tar hâur ntu zuôr txos. Nhiv no chiz coaz cảnh sát qênhz yuôx, công an tỉnh Lai Châu tưz cuiz tênhv ntês 2 lênhx nênhs heik sâuv thiêz qênhz yuôx uô cov tsênhz mênhx chiê muôz 2 lênhx nênhs hêik co tik cêr cxâuv cov zos đrêiv chêi têz qơưs tso tơưv./.

(Khắc Kiên-Txâur Vax cxeik nhênhv)