Shông 2023, tỉnh Yên Bái tưz tso tơưv luôs hâux lưv muôz pênhr nhiêx paz cxiv uô tsêr trâu chor chuôz zis pluôs ntu 2023-2025 shông 2023.

         Trơưk li njuôk xav kaz shông  2023, tỉnh Yên Bái tsênhv zuôr muôz pênhr nhiêx cxiv uô yiêz thiêz kho đuô 1.600 luz tsêr trâu chor chuôz zis pluôs nhoz, hâur ntơư uô yiêz 1.300 luz tsêr, 293 luz tsêr zos kho đuô. Đros ntơư, tỉnh Yên Bái cux tso tơưv luôs hâux lưv muôz cxuô pênhr nhiêx chox lok cxiv uô tsêr trâu chor chuôz zis pluôs, chuôz zis zuôr xar pluôs cov tâu zos đrêiv têz qơưs luôs hâux lưv zok muôz./.

Báo Yên Bái – Biên BT

         Sơn La nhiv no muôx 750 ntâu ha têz txir lưk hmaz lok zos txir lol tsuôk, xav kror đruôz đraz iz ha tax 9 tênhr ntâu, iz shông tâu nhos 67 cxênhz ntâu tênhr. Txos nhiv no tỉnh Sơn La tưz tâu muôz ntơưr trâu HTX kôngz nuv Bảo Sam thiêz HTX Thành Đạt, xã Chiềng Lương, huyện Mai Sơn 4 qơư chos txir lưk hmaz trơưk cui tinhv chiê muôs trâu luôs 2 chas thax tsav đros thiêz muôx 66,5 ha. Ngênhx kôngz nuv tỉnh Sơn La tsênhv sir jos yênhx lix, seiz car, seiz kaz têx qơư tâu choz chos txir lưk hmaz, lar heik zos seiz car, qênhz shuôs têx caz hmoz tho nox uô ruôr hiêv txir thiêz seiz kaz têx yuôx tsuôs tuô lov caz hmoz chiê uô tâu trơưk li cui tinhv muôs trâu luôs 2 chas têz qơưk, thax tsav. Zơưv Dương Gia Định, Chi cục tsar Chi cục tsêz chos thiêz por hưv đrox tsuôs tỉnh Sơn La heik pâuz: “Chi cục tưz cxiv tsa tsưr ziv cux li bax nênhs, bax nhiêx txiêx chiê luôs hâux lưv heik sâuv cov chos thiêz tu tâu trơưk li cui tinhv, sir jos hâur shông 2023, 2024, 2025 tas nro têx qơư chos txir lưk hmaz lơưr cui tinhv puôr lênhx muôx ntâuz ntơưr chos chiê Tổng cục Hải quan Trung Quốc côngk nhav, iz chas ntơư zuôr tso tơưv tsưr ziv kriê iz txos 3 qơư sâu đê, ntiv têx txir hmaz heik sâuv tâu trơưk cui tinhv”./.

 Thanh Thủy-Riê Lâux cxeik, nhênhv

          Qơư ndis uô si, sêiz shuôk têz qơưs hâur thax tsav huyện Mộc Châu jiês tiv oz tâu côngz jênhv zos thax tsav qơư jông jav tiv iz hâur pêz têz qơưs VN thiêz zos thax tsav qơư muôx chôngz lênhx kruô tuôx sêiz shuôk sơưr tiv iz châu Á shông 2023. Ntơưv jiês muôz giải WTA shông 2023 thax tsav châu Á - châu Đại Dương. Giải WTA zos giải nto bê tâu côngz jênhv hur si sâuv ntiêx têz. Giải thax tsav qơư ndis uô si Mộc Châu, zos cxơưz cxiz huôv tsar qơư ndis uô si, sêiz shuôk têz qơưs Mộc Châu chiê yênhx iz thax tsav qơư nto bê, muôx chôngz lênhx kruô hâur têz qơưs thiêz sâuv ntiêx têz tuôx sêiz shuôk./.      

Tsu cxêik nhênhv-Lê Hạnh

          Công an TP Điện Biên Phủ, tỉnh Điện Biên nhiv kruôr xơưz xưv, tik cêr cxâuv  trâu Nguyễn Văn Quân, xênhz shông 1985, nhoz jok 4, phường Thanh Trường, TP Điện Biên Phủ, lênhx tsar luz yêz lox yar trâul 2 lênhx nxeik shux xênhz lớp 9 zos Lò Thị Thu, Lò Thị Thảo, puôr lênhx xênhz shông 2009, nhoz xã Thanh Luông, huyện Điện Biên uô cxâuv cheix yêz muk lol tâus cêr tiv uô tuôs ciês 2 lênhx nxeik heik sâuv ntơưv qơư thâuv tsênhv taz tov muk dưv krêz shông cơưv yiêz tror lok txos tos cêr./.

 (Vũ Lợi-Riê Lâux cxeik, nhênhv)